أفضل كفرات للماركيز 2008 ؟

صحيح كلامك الميشلان الفرنسي لا يعلى عليه ، لكن المشكله إن مقاس 2008 شد بلاده 225/60/16 و أنا سألت وكاله ميشلان قالو ما يجي إلا التايلندي بسرعه H و أسباني بسرعه V يمكن المقاس اللي عندك موجود .

بالنسبه للضمان من الصعب لو ضرب عليك الكفر أو حبل تثبت للوكاله انه عيب من التصنيع ، و هذا اللي حصل لي مع البيريللي مع إني حكيت برصيف و أنا ماني مسرع و تنفخ الكفر من الجنب ما أقتنعو بكلامي قالو لي أنت ضارب رصيف و الضمان سنه وحده يعني حتى لو هي على الضمان راح يتعللون بأني ضربت الرصيف .

و بعدين فرق السعر بين الميشلان و الهانكوك لدرجه أنه يوصل للضعف مقارنه بفرق الجوده و اللي ما أعتقد يوصل للضعف لصالح الميشلان يعني بيكون الفرق في الجوده 20 % أو 25 % .

فيه موقع للكفرات يوضح لك فرق الجوده دخلت عليه بس و الله ماني ذاكره على ما أعتقد القوديير أخذ الأول هذا بالنسبه لمقاس كفر الميركوري 2008 و في أمريكا إذا ما نسيت .

انا عندي جراند ماركيز 2008 ومركب احسن كفرات واظن اغلاهم بحسب مامريت على السوق مركب كفرات ميشلان صناعة فرانسي بصراااحه اللي عجبني بالكفر ان ضمان الكفر مو سنه لا ضمان مفتوح طول عمر الكفر حتى يستهلك وبصراااحه هي غاليه جدا اخذت الكفر الواحد 550 بس تستاهل السياره مره صوت مافيه وقوه في الفرمله والانعطافات وبصراااحه ماندمة يوم شريته حتى الكفر معطي للسياره هيبه ومركب مقاس 235/55 r17 طبعا مو مقاس وكالة بس نفس مقاس الكراون الوكاله ....وبس حبيت اشارككم

جزاك الله الف خير والله لا يحرمنا منك ياغالي
راح اشوف الحاجات اللي قلت لي عليها واختار المناسب منها ان شاء الله .

حياك الله أخوي لورد الله يبارك فيك

المقاس 225 /60/16 شد بلاده ، و السعر في السوق ب 400 و فوق لكن مافيها عرض رمضان . صاحب المحل نزل لي في السعر إلى 380 .

لكن انا اشوف انك تمر محلات الكفرات و تشوف الهانكوك ( H لسرعات 210 ) يمكن تلاقيه ب 270 أو أقل بيطلع عليك الطقم بحدود 1100 و حط لك موضوع شوف أحد من الأخوان مركبه يمكن يفيدك و شوف هذا موقعهم

http://global.hankooktire.com/Psearch/Search.aspx?pageNum=1&subNum=2

لا تنسى تحط مقاس الكفر بتلاقيه على اليسار

فيه شغله نسيت أذكرها لما ركبو لي الكفرات في اليوم الثاني لقيت و احد من الكفرات مركب بالمقلوب و رجعت لهم و عدلوه و حتى ضغط النتروجين ما ظبطوه لاني يوم مريت الوكاله علشان يعطوني كوبون بنده و زنت ضغط الفكرات لقيتها مختلفه و ما قصرو الوكاله زادوه مجانا و الغريب ان حساس الكفر ما اشتغل ليش ما أدري ! لما كانت هوا كان يشتغل لو اختلف ضغط واحد من الكفرات عن البقيه فخليك منتبه عند التركيب .


فيه شغله أخيره لاحظت ان البريك كأنه اختلف عن الأول حاجه بسيطه يعني صار خفيف شوي ، يمكن لأن الكفر لين شوي


موفق إن شاء الله

كل سنة وانت طيب اخي الكريم
ومبروك عليك الكفرات الجديدة والله يعطيك من خيرها ان شاء الله
حبيت أعرف منك كم بالضبط مقاس كفرات القوديير اللي ركبتها على سيارتك الماركيز
وانا شايف انه ماشاء الله تبارك الله سعر الكفر ممتاز جدا وهو 380 ريال لكفر مقاس الجنط 17
واذا كان مقاسك هو نفس مقاس الكفر اللي عندي 225-60-17 وانت تنصح فيها راح اتوكل على الله واركب منها بس ابغا منك تأكد لي المقاس وجزاك الله خير .

السلام عليكم و رحمه الله و بركاته

و كل عام و أنتم بخير

من أجل أن أستكمل الموضوع و حتى تعم الفائده للأخوان في المنتدى ، بعد مامريت كذا محل مالقيت البيريللي إلا عند واحد بس قال لي مافيه إلا كفرين و لقيت عنده قوود يير ألماني و مسوين عرض عليها من الوكاله تاخذ أربع كفرات و يعطونك قسيمه مشتروات من بنده بقيمه 250 ريال . طبعا قيمه الكفر 380 ريال و تاريخه قريب يعني في شهر 6 _2010 و لقيت مماثل له هانكوك يجي نوعين ( H لسرعات 210 ) سعره 270 و( V لسرعات 240 ) سعره 290 على ما أذكر بصراحه كنت ناوي أركب الهانكوك لأني عاينته لين و حسب ما شفت في موقعهم انه ممتاز في البريك ، لكن بصراحه علشان القوديير صناعه ألمانيه و أيضا عرض رمضان خلاني اشتريه .

بعد 10 أيام من أستخدام الكفر بصراحه القوديير الألماني ممتاز و الصوت يكاد يكون منعدم خاصه اذا تمشي في طريق مسفلت جديد و طبعا ألين من البيريللي السابق نوعا ما ، لكن ما ينحكم عليه إلا بعد الإستخدام لفتره سته أشهر أو سنه .

على كل حال نصيحتي للي بيركب للماركيز يمكن يكون الهانكوك خيار مناسب لأن سعره ممتاز و أيضا الجوده ما أعتقد تفرق كثير عن المنافسين و هذا مجرد رأي و يمكن أكون غلطان .

شكرا لكم جميعا و كل عام و أنتم بخير

شكرا لكم على مداخلاتكم الطيبه و اسف اني إنقطعت عن الموضوع لان النت ما اشتغل معي امس ، على كل حال بالأمس مريت شارع الكفرات ( هذي التسميه من عندي ههههههه في الدمام أغلب محلات الكفرات في شارع واحد ) ، المهم لقيت البيريللي بحوالي 400 ( شوف الفرق بينه و بين سعر الوكاله 675 ) لكن انتاج اخر 2009 و مريت الرد كاب قريب منهم لقيتهم مسوين عرض تاخذ 3 كفرات و الرابع مجانا هذا انتاج 2010 يطلع الطقم ب 2000 لكنهم يحطون سعر غالي و يقولون لك مسويين عرض ! أنا قررت إني أركب 3 كفرات بيريللي و استخدم السبير لأني ما أستخدمته .

و ترا أغلب الماركات جودتها ممتازه لكن لاحظت إن هناك علاقه طرديه بين ليونه الكفر و تغير النقشه بعد الأستخدام ، فمثلا البيريللي اللي بسيارتي قاسي لكن ما تتصورون النقشه ما راحت كأنه جديد يمكن لأني ما مشيت كثير ( ماشي 39 الف ) بس انها خدمت سنتين و نص و لو ما ضربت بالرصيف و تأثر الكفر الخلفي كان ما أغير الكفرات .

شكرا لكم و كل عام وانتم بخير

على العموم انت حر ... اذا خايف على سيارتك ركب ميشلان حتى لو غاليه سيارتك تستاهل اما اذا همك بس الرخيص ترى ماعمره يفيدك الا سلبيات اكبر والقرار لك

شوف يالغالي
انا كان معي فورد وركبت تويو ياباني وبصراحه حلو وسعره فيه

وانا كنصيحه من مجرب انصحك تركب اما تويو ياباني او قودير الماني والقودير بصراحه مره رااايق ناعمه وقويه وضمانها مفتوح وسعرها معقول اهي والتويو

واذا بتركب غالي ركب اما ميشلان او بيرللي او برجستون

والله يوفقك



تحياتي

نصيحة انحش عن دنلوب و سوميتومو انا مجرب النوعين شريت دنلوب وما كملت شهر وبعتها بنص القيمة لانها قاسية تقول راكب ددسن وبعدها ركبت سوميتومو ياباني اول شهرين ما شاء الله وش الراحة في السيارة بس انعدام الرساوة مع الخط والآن تقول كفرات حجرية لا رساوة وقاسية جدا في المطبات مع العلم ان المساعدات جديدة
والله حالة
وأيضا لا تصلح لمن تكون مشاويره كثيرة
عند اول اختبار حقيقي لها بنشر واحد والله انه جديد
بس مدري وش فيه
وعلى قول أخوي يقول انت أول واحد في العايلة يغير 9 كفرات في شهرين
شف ميشلان تراه ممتاز وشف كفرات لينة واشرط على المحل

أنصحك بكفرات سوميتومو من تجربة مايقارب العشر سنوات وصناعتها يابانية

شكرا على تفاعلك بالموضوع

أنا مالقيت ميشلان فرنسي اللي لقيته تايلندي أو أسباني يمكن موجود بس يبي لي امر كذا محل ، لكن يا أخي طقم التويو ب 1200 و هاللي تقول عليه ب 2200 و الله فرق .

على كل حال شكلي بركب التويو هذا اسمه Versado LX يبدو أنه جيد لقيته في موقعهم

شكرا لكم

حبيبي انا عندي ماركيز 2008

مركب كفران فرنسي ميشلان اقوى وافضل كفر طبعا الضمان للكفر مفتوح مو سنه مثل الكفرات الثانيه والكفر الواحد اخذته تقريبا ب 550 مقاس 235/55 بصراااحه انها غاليه بس مره راسيه وقويه ومتماسكه ودعستها بعد حلووووووه تبي الجد وربي سعرها بمحلها ومغيرها بطريق العروبه عند الزينه

هذا مقاس الكفر 225/60R16

الجنط 16

فيه كفرين بالهانكوك هذا رابطهم
http://global.hankooktire.com/Psearch/Search.aspx?pageNum=1&subNum=2&ChildNum=1

و هذا رابط للتويو ادخل موديل السياره و اسمها و تلاقي نوعين من الكفرات

http://tirefinder.toyotires.com/