بسم الله الرحمن الرحيم
السلام عليكم ورحمة الله
ندخل بالموضوع وإن شاء الله ألاقي عندكم حل لمشكلتي
والمشكلة في سيارتي الفورد 98 ماركيز طفشتني من سنتين تقريباً ولا زالت المشكله يا اخوان في ركب السياره تطلع اصوات انواع الطرب ورحت المره الأخيره وغيرت التالي
الجوزات فوق وتحت - اليايات - عمود الدركسون - ذراع الشاص او الدوده - فحمات الفرامل مع الخرط - جلدة مقص فوق
وبعد التغييرات هذي كلها اسمع صوت من جهة الكفر الأيسر وانا الف الدركسون صوت طقطقه خفيفه والله العظيم ما خليت ميزان وكلهم يقولون مافيها شيء والصوت اقلقني بالصدفه اليوم مريت على احد الموازين وقال المشكلة بكرسي المقص الجوزة اللي تحت تتحرك ولازم لحام علشان تثبت قلتله توكل على الله وراح مسوي لحام ولكن الصوت موجود خصوصا وانا الف لليسار وماسك على الفرامل ومهدي والله العظيم طفشت من السياره كلها وتكفون لا تبخلون علينا بمشورتكم وفقكم الباريء
