VIP 111 يستفسر ... ارجو الدخول ( ستروين C5 )

السلام عليكم

انا اشتريت السيارة في شهر 10 والسيارة روعة وجودة لا يعلى عليها ورساوة على الخط أكثر من رائعة وكل شيء فيها ممتاز بس ياريت لو يقوو المحرك لانو ضعيف على حجمها

بس للأسف راحت علي السيارة في سيول جدة الأخيرة وما لحقت أستمتع فيها يا دوب 4000 كم
الحمدلله على كل حال

بشر جربت السيارة

أنا عن نفسي ركبت السيارة بالوكالة

لكن ما سقتها

بصراحة خامة المواد ذات جودة عالية جدا

وتحس إنك في عالم و الناس كلهم في عالم ثاني

وعليكم السلام ورحمة الله وبركاته

شكرا لك اخوي الغالي على ردك

كنت قبل شوي بالوكالة

وسألت الموظف عن السيارة وقطعها

وقال ان القطع متوفرة و موجود فيه مركز للصيانة لديهم

واخبرني ان القطع اصلا ما تخترب بسرعة ، مثلا القماشات تعيش معاك 4 سنوات بالراحة

طبعا الاسعار كانت كالتالي :
الفل كامل ( 6 سلندر ) موديل 2011 سعرها 145 الف ريـال
نص فل ( 4 سلندر ) بـ109 الاف ريـال
الاستاندر ( 4 سلندر ) بـ90 الف ريـال

اما بالنسبة للكفر ، اذا ضرب الكفر الخلفي فتمشي السيارة على 3 كفرات وهذي ميزة حلوة

الله يعطيك العافية اخوي الغالي ( الزمن المر )

ياهلا والله اخوي الغالي

بالنسبة للسيارة مقتنع فيها الى ابعد الحدود

خصوصا تصميمها ومواصفاتها

ولكني كنت متخوف من نقاط ، وهي الصيانة وخدمة الوكيل

وان شاء الله انه يكون ممتاز

انا ان شاء الله بتوجه للوكالة مرة ثانية واخذ مزيد من التفاصيل ( لان الموظف ما كان عنده معلومات !! )

أخوي vip 111

ال c5 سيارة جميلة وفخمة من الداخل و الخارج

وسيارة ذات ثبات عالي جدا في القيادة و الأمان ممتاز

طبعا الأمان بيد الله لكن السيارة مجهزة بوسائل كثيرة للأمان

و بالنسبة للدركسون أعتبرة من أروع الأشياء بالنسبة لي

مثلا لو أخذت لفة و أبغى أغير أغنية ما راح أتلخبط في الأزره

لأنها في نفس المكان وليست مقلوبة أما بالنسبة لكلامك

اذا لفيت الدركسون ما تدري اذا كان ملفوف ولا لأ أحب أقول

لك يبان من الأذرع تبع الدركسون وضوح الشمس

وعلى العموم السيارة على ضمان ممتاز جدا

ونصيحة من أخ لأخوه لا تشتري أي سيارة كانت

أنت لست مقتنع بها لأنك راح تكرها و ماراح تقتنع فيها

و الله يوفقك للي فيه الخير ويصرف عنك اللي فيه الشر

قول آمين

بالفعل تتشارك مع البيجو باشياء كثيرة ، حتى المراية الجانبية اشوفها من تحت عليها شعار بيجو وستروين

بالنسبة للسعر عند اعادة البيع ما يهمني مقارنة بالنقاط الاخرى ، لان ما فيها نية للبيع بدري

شكرا جزيلا لك يالغالي



شكرا لك على المرور وما قصرت اخوي ماهر



والله هذا الي خايف منه المشكلة بالصيانة والوكالة

شكرا لك اخوي SUPERCHARGED على ردك



بالنسبة للي مخليني اتغاضى عن السعر عند اعادة البيع

وهو ان ما ودي ابيعها على لو ما فيه حاجة لها

انا باذن الله بجربها من الوكالة واشوف شسالفتها





ياهلا والله يابو تميم ، نورت الموضوع

مشكلة السيارات الثانية ( الكامري وشلتها ) منتشرة بالشوارع ، اضف الى ذلك الامان فيها سئ جدا ( والامان بيد الله )

لاهنت يالغالي



شكرا لك على الصورة اخوي ون بيس

فيها عيب كبييير جدا وهو الدركسون الجزء الي بالنص ما يدووور !!!

ممكن تتلخبط تحسبه مستقيم وهو ملفوف


شكرا للجميع

أنا أشوف أنها سيارة جميلة جداً ومميزة
حتى داخليتها تحس انك في صالو فاخر للغاية وذو جودة ممتازة

يالغالي ان كانك تبغى الكلام الي ملحه فيه .... ابعد عنها وانت الرابح

السيارات الفرنسيه بشكل عااام جودتها سيئة وخصوصا الداخليه تحس بمعنى الكلمه بردائه الصنع وتقدر تتأكد من كلامي اذا جربت السيارة

والادهى من الكلام هذا كله انها بعد البيع ماتسوى ربع قيمتها وهذا شئ يخليك تعيد التفكير اكثر من مرة
وسعرها غاااالي جدا اذا كان السياحي بـ85 الف والفل 145 الف بصراحه سعر خيالي

عموما الله يكتب لك الي فيه خير
واحسب الف حساب على هالسيارة,,, والفرنسي بشكل عاام
بالتوفيق

فيه مجله عالميه أوربيه مدري امريكيه لايحضرني اسمها
منزله تقرير او مقال او شي زي كذا يقولك السيارات الفرنسيه بالتحديد الرينو والسيتروين هي الاقل اعتماديه بعد استخدامها كم سنه ولاتعيش معك راح تبهذلك

انا نصيحتي لك ابعد عنها وخذ لك موتر معروف احسن من تتورط بهذي يوم معك واسبوع بالوكاله

موفق محمد:)

والله ماأقدرأفيدك أخوي محمد .....

يفيدوك بقية الأعضاء إن شاء الله .....

امممممم والله ودي افيدك يا اخي محمد بس يلي اعرفه ان سيتروين تتشارك مع بيجو في أشياء كثير ...

بالنسبه للسعر اشوف سعر الفئه الستاندرد حلو بس الفئه الاعلى جدا غاليه ..

و حبيت انبهك على شيء متعارف عليه في السوق عندنا لازم تحسب حسابه : سعر بعد البيع جدا بخس في بخس ...

انا سيارتي رينو ميقان سبورت لا اخفيك اني اشتريتها مستعمله قبل سنه ( رمضان قبل يلي فات ) و ماشيه 50 الف كيلو بس !!! و اخذها من واحد اعرفه و خويي عشان كذا اتوكلت و اخذتها لاني اعرف السياره .. تخيل معاي الادمي شاريها تقريبا ب 110 الاف موديل 2006 ...

انا اشتريتها منه بـ 35 الف ريال !!!

و سعرتها في الحراج قبل فتره كنت بأبيعها و اشتري جي تي أي و جابتلي 27 الف !!!

أسف ان خرجت عن موضوع الستروين لكن سعر السوق مشترك بين كل السيارات الفرنسيه انه يطيح بسرعه ...

تحياتي لك .. في أمان الله

احسن شئ ان تواجدها نادر ، عشان تصير مميزة اكثر

بالنسبة للسعر من 85 الف الى 135 الف ريال

وشكرا على الرابط والتواجد بالموضوع

ك

كـ ـر يـرا

[COLOR=black]بغد ما قريت موضوع سامي شفتها سيارة رووعه

[/COLOR]

ك

كـ ـر يـرا

[COLOR=black]لاني ما كنت اعرفها وباقي الاسأله يفيدوك فيه المجربين

موفق[/COLOR]

شكرا لك اخوي كريرا على مرورك

[COLOR=darkred]الله يعطيك العافية

E

EXPLORE

السيـــــارة جداً رائعة ومنتشرة بكثر بسوريا

E

EXPLORE

بس بالمملكة للأسف مالها حظ وسوق

تحياتي

شكرا لك اخوي اكسبلورر على مرورك

وبالفعل غير معروفة بالسعودية
[/COLOR]

السيـــــارة جداً رائعة ومنتشرة بكثر بسوريا
بس بالمملكة للأسف مالها حظ وسوق

تحياتي

بغد ما قريت موضوع سامي شفتها سيارة رووعه

لاني ما كنت اعرفها وباقي الاسأله يفيدوك فيه المجربين

موفق

في لها تجربة في المنتدى :

الآن و لاول مرة على شبكة السيارات العربية تجربة قيادة المميزة سيتروين Citroën C5