طلب مساعدة من ذوي الخبرة (تعديل بليزر 85)

راعي بر @user_1043 · 27-06-2003

السلام عليكم......
اول شي باركولي
شريت بليزر موديل 85 دفرنسين قير عايدي مكينة مبوشة
و وضعت ميزانية من 20 إلى 30 الف ريال لتعديل السيارة وحددت المعايير التالية
1- تسارع و عزم عاليين
2- مساعدات rancho s9000x
3- مظهر رياضي للسيارة
4- اطارت وجنوط offroad

فيا ليت تبينون لي نوع المحرك الي اقدر اركبه وماهي التعديلات اللي لازم اسويها وهل الميزانية كافية ام لا
(القير والدفرنسات نظيفة 100%)

وشكراااااااً

فواز @user_561 · 30-06-2003

تفضل اخوي ادخل هالمواقع وبتحصل كل شيء تبيه

http://body-kits.com/xenon/chevy_ck_truck_blazer_81-91.htm

http://www.sallee-chevrolet.com

بحفظ الله

راعي بر @user_1043 صاحب الموضوع · 29-06-2003

مشكووووور جداً يا استاذ dead
بالنسبة للرانشو ما عندي أي خلفية عن سعرها

ووين ممكن القى السوبر شارجر وبكم؟

وممكن صورة لل Fender Flare
وآسف على كثر الأسئلة وكفيت و وفيت

الأخ لومينا مشكور على الرد

لومينااس اس وبس @user_5583 · 27-06-2003

مبروك مبروك
بصراحه انك شريت موتر لك وللزمن
والبليزر ما عليه خوف
لو تركب مكينه 400او 454 صار خيال وانا ما اقدر اقول شي بعد اخوي Dead
بصراحه وفا وكفا

فواز @user_561 · 27-06-2003

جعله مبروك اخوي راعي بر والله يعطيك خيره ويكفيك شره

وترا انا عندي واحد موديله 82 يعني صرنا اخوان بالسيارات :D

بالنسبة للموتر

التسارع والعزم

عندك كذا حل اما تعدل على المكينة اللي عندك ( 350 اكيد ) وتعمل بوليش لرووس المكينه وتركب سوبر شارجر او انك تركب BIG BLOCK مكينة 454 ( تراها طيبه ) او انك تركب مكينة كمارو او SS كابرس القديم ( بس لازم تعدل شغلات واجد ) ... والاختيار لك

ثانيا المساعدات

مساعدات رانشو RS9000X ممتااازة بس غالية شوي ومادري اذا هي متوفره عندك ولا لآ ... لكن لايعلى عليها لكن اعتقد انك لازم ترفع السيارة شوي عشان يركبون

ثالثا المظهر الرياضي

ركب طقم فيابر كاملة لربع السيارة وركب بار كشافات علوي وركب 6 كشافات تشكيلة ونكل الوجه الامامي وركب اربع انوار اماميه وشيل المناظر الجانبية وركب مناظر 93 يوكن وتظليل خلفي خاتم للسيارة مع الجنوب وركب جناح خلفي وامامي واصبغ الدعاميات الامامية والخلفية نفس لون السيارة وركب فتحات للكبوت وفتحات جانبية ( مع الفيابر تجي ) وركب غطى الجام الجانبي

رابعا الاطارات والجنوط

الجنوط عليك الاختيار بس الحجم اللي يجي للسيارة غريب مقاسه 15.5 !! انت ركب جنط 16 المونيوم اكيد ولك الاختيار بالشكل

وركب كفرات مقاس 305 على 70 على 16 شكلهم رهيب على البليزر ... بس لازم تعدل نسبة الدفرنسات

وانا انصح تركب كورونا صغيره مقاس 14 تراها حق الطعوس والقومة رهيبه

وياليت لو تركب غطى التواير اسمه Fender Flare شكله رهييب ويعطي السيارة منظر يخوف :D

[س ماقلت لي وش لون سيارتك ؟ اذا لون غير الاسود انصحك تصبغ سيارتك لون اسود بالكامل

بعدين مساعدات الرانشو بكم حصلتها ؟لأني قاعد ادور وماني محصل

على فكره ترى الميزانية كاافيه لأن كل اغراض البليزر رخيصه :D

يعني مثلا المكينه 454 انا محصلها بالكويت بسعر 150 دينار من التشليح بس نظيفه مره

وانا مركب قير اوتو اربعه غيار ب 100 دينار

واي شيء تبي انا حاظر

بحفظ الله :)