السلام عليكم ورحمة الله وبركاته
ان شريت سيارة نوع يوكن 2004 امريكي زي الحلاوة اشتريته من الرياض وطلعت عليه لبيشة وما في احلى منه.
بس مرة من المرات جيت اشغل السيارة وتدق بس ما تشتغل واشتغلت من الدقة الخامسة ويوم ناظرت امبير البنزين الا هو على الخط ولما اشتغلت واطلع على المحطة وعبيها فل وما عاد سوت الحركة هذا
لكن المشكلة هالحين اني مرة طلعت عليها الرياض ولما وصلت حوطة بني تميم وبعد ما تعديت الاشارة ودعست للسيارة ولما مشيت 50 متر تقريبا كتمت السيارة وطفت وشغلها وتشتغل واستمرت هالحركة الى ان وصلت للرياض وديتها للكهربائي قام يتفلسف على وقالي عن اشياء احس انه نصاب قالي يمكن المشكلة من حساس الهواء او الثروتل او طرمبة البنزين او الصفاية قلت يا ولد خلني ابدا باسهل شي وهو الصفاية قمت وغيرتها ولازالت المشكلة موجودة الى الان.
وانا الان محتار وضايق صدري لان توني شاري السيارة وما تهنيت فيها ومن اولتها خرابات مدري اين المشكلة بالضبط لان كل كهربائي يعطيني تخمين افيدوني يا اصحاب الخبرة الله يجزاكم عنا خير الجزاء واذا كان الخراب من الطرمبة اركب طرمبة الوكالة او طرمبة vxr
نسيت اقولكم ان لمبة المكينة تشتغل عندي اذا بديت ادعس للسيارة وتستمر طول الخط تشتغل ولا تطفى الابعد يوم او يومين
ودمتم بود
اخوكم المبرز
