أشكرك أخوي على التقرير رائع
ومبروك عليك السيارة والله يعطيك خيرها ويكفيك شرها عندي أسئلة بسيطة كم سعرها كاش نفس المواصفات السيارة الي هي SEL ؟؟ وأقساط؟؟
وسلامتك؟!
انا رحت اليوم لفرع توكيلات الجزيرة ولقيت مدير الفرع رجل طيب
استقبلني استقبال حافل ونصحني بالتورس وقال انحش عن التويوتا (افالون)
..
..
وعطاني مميزات التورس وانها مرغوبه الآن وسيارة فخمة وتقنيتها عالية
ورحبتها وما بغيت انزل منها بالمعرض ما شاء الله
السيارة كانت فئة سيل
وسألته عن اللمتيد
قال SEL أحسن يعني ما تستاهل تحص كم ألف بفتحة وما تفتحها ولا تستفيد منها.
والله كلامه حلو ومنطقي
..
..
فأنا الآن أفكر آخذ SEL أو ليمتيد
..
..
وأسأل الله التوفيق للجميع
والله انا بالنسبة لي بدري الحكم على هذي الاشياء عشان ما صارلي اسبوعين شاري السيارة
الحساسات انا معك فيها :( مرة تقهر اما التخشيب انا ما اشوف فيه مشكلة وبالنسبة انو الراكب يدوي فهذا شي يقهر بس في اغلب السيارات ,, انا شيكت على الماكسيما ونفس الموضوع :(
الكفر بـ 1550 والله مرة كثير :( يبيلنا ننتبه اكثر وانا اخوك
رابع شي وهو اكبر عيب في نظري ياشباب وما ابيكم تنصدمون مثلي..
رابع ايام العيد رحت لأحد الصرافات وكان المدخل فيه أشواك المرور للاتجاه المعاكس المهم لما طلعت عليها طلع احد المخالب معلق فثقب احد الاطارات الاماميه
فلما رحت للوكيل قال هذا سوء استخدام..
وعموما الكفر مايترقع لأن المخلب شق الكفر بشكل لا يمكن اصلاحه..
المهم قلت مو مشكله ركبولي بديل قالو الوكالة ماتوفر اطارات !!!!!!!!!!!
رح لوكيل الكفر حقك
قلت وين قال مافي الرياض وكيل يبيع كفرات التورس غير واحد في مخرج 5
المهم رحت وواجهت الطامه الكبرى!!
سعر الاطار الواحد 1550 ريال ياجماعة الخير
ومالي حل بديل فاضطريت اشتريه.
الحقيقه صدمة.
=================
هذا لا يثني في حبي للسيارة لكن الوكيل وخدمات مابعد البيع
خصوصا مافيه مركز صيانة للوكيل بالرياض الا واحد فتخيل الازدحام
بصراحة تقديري لخدمة الوكيل للعميل 2/10
ما شاء الله الله يبارك لك في السيارة
الله يعطيك خيرها ويكفيك شرها
التورس من السيارات اللي افكر فيها جديا
لكن عندي سؤال لك ما ادري عن التكييف كيف في الظهر؟
كم درجة الحرارة في الظهر وهل المكيف يبرد بكفاءه سواء للركاب في الامام والخلف؟
ما شاء الله تبارك الله أخي الله يعطيك خيرها ويكفيك شرها
أنا بشتري سيارة هل تنصحني بها؟
علما أني محتار بين أفالون و أوريون وتورس
والله اني محتار حيرة الله أعلم فيها ويوم قرأت تقريرك الجميل الصراحة ارتحت للتورس
رايك يهمني حبيبي
وجهني بوركت
