رانجلر 2011فل او FJ او اكستيرا..؟؟؟مع صور

ممكن تعلمني بماذا يتفوقون الاخرين بالداخل عن الاف جي

يعطيك العافية..... والاف جي ممتاز... لكن كمواصفات من داخل اخوياه يتفوقون عليه....

للاسف...علما ان الموتر عاجبني...

السلام عليكم ورحمة الله وبركاته
أخوي أنا ما راح أقول لك لا تاخذ رانجلر ماهي حلوة ولا أقول لك لا تاخذ اكستيرا لأني ما جربت ولا سياره منها ولا أقدر أحكم عليها
لكن أول شي الرانجلر شكله جذاااااااااااااب و مرره حلوو
والاكستيرا أنا عن نفسي ما يعجبني أحسهم نسخوا الباث فايندر 2009
نجي للإف جي :xyxthumbs:
بصراحة أنا تويوتا ما أطيقها لكن بعد الإف جي كل شي أتغير
بالنسبة للإف جي 2010 ماكينته هي نفسها ماكينة البرادو 2011
بالنسبة للداخلية جدا مريحة و مسجل 6 سيديات وكاميرا في الخلف وحساسات خلفية
و عندك تحكم في الراديو والصوت من الدراكسون وطبعا السيارة فيها دفع رباعي وهذي شي بسيط من المواصفات اللي في السيارة
آسف طولت عليك :smile:
لكن شوف كلامي و كلام الإخوان
واذا مو عارف تقرر صلي صلاة الاستخاره وإن شاء الله ربي يكتبلك اللي فيه الخير
بالتوفيق أخوي

حياك الله اخوي والله يرزقنا ويرزق الجميع يارب وحنا في الخدمه يالغالي

^^^^^^^^^^
والله كفو ..يشهد الله انك نشمي ولا يهونو الاخوان...والله يعطيك سعة في الرزق

مثل سعة صدرك...ولي نية على الخبر...وانا حاط في بالي اذا باخذ مالي الا 2011

واشكرك مره ثانية....>>> بس هذا مو معناتها اني مراح اسألك مره ثانية ههههه

اخوي جمس 91
واخوي متأكد ان ال4 ابواب مايجي عادي..:eek:....تكفى ترا يهمني هذا الامر...
انا متأكد الاربع ابواب مايجي عادي وهاذي معلومه اكيده طبعا الا اذا كان امريكي يجي قير عادي بس نادر.. مثلي :ch19:

ههههه سبحان الله انا طول عمري اسوق سوبر موديل 91 وددسن...للذلك اقول لربعي ماعتقد احصل سيارة اسؤا من اللي عايشتهم ...طبعا في الخط او التنسيم ههههههه

ههههههه لا ان شاء الله الموتر الجديد يريحك وتستانس فيه

سواقتي للسيارة روقان روقان.....

اذا السالفه كذا ماعندك مشكله حتى معا الفولفو والرينو ههههه

المشكلة انا في الحسا والمتحده عندنا لك عليها تخيل ماعندهم ولا رانجلر الا واحد 4 ابواب وفل صحارى..و وكالة نيسان وتويوتا ليست افضل حال منها....

[COLOR=black]والله ياخوي انا اعتبر هالنقطه ايجابيه كل ما خلص 2010 استعجلوا فتنزيل 2011 تعال لو تبي المتحده فرع الخبر راح تحصل انشالله ... لكن خل ال2011 فبالك تراه تغير مثل منت عارف [/COLOR]
[COLOR=#000000][/COLOR]
قد يقول البعض اني مبدي اهتمام للرانجلر اكثر...والحقيقة هي الحصول على معلومة حول الرانجلر اصعب من الاف جي او الاكستيرا....ومعليش ياخوي انت بالذات تعبتك شوي...

[COLOR=black]بالعكس ياخوي مافي تعب ولا حاجه انت تامر افا عليك .. واذا عندك اي استفسار حنا حاظرين وتراني مسجل فالمنتدى بس عشان موضوعك هههههه [/COLOR]
[COLOR=#000000][/COLOR]

[COLOR=blue]بس انت نادر ههههه مالك رانجلر ومحايد>>>مايتفوت ههههه....عسى ربي يبارك فيك
والله يالغالي انا مجنون رانجلر ومتعصب جدا للرانجلر ولا في بالي اي موتر غيره بس انا احتياجي غير احتياجك غير احتياج اي عضو ثاني فالمنتدى... فودي اني اكون محايد عشان انت تستفيد :smilie16:

واي استفسار حنا حاضرين

[/COLOR]

خذلك مازدا cx-9 رووووووووعة وسعرها بميزانيتك ..

والله يا اخوي الرانجلر شكل مو طبيعي سواء من الخارج او من الداخل والله شكلها خطييييير ومن القوة والعزم والرساوة انا اروح للرانجلر...........توكل يا اخوي رانجلر وبس

المشكلة انا في الحسا والمتحده عندنا لك عليها تخيل ماعندهم ولا رانجلر الا واحد 4 ابواب وفل صحارى..و وكالة نيسان وتويوتا ليست افضل حال منها....

قد يقول البعض اني مبدي اهتمام للرانجلر اكثر...والحقيقة هي الحصول على معلومة حول الرانجلر اصعب من الاف جي او الاكستيرا....ومعليش ياخوي انت بالذات تعبتك شوي...

بس انت نادر ههههه مالك رانجلر ومحايد>>>مايتفوت ههههه....عسى ربي يبارك فيك

الرانجلر وبس

والاف جي هذا مشكلته تويوتا ولما تقول تويوتا معناه تقول مرض اسمه غسيل المخ تويوتا وبس فلا انصحك

الاكستيرا مناسب لك خذ فل كامل داخليه بيج قير اتوماتيك وتوكل على الله

والله ياخوي جمس 91 انا اتمنى انهم غيروا المكينه بس انا قاري في مواقع اجنبيه ان المكينه على حطتها وياليت لو عندك مصدر تطلعنا عليه لاهنت

ليه اكره الاربع ابواب؟

عندي سببين اول شي من الناحيه الجماليه فهو مايعجبني وهاذي مسأله اذواق والسبب الثاني ان المكينه على البابين هي نفسها المكينه على اربع ابواب وبالتالي موتر اثقل بنفس المكينه فعزم اضعف غير ان الاربع ابواب يجي قير اوتو والرانجلر بنظري حلاته عادي

ليش اعتبرها مب استخدام يومي مثل مثيلاتها؟

لان مثل منت عارف ان الرانجلر سياره مصممه للاوف رود فطبيعي الموتر ماراح يكون مريح فالخط.. غير ان السياره كشف وتتبطل من كل مكان وتلبسها على كيفك فتنسيم الهوا راح يزعجك مع مرور الوقت وراح تطمح لسياره اهداء عشان كذا اقولك الرانجلر ممتازه كسياره ثانيه.. عن مثيلاتها ماعندي خبر بس اعتقد انهم اهدأ منها

هل السيارة بها مشاكل؟

الرانجلر الحين تحسن كثير ومن اكثر مشاكله فالسابق الحراره والحين هالمشكله تلاشت ولله الحمد... طبعا مثل منت عارف استخدم السياره استخدام حشيمه تصبر معك ان شاء الله... وعندك طبعا صرفيه البنزين والسبب ان التانكي صغير ولكن الحمدلله بو متعب مب مقصر بسعر البنزين


او غير اعتمادية...علما اني قليل مشاوير ....وما عندي مشكله بالقير العادي
السياره اعتماديه اذا كانت سواقتك حشيمه مثلها مثل اي سياره
واذا انت راعي مشاوير قليله وماعندك مشكله القير انا اشور عليك الاتي

رح وكاله المتحده واطلب تجربه الرانجلر بابين او الي تبي وجرب القير عادي والاوتو وشف الي يصلح لك وكذلك دحدر على التويوتا والنيسان وجرب بعد السيارتين وشف انت وش يجوز لك.

والله يوفقك واذا عندك اي سؤال نحن حاظرين

اذا انت في الرياض خذ رانجلر

لأن الصيانة عندك + تتميز بالسيارة

والله يوفقك

الله يسلمك يا مشرفنا....انا ابي الموتر للاهل هذا شي ثانوي...:tongue:

خاصة وان الاقارب كلهم حولنا....يعني مافي مشاوير.....والسفر >>والله ما قد سافرت باهلي اخوي الله يحفظه قايم بالواجب.....لكن قلت لو مستقبلا والسفرات قليلة....( ومافي هاليومين موتر مريح ورخيص)

وسالفة 280 حصان اعتقد راح تكون اقرب للصواب لنزوله ايضا على التشارجر...2011

واليوم راح ابدأ رحلتي للوكالات >>على الاقل اجرب ركوبها....

السلام عليكم

الاخوان ماقصور ويعطيهم العافية وبصراحة حسب طلبك تبي سيارة عائلة وفي اعتقادي ولا سيارة تصلح تكون عائلية فيهم فكها يعاب عليها ضيق المقاعد الخلفية وسهولة الركوب فيها في سيارات اساساً مخصصة للبر وليس للسفر والعائلة

الاخوان اختلفو على قوة الاف جي وهذا الموقع السعودي الرسمي يذكر 259 حصان

http://toyota.com.sa/modelsprices.asp?model_id=9

محرك الرانجلر شاهد في المواقع انه المحرك سيكون 280 حصان لكن ليس من مصدر رسمي

في الختام اذا كانت هذه فقط السيارات التي تفكر بها فانصحك بالاستخارة
بالتوفيق

قصدي بالتقليد يعني الصناعة ولم اقصد الشكل ما احس فيه ذيك الجودة (قد يكون رأي شخصي)

اما المحرك فشخصيا واقف على فشفش واحد من العيال 6 سلندر قير عادي مفكك محركه + قيره قطعه قطعه

فجأة بدون مقدمات خبطت عليه و السبب اللي قالته الوكالة ضعف شنبر الزيت و القير خربت نحاساته (طبعا لولا الوكيل الممتاز والا كان بيدفع القيمة نقدا الله لا يهينه لكن تحملها الضمان) + جيبين الشاص 2010 اللي شفتها مسحوبة و مفكوكه محركاتها و هم جدد عند الوكيل (هذولا قد يكون سؤ استعمال الصراحة) :rolleyes1:

و الـ 7,6 ستوك بدون دبل او اي شي ثاني ! هو قوي المحرك لكن ما هو الى هالحد الله يبارك لك بموترك

:smile:

انا اشوف ان ال FJ افضل اختيار من بينهم .

السلام عليكم ورحمة الله :)

اولا انا مع اخوي emali88 لانه منطقي ودايما في اي موضوع مقارنات لشراء سياره ترحم راعي الموضوع لانك تحس الناس ماهي مقدرة ان بيدفع دراهم ....

وجهة نظري

السيارات الثالثه الي انت تسال عنها لها ميزاتها ولها عيوبها وبالتالي انت شف وش من السيارات هذي مميزتها تخدمك اكثر من الثانيه... واستخر وتوكل على الله ...


بما ان من ملاك الاكستيرا فانا اقدر اتكلم عنه.. موتري2009 ماشي حول53 الف

الي يقولك فيها عيوب لاتصدقه هذا بالنسبة للعيوب المصنعية يعني اذا دخلت رابطة ملاك الاكستيرا ولقيت الشباب شيل وحط بموضوع الدفرنس وزيت الدفرنس فهذا طبيعي
لان في نقاشات واقتراحات كثيره بين الشباب فيما يخص نوع الزيت وهذا لان الزيت الي يجي من الوكاله خفيف بالنسبة لاجواءنا.... مافي احد طق عليه الدفرنس من نفسه
يعني كل الي طق عليهم الدفرنس كانوا يستخدمون غلط ... ومع هذا مب كل الي يستخدمون غلط طق عليهم الدفرنس.... وهل الشي موجود بالربع التيوتا من زمان
ان دفرنسه يطق بسبب سوء الاستخدام مع انه سيارة مصممه عشان تلعنها وماتقول شي..


في موديل 2008 في تنسيم بالقزازه الامامية والوكاله يصلحونه على الضمان
2009 ماذكر احد اشتكى من هل العيب الا نادرا ... عموما هو شي محلول

نجي لعيوب السيارة(غير مصنعية) ومميزاتها :
السيارة في المطبات غير مريحة نسبيا وفيها ردحةلا وصل الدفرنس لاخر حد له
والحل كان بتغيير الربلة وماتكلف 100 (هذا الحل لايعني ان العيب مب موجود)
طبعا اذا كنت ناوي على الاوف رود فمسالة الراحه تكون افضل لان مساعداته افضل من العادي.

السيارة في الخطوط حلوه ومريحه وراسيه ...

في البر ماعليه كلام ...الموتر نشيط ولاطلبته يعطيك..

..........................................................................


بالنسبة لجودة المواد الداخلية... في فرق بين ان يكون التصميم عادي و المواد رخيصه
وبين ان يكون التصميم عصري (غريب )والمواد ايضا رخيصه ؟؟؟
هذا الفرق بين داخلية الاكستيرا والاف جي فقط .... اما مب عشانه تيوتا تصير المواد الداخليه عالية الجوده لانه مب لاندكروزر ولا برادو...

.........................................................................

من استخدامي القليل جدا للافجي فهو والاكستيرا فيهم النشاط الي تحتاجه في البر وزود
وفي المدينة الاف جي اريح وهل الشي طبيعي لان تعليقة الخلفي ياي مب سست مثل الاكستيرا
في الخط الاكستيرا افضل لان قزازة الاف جي الامامية مع السرعه الزايده تكون مزعجه
واكثر الاشياء ازعاج بالاف جي ويتفق معي ملاكه في هل الامرين مراتبه قاسيه
والمقعد الخلفي غير مريح نهائيا ... صوت الكنداسه مزعج جدا داخل السيارة ..

.......................................................................

الاكستيرا يتميز انه 4 ابواب كاملة وهذي ميزه قدام الاف جي الي يعتبر الباب الخلفي فيه مزعج
(على قولة القصمان الي ماسلم منهم احد يسمون الاف جي انزل ابركب خخخخخخ)


......................................................................

الوالد الله يحفظه معه فورتشنر ماشي 30 الف وتوقعت على كلام الناس ان الوكيل نازل من السما؟؟ لكن من شرا السيارة وهو يروح لهم وطنااااش والموتر يدخل عليه ملاحظات ويطلع فيها
وقبل كم يوم دخله صيانة 30 الف الموتر اخذ 30 دقيقه واخذوا حدود 450 ريال !!!
مكتوب بالفاتوره تغيير زيت وسيفون وتربيط وتشحيم !!! كل هذي بنص ساعه ؟؟؟
والله لو كانوا يشتغلون 20 واحد بالموتر ......وكثير نسمع ان فلان طلب القطعه الفلانيه
ولاجت الاب بعد 3 ايام من جدة .....


محصلة حديثي عن الوكيل..... عبداللطيف جميل لايعتبر ميزه وبس ....



............................................................................

حط في بالك شي عشان نكون محايدين ولانظلمك ....
تشوف انتشار الاف جي في جميع مناطق المملكة؟؟ هذا وش معناته ؟؟ ان الموتر ماعليه
كلام وكل المواتر فيها ميزات ولها عيوب ... صحيح ان من 40 الى 50 %
من انتشاره بسبب شعار تيوتا وقدسيته في السعودية بس ال 50 ال 60% الباقيه
لانه اثبت نفسه ...

ولاتخيل انه مب تويوتا وهذا تصميمه (تصميم غريب وانا يعجبني) كان نص الي معهم الحين ماشروه...

............................................................................

الاكستيرا يمسك سعره بشكل جيد جدا .... والامثلة عندي كثير اذا حبيت

.............................................................................

الرانجلر ... ماعرف عنه اي شي بس اعرف ان تعليقه قاسي نوع ما .....
وتغيير مكينته بيخليه ينتشر عندنا لاننا في الخليج راعين نفود ويهمنا قوة المحرك
ولا نهتم بالانظمة الي تعتبر شي ثانوي بالفود عكس دول العالم الي يهمهم الانظمة ...


.........................................................................


في النهاية ارجع اقول الثلاث سيارات فيهم ميزات وعيوب وانت شوف وش تحتاج واستخر ....




اخوك / ابوخزيم :)