البنك الفرنسي ايجار منتهي بالنكبات

ممكن احد يساعدني ياشباب وربي يجزاه بالخير حتى لو كان فيكم احد شغال مع البنك الفرنسي والله يوفقكم جميع ويفرج همكم

السلام عليكم ورحمة الله وبركاته
عزيزي انا عندي مشكلة نفس مشكلتك مع سوفينكو السعودي الفرنسي انا كمان غبنت منذ البدايه طلعت سياره من الحاج حسين والموظف الي شغال في الحاج حسين هو الي ورطني لانه للاسف زبون كان عندي وسهلي كل اموري عشان اطلع السياره حتى اني ماقابلت موظف من شركة سوفينكو كان تعاملي كله مع موظف الحاج حسين وقلي السياره من البنك الاهلي وسألته عن فسخ العقد قلي تدفع ثلاث شهور مقدمه من عقد السياره وماخلاني اقرا العقد ولا عطاني صوره منه كلها هذا بس عشان يبيع وياخذ نسبته حسبي الله ونعم الوكيل فيه . حتى سعر السياره قال انه كامل سعرها بالاقساط توصل 85 الف وبدون اقساط سعرها حوالي 70000 متى اكتشفت اني متورط لما رحت اسدد في البنك الاهلي وقالوا لي انه مالك اسم عندنا بعدها اتصل عليه سوفينكو وعطوني مكانهم ورقم حسابهم عشان اسدد بعد سنه من السداد اتأخرت في قسط اتصلت عليه بنت تقلي انه انت دفعت كذا وباقي كذا من اصل 104000 ريال هنا كانت الصدمه مئة واربعة الاف سعر السياره طلبت صورة العقد تم مماطلتي وعدم اعطائي صوره من العقد اشتكيت لوزارة التجاره طلعوا خوش ناس استدعوهم اول مره ماحضروا استدعوهم ثاني مره ماحضروا قالوا هات رقم جوالك واحنا نتصل عليك لما يجو وصدقت الموظف رحت اشوف مااتصلوا عليه وانسحبت مني السياره لاني مادفعت القسط لمدة اربع اشهر ومارحت راجعت الوزاره متأمل الموظف المحترم انه يتصل عليه ماني عارف انه الموظف حق الوزاره غامدي والي في سوفينكو كمان غامدي مع العلم انه لما رحت برجع السياره برضاتي قالوا ادفع 21000ريال وانرجعها رفضت قلت بجيب واحد واتنازل عنها قالوا اكيه لماكنت اجيب ناس عشان ياخذوها كان يعدون كل شي عشان مايعطوها لاحد حتى سحبوها طبعا وجاني خبر انه الشركة في جده هذا الكلام تعرضت للسرقة من قبل مديرها وفعلا شفت هذا الكلام بعيني كنت اروح اول اشوف ثلاثين موظف بعد فتره صرت اشوف موظفين بس
وسبب تعقيد اوراقي انه الشركه دخلت في معمعه وسجلاتها يمكن صار فيها خلل فلما اشتكيتهم في الوزاره ماطلوني على ماترجع الشركة وتوقف على رجولها لانه في المره الثالثه لو ماحضروا كنت حصلت على حكم لصالحي طبعا لكن الموظف طلع ابن حلال حسبي الله فيه سقطت دعوايه وقوموا عليه دعوا وجاني طلب حضور جلسه من الشرطه في الوزاره وحضرت المستشار طبعا حق الجلسه ماابغى اقولكم بس انشاء الله ربي يجمعكم بخير البشر قالي ها الجماعه مشتكين عليك وانت موقع سند امر ويطلبونك ب 63000 ادفع قلت ماعندي قال بعطيكم فرصه تتفاهموا واجل لجلسه ثانيه صاروا يتصلون عليه موظفين سوفينكو والله كل يوم يكلمني موظف على انه المدير وطلبوني مبلغ 36000 ريال قلت كثير نزلوها لل 26000ريال قلت ماعندي قالي واحد منهم مايهمك بعطيك 13 رقم جوال حق اشخاص يدفعون عنك وبعدين تردها لهم بفايده الحرام عندهم صار حلال المهم ياعزيزي سمعت انه انا على المحك موعد الجلسه القادم قرب ويمكن ينحكم عليه في الوزاره وقد يكون فيها سجن مع اني كنت متأمل انه الموضوع يروح للمحكمه بس الي سمعته انه راح ينحكم عليه في الوزاره وممكن انسجن
الله يسعد الاخ رجل القانون الي فادك في الموضوع حقك لو عنده ادنى فكره عن الموضوع يساعدني انا اعيل امي وابي وماني ناقص هم مع اني اشتكيت لاماره جده وحولوا موظوعي للشرطه وهذا شي غريب ايش دخل الشرطه في الموضوع لازم يحولوه للمحكمه
مع العلم اني طلبت من سوفينكو في حال انه لو رضيت بدفع المبلغ 26000 ريال يعطوني مخالصة مبدئيه منهم انهم مايطالبوني باي مبالغ اخرى وهم رافضين لانه مخالصة البنك تاخذ يومين كيف ادفع واضمن انهم مايرجعوا يطالبون بمبالغ اخرى كل الي طلبته ورقة مخالصة مبدئية اسلمهم المبلغ واستلمها على مايطلعوا مخالصة البنك رفضوا الله اعلم بنواياهم

اكس تريل ,,,, مستشار ولا اروع كثر الله من امثالك ,,,, البنك الفرنسي من البنوك البشعة في التعامل ولا حصر ,,,,, دمت بعلم وبخير مستشارنا اكس تريل ,,,,,

اخوي اول شي والي انا متاكد منه مراح يسحبون السياره منك وانت على قسطين بلعكس انا متاكد منه سحبوها لما كنت متاخر اكثر من ثلاثه اشهر ولعلمك هم مايسحبون السياره الا بتعمم على السياره وثاني شي العقد شريعه المتعاقدين وهم شركه تمويليه بناء على طلبك وتعريف الراتب اشترولك السياره وتم التامين عليها تامين شامل ولعلمك انت الي على طلبك بدفع اجمالي العقد لمده 5سنوات تلتزم معهم بسداد شهري بقسط متفق عليه مسبقا ماعطوك السياره علشان تسددهم شهرين ولاعشره وبعدين مو معقوله توقع عقد مالي ماعندك نسخه تعرف الي لك والي عليك توك تسال عن نسخه العقد بعد خراب مالطه وبعد مادفعت الناس قيمه سياره ومبالغ تامين والله اعلم عن استهلاكك لسياره :c0038: ولا فلوس الناس لعبه لو تبي تعرف الي عليك اتمنى انك تتواصل معي وراح احل لك مشكلتك وثاني شي الي انا متاكد منه عقدك تمويلي وهو يعتبر تاجير مع الوعد بالهبه وقسطك الشهري لخمس سنوات 59 شهر والدفعه الاولى قسط اول يعني 60 والدفعه الاخيره تعتبر دفعه واحده بدون تقسيط ولا فتح عقد جديد فهمت ويليت الناس الي تتكلم عن غرامه دفع3 اقساط والسنه2 وال3 لايخلطون ويعممون عقود الاهلي بجميع الشركات وللعلم لوحسبتها صح راح تلقاها نفس النتيجه ياقانوني ..................اخوكم سعد:xyxwave:

سبق لي اني سمعت الشيخ ابن عثيمين رحمه الله يحرم الاجار المنتهي بالتملك في محاضره له رحمه الله

زيزووم

مساك الله الخير اخوي

ياخي انت قريت موضوعي عدل

حبيبي انا ماوقعت على كمبيالات ابدا

انا وقعت على عقد فقط

ياحبيبي انت موقع كمبيالات مبهمة ومنصوص عليها في الكمبيالة قسط السيارة الفلانية بدون تحديد قيمة القسط كتأجير ولذلك انت مطالب بتسديد قيمة الكمبيالات يعني ماتقدر تفر
تجي عند الشيخ ويقول لك الكمبيالات موقعها انت بتقول نعم ولا راح يسألك عن السيارة ولا راح يصدق ان السيارة أخذها البنك؟؟؟؟

أعتقد إنـه من حقكـ طلب صورهـ من العقد ،،

وتقدر تتواصل مع أخونا إكس تريل ماشاء الله عليه رجل قانوني وفاهم وراح يفيدكـ بإذن الله ،،

الله ينور عليكم
الله يجزاكم خير بما عرفته من كلامكم وردودكم على موضوعي


راح اطلب صور للعقد واقراه بالتفصيل

ومن ثم راح نتحاسب معهم
وراح انشب لهم نشبه


بس لو طلبت العقد منهم ورفضو يعطوني
يقولون مانقدر او يقولون انت قريته خلاص

ايش العمل حينذاك؟

التأجير المنتهي بالتوريط ما هو إلا حلب لجيوب الطبقة المسحوقة... البنك الفرنسي شفاط نمل... اقصد شفاط مصاري بيزات دراهم قروش........

الله ينور علـيك ،، أحـب أقولكـ يا يا إكس تريل إني أستفدت من كلامكـ وتوجيـهكـ لأخونا صاحب المشكلة ،،

لا عدمنآكـ وخصوصا أنكـ رجل قانوني ف رآح نرجع لك في بعض الأمور القانونية :bigggrin:

أخي العزيز
سأجيبك بما أعرف
سبق أن اشتريت سيارة منتهية بالتمليك وقد قرأت العقد كاملا قبل التوقيع وحاول الموظف أن يثنيني عن ذلك بقوله تراه طويل لأنه كان فوق العشر صفحات ، ولكن بحكم إني رجل قانوني فقد قرأته كاملا وأتذكر بعض الأمور فيه ، طبعا تختلف العقود من شركة لأخرى
ولكن الفكرة واحدة.
أنت تقول إن موظف البنك قال لك " شرينا لك السيارة بثمانين ألف ريال "
والصحيح أنهم لم يشترون لك السيارة لأن السيارة لم تنتقل ملكيتها إليك بل ملكيتها للبنك وهي باسمه وإنما تم تأجيرها لك فالعلاقة القانونية بينكما علاقة مؤجر ومستأجر أثناء فترة العقد.
ولذلك تكون ملزما بدفع الأجرة الشهرية لهم وإذا لم تسددهم لمدة معينة محددة في العقد ينفسخ العقد بينكما وتلزم بدفع قيمة الأجرة المتأخرة فقط، ويتم دفع قيمة الكيلوات الزائدة أذكر في عقدي السابق كان يحدد الممشى بـ 2500 كلم وبالتالي إذا فسخ العقد بعد سنة وكنت ماشي أربعين ألف تدفع قيمة العشرة آلاف كيلو ،على حسب قيمة الكيلو الواردة في العقد.
وأما إنك تدفع قيمة السيارة لهم كاملة وهي ثمانين ألف وأنت لم تستخدمها سوى سنة فهذا غير صحيح ولو رفعوا دعوى عليك فإنك لن تلزم قضاء سوى بدفع قيمة الأجرة للفترة التي استخدمتها وأي مبالغ أخرى ينص عليها العقد كمبالغ الكيلوات الزائدة .
ولن يحكم لهم القاضي إلا بذلك، ثم إنه لو طالبوك بقيمة السيارة كاملة فطالبهم بإعطائك العين المباعة وهي السيارة لينقلب العقد حينئذ عقد بيع .
ولا تنسى أنهم سيرفعون عليك الدعوى لدى المحكمة الشرعية ( العامة) والعقد بينكم عقد تأجير منتهي بالتمليك وفيه شرعا ما فيه ، فإذا كانت بعض البنود بينكم مخالفة للشرع فلن يحكم القاضي بها بل سيلغيها .
لذلك عليك أولا طلب العقد بينكم قبل إعطائهم أي مبلغ وأن تقوم بحساب المبالغ المستحقة عليك خلال فترة الإيجار وتدفع المتأخرة منها فقط وقد يلزمونك بدفع مبلغ كيلوات إضافية مترتبة على استخدامك ثم تطلب منهم مخالصة بينكم حتى تكون حجة عليهم في حال وضعهم لك على قائمة المتعثرين لدى الشركة الائتمانية سمة . هذا والله أعلم

عزيزي انت اخطأت في تسليمهم السيارة ..
تاخذ اغراضك وتروح متناسي او ناسي العقد اللي بينكم
هذا بنك ياعزيزي ما يفوت فرصة يخلي العميل عالحديدة
المفرووووووض
انك سويت مخالصة وانهيت العقد مع البنك بطريقة نظامية..
اللي صار العكس سلمتهم حلالك وغبت عنهم وخليتهم يلعبون
على كيفهم ويمكن بعد باعوا السيارة لانفسهم كما يتضح من قيمة
البيع البخسه...
نصيحتي راجع ادارة البنك الاقليمية في منطقتك او الادارة العامة
ولا تترك حقك اقلها يعطونك نسخة عقد البيع ..
لا تخليها تعدي لهم الشغلة بين فيها سرقة..
اتمنى لك التوفيق .

وش السيارة اللي تنقص قيمتها من 80.000 ريال الى 39000 ريال في سنه ؟؟
عموما حسب علمي في حال الغاء العقد يتم سداد الاقساط المتأخرة + مبلغ معين على كل كيلو مستهلكة
يعني لو مثلا هم ياخذون على كل كيلو مستهلكة من قبلك بنص ريال
وسيارتك ماشية 20.000 كلم / متر .
20.000كلم / متر 0.50X ريال = 10.000 ريال
ولكن راجع العقد