ايهما افضل نافارا 2010ام هايلوكس 2010

والله انا النسبة لي ( تويوتا كلها ما طابت لي ) النافرا بانسبة لي افضل اقل شي انها نيسان 0 والنيسان مشهود لة بالقوة

تويوتا زادة عزم الهايلكس على حساب المكينه والقيرررر يعني القير على قولتك محشوووور ليوفر عزم اكثرر ولكن على حساب العمر الافتراضي !!
لو تلاحظ مشاكل قير الهايلكس الجديد اكثرر من اي سياره

^^^
بالنسبة للهايلكس ما راح تبعد عن 190

لاني ما ادري وش سياسة الشركة في هالقير المحشور حشر عجيب

تخيل اذا امسك خط على 160 لازم الضغط على 4 طول الخط بالقير الخامس بينما الخط الاحمر عند 5,5 و تكون على 5 عند 190

الصراحة كنت متحمس افصلها لكن شفت اني بخسر نفسي و ابفجر مكينتي و افرط قيري !!!

ايضا للمعلوميه النافارا تفصل على سرعة 190 كلم مثل الهاي لوكس مع انها ابسرعه تجيبهن واتوقع لو يفك الفاصل كان يصير اعلوم

طبعا النا فارا لأسباب منها
1-المقصوره الداخليه أوسع بكثير
2-الراحه طبعا من صالح النافارا
3-سعر عند الشراء أرخص من الهاي
4-عند البيع ماسكه سعرها ((أذكر قبل اسبوع في معارض القصيم نافارا 2008
مسيوم 63طبعا مستخدم الموتر وماشي والموتر فل كامل))
5-الرسااااااااااااااااااااااوه من صالح النفارا --تقول راكب جيب ماشاءالله--
6- من الداخل رملي + مثبت رعه للفل اوبشن+اير باقات
تحياتي ---ابوصالح---

^^^

لا هنت ع التوضيح

لا الله يعطيك العافيه انا اقصد المعارض وليس الوكاله وانا موتري شاريه بتاريخ 23/6/1431 بسعر الي ذكرت لك
اما الهايلوكس الدفرنسيين اذكر كانت 83 الف والددسن بـ 77 الف وكلهن بدون لوحات برضه من معرض وبنفس التاريخ الي ذكرت لك
تحياتي لك

^^^

انا شاري سيارتي ايام عز موديلها 2009 بـ 74500 ريال و النافارا ارخص بـ 500 ريال ذيك الايام

و 2010 هالايام بـ 73000 الف و خويي شاري النافارا 2010 فل كامل بـ 77000 ريال

الا اذا كنت تقصد الهايلكس الدفرنسين فهذا شي ثاني

السلام عليكم
جميع المواصفات لصالح النفارا ماعاد العزم لا والله لصالح الهاي لوكس والفرق بسيط يعني 3 مواصير خخخخ
انا عندي نافارا 2010 قير عادي جربت مع هاي لوكس 2010 و 2007 جي ال اكس وكلهم اطلعو علي وهم شد بلد
انا قبل الاشري النافارا سويت مقارنه ميدانيه بينها وبين الهاي لوكس لاني كنت محتار بينهن
وتفوقت عندي النافارا على الهاي لوكس ماعاد العزم
وفيه نقطه ثانيه الهي الاقتصاد بالوقود والفرامل ايضا النافارا افضل بكثير ومن تجربه بقيادة السيارتين و على بنزين 91 وسرعه 100 كيلو متر بالساعه مشيت بالنافارا 690 كبلو ماشاء الله
اما السعر طبعا من المعارض الهاي لوكس الجي ال بـ 69500 طبعا هذا ارخص شي وبدون لوحات والنفارا السي اي الهي ريموت وجنوط كروم مقاس 16 انش واشارات على المرايات واكباس وجناح خلفي وقزاز كهرب ودركسون هوى بنفس السعر شامل الوحات بدون التأمين

الهايلوكس عملية وسعرها فيها

في اليوتوب نافارا اوتو رايح على هايلكس عادي !!
والسعر العام موديل 2009 كان 73 بالمواصفات الي ذكرتها سابقا عند الوكاله الحمراني
والهايلكس 75 جي ال اكس بدون ارباجات وabs في المعارض !!

كلهم حقون كرف
لكن النافارا يعتبر أفخم وأهدأ

اكيد النفارا افضل من ناحية الشكل والمواصفات والسعر والثبات والصلابة وامكانيات التحميل دون سقوط المؤخره

^^^

الهايلكس اوسع من الداخل صراحة لا في الامام ولا في الخلف
و النافارا وسيع لكن ما هو بدرجة وسع الهايلكس



و انا مفشخ نافارا 2010 قير عادي فل كامل تطارحنا 3 مرات
بهايلكس 2009 قير عادي غمارتين

ونافارا ثاني 2008 قير عادي فل كامل يمشي جمبي و اروح عليه بعد 170 بنفس الهايلكس
و برضه تطارحنا 3 مرات

ميزتين للنافارا مقابل الهايلكس
قوة دفع المكيف على السرعات البطيئة للمروحة بينما الهايلكس لازم ترفعها حتى تجي بنفس القوة
الراحة من ناحية المطبات من الامام و الخلف بينما الهايلكس مريحة من الامام و صلبة من الخلف


غير كذا الهايلكس و لا تشاور

أن خذت نافارا لا تاخذ الا اوتوماتيك لأنه قمة المتعة

من ناحية القساوة اللي يتكلمون عنها بعض الشباب ، فأعلم أن النافارا أريح من الهايلوكس الموديل القديم و أريح من الددسن المشهور براحته ..
أيضاً قد تتمكن من زيادة راحة السيارة و ذلك عندما تعرف الآتي..
السيارة بدون ترهيو او تعديلات تقدر تحمل حمولة 1طن و انت تضحك و ذلك بسبب ان الكفرات حقت شاحنات خفيفة و كذلك السست كثيرة ..

انا غيرت للنافارا كفرات هانكوك بدل حقت البلد يا شيخ تغير الموتر 180 درجة من ناحية الراحة و الليونة و السواقة في النفود لأنه يفرش بعكس حقات البلد.

الموتر ماشي الآن 120 ألف كم و ما عنده خلاف...
*

متأكد من هالمعلمومة بالمتر تم قياس السيارتين بالعرض من القزاز إلى القزاز فيه فرق 6 سم لصالح النافارا يعني السعة الداخلية لصالح النافارا وبفرق كبير