رانجلر 2011فل او FJ او اكستيرا..؟؟؟مع صور

وجهت نظرك احترمها ...وعلى فكرة قبل لا اكتب الموضوع كنت عارف بأن هذي الامور سوف تحدث...لكن وانا اخوك ردود المتعصبين تبان....وللاسف اللي يحزنني بعض الاخوة يكتب مثلا اف جي او اكستيرا او رانجلر وبس....لكن قلت على الاقل اطلع بكم رد محايد...والحمد لله لقيت بعض الردود من ملاك جميع السيارات مثلجة للصدر...بارك الله فيكم...

اخوي 2011 غيروا المكينة ...حتى التشارجر ....3,6 و280ــ290حصان صافي....

والله ياخوي لو توضح اكثر ...ليه تكره البابين....وليه تعتبرها مو استخدام يومي مثل مثيلاتها....هل السيارة بها مشاكل

او غير اعتمادية...علما اني قليل مشاوير ....وما عندي مشكله بالقير العادي

....ووضح اكثر لاهنت شوقتنا...>>> ماصدق خبر!!!:smilie16:

f j وبس .......

وعليكم السلام ورحمة الله وبركاته
أهلا وسهلا فيك اخوي جمس 91

أول شي أنا املك نيسان اكستيرا ولا راح أتكلم عن اى شي من السيارات الثلاثة
وثاني شي الصراحة ترددت كثير في ردي على الموضوع لي أن موضوع المشاورات دائما تكون من غير فائدة
لي أن اغلب الردود غير محايدة
والاغلب يمدح الشركه اللى يملكها اويمل له
ويذم السيارات الثانية ويقول أشياء كأن سيارته مصنوعة من ذهب ولا من كوكب أخر
و80 % ماراح تطلع بالفائدة
واقرب شي لو تلاحظ أن بعض الأعضاء اللي يمدحون سيارة معينه
(سوئن هنا أو في أي موضوع يكون فيه مشاورات)
تحصل في مواضيعه اللي موجودة في أسفل معلومات العضو كلها عن نفس الشركة اللي يشوره لك
ولو بحثت أكثر راح تحصل اغلب ردود العضو عن الشركة اللي يملكها اويمل لها
والتوقيع كذالك راح تحصل لي نفس الشركة اللي نصحك فيها (سبق وقلت بعض الأعضاء)

الخلاصة يالغالي ونصحتي لك
انك تختار السيارة تكون على ذوقك وليس على ذوق غيرك لي انك أنت اللى راح تستخدمها
وإذا كنت محتار اذهب عند الوكالات وجرب السيارات حتى وهي في محلها راح تحس في الفروقات
وبعد اختيار السيارة اللي تناسبك صل صلاه الاستخارة وان شاء الله ربي يقدم مافيه الخير لك

وهذي وجهت نظري

وتحياتي لك

يابو رنا الرانجلر تغير محركه وصار نفس محرك الجراند شيروكي 2011

V6 بقوة 290 - 280 حصان اجمالي وصافي


تحياتي

أبو هذال، أحس الفوجي أبعد ما يكون عن التقليد ... تقليد من بالله عليك؟ تصميم ثوري وجديد تماماً لم يسبقهم إليه أحد.

والمحرك كيف تخبيطه؟ المحرك هذا موجود منذ 2002 في البرادو والفور رنر وأثبت جدارة منقطة النظير في الاعتمادية.

وتقول صار ممتاز بعد تطوير المحرك ... صدقني كان ممتاز حتى قبل تطوير المحرك ... ألا يكفيك إني جايب فيه شخصياً المائة في 7.6 ثواني! ما أقول المجلة الفلانية ولا أقول الموقع الفلاني، بل هذه من تجربتي الشخصية.

مع أني اخترت الرانجلر مثلك، لكن الفوجي محركه لا يعلى عليه الحقيقة وأداؤه لا يحتاج شهادة أحد.

قد تستغربون من رأيي، لكنه يذهب للجيب الرانجلر.

لكن كأنه فيه أخطاء في الأرقام؟ الرانجلر محركه 3.8 وليس 3.6 لتر، وقوته 210 حصان وليس 270 حصان.

كذلك الفوجي الجديد قوته 260 حصان وليس 240 حصان.

ماامتلكت اي منهم لكن المنطق يقول الرانجلر افضل واجود والاكسترا .....لاتعليق و الافجي لانه تويوتا ...ووكيله مفهم الناس انه الافضل وانت فاهم الباقي بس نصيحه اذا كنت راعي خطوط لا الافجي ولا لاكسترا بيخدموك...وبعدين خير اسعارها غاليه ...وفي خيارات افضل واريح والله يوفقك

نفس المكينة نعم...لكن الأحصنة لكل سيارة مختلفة

اللاندكرورز 240 حصان
البرادو 271 حصان (Dual VVTI)
الاف جي 259 حصان (Dual VVTI)
الشاص والربع 228 حصان

وإذا عندك غير الأرقام هذي ياليت تدعم كلامك بدليل

http://www.youtube.com/watch?v=iuOGWcUncmA

http://www.youtube.com/watch?v=H7FHdqL5_3k

http://www.youtube.com/watch?v=nQq83NMfHak

http://www.youtube.com/watch?v=B_ERb5AG7n4&feature=related

مع احترامي لك ... لكن الرانلجر لا يقارع مقارنة بقوة محركه و خصوصا اذا جاك معدل

الله يعينك شكلك ضعت زيادة بعد المناقشات ألي فوق :D

انا لا قد جربت الرانجلر ولا الاكستيرا، ولكن املك اف جي 2010 لأكثر من 3 شهور
وبصراحة ما اخذت الاف جي إلا لأني ناوي ابيع بعد فترة قريبة (سنة بالكثير) والسيارة تمسك سعرها شوي..

بس في حالتك اعتقد ان الاكستيرا هو الأفضل ، طبعا قير توماتيك ، والله يعينك على قساوة السيارة في المطبات بسبب السست.

ارى FJ الافضل

لاجيب الا جيب

بصراحة اشوف الرنجلر افضل واقوى

اخوي هذه مقارنة بين السيارات الثلاثة الي مجننتك
http://www.toyota.com/compare/?modelCode=fjcruiser#h_overview
من موقع تويوتا امريكا انت شف و اسئل ثم احكم
واي استفسار حاضرين

بالنسبة لي قارنت بينهم طبعا في 2010 كان الرانجلر اقل بالاحصنة ما اتذكر بس قليله جدا
و كان الترتيب كالتالي:
1- فوجي
السبب: شبابي +سعره ماسك بالسوق+انتشاره+وكيله يوفر الخدمة (ما اتكلم على غالي اتكلم يفهم بالصيانة خلاف بعض الوكالات يتدربون بسيارات العملاء)

2- اكستيرا اوف رود :
السبب: شكله غير شباب (بالنسبه لي) + لم يكن متوفر بالمعارض كمستعمل+لم اجد له انتشار الابعد شراء الفوجي وجدت له انتشار لدى شركة الاتصالات+شوكى زملاء لديهم باث فندر من غلاء قطع الغيار و سوء معاملة الوكيل بالتاخير الصيانة (تخيل صيانة دورية زيوت+بريكات تاخذ 3 ايام) .
3- الرانجلر:
سيارة شبابية و بريه وجبلية و فوق الخيال لكن 2010 بغيت الصحارى لكن بعد سؤال بعض الشباب ممن يملكون الدورانجو ما مدحو الوكيل مو بالتاخير بل بعدم توفر مهندسين فاهمين بالصيانة و خصوصا اذا كانت السيارة جديدة متغير فيها الماكينة غير غلاء القطع و عدم توفرها.
*************************************************************
بالنسبة لك اذا فيه توصيل عائلة فابتعد عن الفوجي الكامري او سع منه وهذه تجربه موديل الكامري 2006 <<< لا يجي احد يقول الكامري اضيق و يجيب 2007
الاكستيرا قوية وبطله لكن بالنسبة لي ذكرت اسباب عدم رغبيتي فيها.
بالنسبة للصيانة كل سياراتي اوديها الوكيل للصيانة تريح البال الورش الخارجية لا اثق فيها من السرقات الي شفتها بعيني للسيارات الواقفه.
انتشار السيارة يعني رغبت الشعب فيها بما يعني في حالة البيع ما تحتاج توقفها بالمعرض شهر او شهرين و كذلك اي ورشة تصلحها لك اذا انت تثق بالورش الخارجية.



متغيره في 2010 و جاية بتقنية V يعني 3 سلندر 3 سلندر و جديدة على تويوتا

هههههههههههههههههههههههههه والله يا تمسك الزلة بعد

وش سالفة البالبيد

هذا واحد من الشباب معبي كفراتة 60 ويقاوم اوريون بدبل مع العلم ان كفرات الوكالة max35
وقاوم بدبل ويقوي خليت الضغط 5 وفكيت الكلتش :(

ازيدك من الشعر بيت ؟؟؟؟
صلحها على الضمان

نصحناة بما انة راعي جلد انة يستخدم زيت بالبيد لانة اكثر تحمل للجلد والحرارة

والثاني نفس الحكاية

وانا غيرتة الى بالبيد ودايم اعبي كفراتي 60 واقاوم ولا جاني شي ما شاء الله

ياخي لو تجيب همر h1 ما يطق دفرنسة الى تطق مكينتة على ها الاستخدام

تبيني اقولك المشاكل الي ناقشناها كلها عن الاكستيرا عشان ما تتعب نفسك وتدور ؟؟

1 - المشكلة الي تكلمت عنها
2- تنسيم في القزاز الامامي في بعض السيارات (( على ضمان الوكالة))
3-صوت السست وحلها بالتشحيم(20 ريال)
4-الردحة الخلفية (وحليناها بتغيير الربلة الخلفية ب 90 ريال مع التركيب)

باقي النقاشات عادية

اخوك ابو سلطان

ما عندي اي من المواتر الثلاثة ولاراح احدد رأيي في اي منهم لكن باقول لك كلمتين

اولا: القلب يحضر قبل العقل دائما..... فلا تحكم قلبك قبل عقلك فتندم اذا حضر العقل... افهمها على راحتك
ثانيا:
اسعدني وبشدة تواجد واحد برئ في الموضوع.... لك كل الشكر والتقديروالاحترام

بالنسبه للزيت الي تتكلم عنه الي هو زيت الدفرنس
فيه اكثر من زيت ومشكلة الزيت حق الوكاله ما يتحمل اجواء السعوديه تغيره لزيت بالبيد عيار 90 او زيت اسي ديلكو مع المعالج ويتغير كل 40000 ك
والمشاكل اعتقد كل السيارات فيها مشاكل لكن الشباب يقاومون بالسياره لا ويقاومون مكسيمات وتاهوات وكوابرس وغيرها وكادينها كد كل يوم في البر وجلد ومراقى فاكيد بيصير فيها مشاكل وهذا شي طبيعي واغلب الي صار معهم المشاكل في الدفرنس قير عادي وهذا يعتبر من سوء الاستخدام
فارجوا انك تكون حيادي وانت تبدي رايك وجب لي مشاكل غير هذي تكون عامه

اخوي جمس 91
انا من الناس الي يعشقون الرانجلر لحد الجنون. وبما انك طلبت رأينا من غير عنصريه فأنا راح اعطيك رأيي بصراحه

1. الرانجلر:
مميزات:
1. تغيرت الداخليه ب 2011 وصارت اكثر جمال
2.ممتع ممتع فالقياده وخصوصا القير العادي
3.سياره اوف رود ورحلات بر وبحر من الطراز الاول
4.تقدر تكشف السياره وتستمتع
5.تقدر تضيف اكسسوارات للجيب وممكن تحصل اكسسوارات بكل سهوله
عيوب
1.سياره بمحرك 3.8 بقوه 202 حصان فقط والمكينه مثل ماهي في 2011 وتعتبر الاضعف بين قريناتها
2.انا شخصيا اعتبرها سياره ويكند ورحلات فقط ومب سياره استعمال يومي او عائلي ابدا وانا اتكلم عن الصحاري بابين... ال 4 ابواب من كرهي له مابي حتى اتكلم عنه هههه.. يعني بالعربي الرانجلر سياره ثانيه وليست السياره والوحيده.

نصيحتي لك
انت تبيها قير تماتيك وحق طلعات عائله وسفر بعض الاحيان فانا ما انصحك بالرانجلر مع انها سيارتي المفضله بس هاذي نصيحتي.

بالنسبه للاف جي والاكستيرا.
اثنينهم سيارات تقدر تعتمد عليهم ... وما ابي افتي لك لكن بقولك رأيي فيهم .. أذا تبي سياره حق شباب ورحلات ووناسه فالاف جي هو اختياري ... اما لو تبيها سياره عائليه اكثر من انها وناسه فالاكستيرا هو اختياري... والله يوفقك باختيارك ياخوي

انا عن نفسي اتريا الرانجلر 2011 بابين قير عادي وراح اشتريه ان شاء الله ولا حاط اي موتر فبالي غيرها بس طبعا انا عندي سياره ثانيه للاستخدام اليومي