سيارتي الجديدة يافرحة ما تمت(طلعت مصدومة بأمركا

اخوي ابوماجد البشري
شكرا على التفاعل والاهتمام
وكلامك منطقي وممكن هذا الي صار معي
طيب وش تنصحني فيه ؟

هل ابيع السيارة او افحصها
مع العلم انها وكالة من برى ومن داخل
وريحت الوكالة فيها
واشكرك جزيل الشكر

ماعندك مشكله ابداً تلقاها طقه بسيطه انا مره استوردت سياره يوكن وقبل اصدرها قال لى صاحبي اللي يستورد السيارات من امريكي يعرفه بأمريكا صاحب معرض هناك ترا فيها فيها صدمه عباره عن حكه خلف الكفر الخلفي وتكلف 200دولار بامريكا قلت صدّرها بس وعلى الله ويوم وصلت حصّلتها مثل ماقال حكه بسيطه وفيه بعض الهشوم بالبدي ورحت ورشه قالوبــ800ريال ولا صلحتها عدلتها انا بنفسي لاأنها بسيطه وستفسرت بالكار فاكس وطلع التقرير حصل لها حادث لم تذكر تفاصيله, في ولاية تكساس يوم الأثنين الساعه 4مسأً ومكتوب التاريخ وكل شي لكن إذا كان بسيط لاتذكر نسبة الأضرار ..

يفترض انا نستفسر قبل شراء السياره لكن هم عزالله احسن منا عندهم قاعدة بيانات عن كل سياره من خروجا من الوكاله حتى تصديرها او انتها خدمتها ويلزم صاحب السياره بتحديث البيانات في حال الفحص وتجديد الاستماره وتأمينها والحوادث وهي الأهم عند بلاغ الشرطه بالحادث ملزم انك تأتي بمايثبت بادخال المعلمات عن الحادث وعند إعادة الصبغ وفي كل مره يذكر ممشى السياره حتى لايتم التلاعب بعداد المسافات ,طيب احنا ماهو دور الفحص الدوري عندنا وشركات التأمين ياخذون فلوسك وبس والصدمه لو هي اخذه 50%من السياره ماتذكر بينما بأمريكا ممنوع تصليح السياره إذا الصدمه من الامام وقويه خلاص تحوّل سلفاج يعني تشليح ...

اخوي عاشق الكمر طاب مساؤك
تفاعل تشكر عليه
والسياره زي الكاله ومو ممكن يبين شي
بالكشف الا باجهزة دقيقة والورش الي عندنا
ما تكشف شي ياخذ منك 200 ريال على الفاضي

انا بقولك شغلة مهمة للغاية عن الكارفكس كوني استوردت سيارة من امريكا

الكارفكس يسجل حتى الحكات البسيطة او الصدمات الي ما تأثر عشان كذا الكارفكس حقهم ماحد يقدر يتلاعب فيه فزي ماقولك الشباب شيك عليها ب200ريال عند ورشة متخصصة بالفورد والينكون وانشاء الله مايطلع فيها شيء يذكر ممكن خدشة او حكة بسيطة والله يعطيك خيرها ويكفيك شرها

وانت بخير عزيزي
الجهاز يطلع لك اي سنسور او جهه صار عليها الحادث
وانت تشوف الاجزاء في نفس الموقع الي تغيرت بالنظر ويدوي

لا ماتكون مجدده تغيرت بجديد واصلاح وكاله يعني مايبين للشخص العادي
موفق عزيزي

اخوي العزيز صاحب مركز جواناف
انشالله تكون بخير
ووين احصل جهاز يقدر يطلعلي
مكان قطع افكت وتغيرت بجديدة
وهل المكانيكي يقدر يطلعها

وزي ما قلت بالاول ان السيارة
وكالة جدا من داخل ومن برى
فهل ؟؟ ممكن تكون مجددة
وشكراااا لتفاعلك

حياااك الله عزيزي
هذا الموقع جدا دقيق في متابعة السيارات بامريكا
ويعطي في نفس الوقت تقيم لااي سياره تريد ان تشتريها من امريكا
اي بمعني لو مخش في السياره وراجعت الوكاله يطلعه
حتى الصيانه يقول لك اذا تتم في الوكلات او خارجها
فانا من رائيي المتواضع اكشف فقط على السياره كمبيوتر بس يقون حق سيارات فورد
وراح يبين معاك هل فيه حساس كرش سنسر مبين او اتغير من قبل وحدد جهته
وشوف الاجزاء الي تغيرت هل تغيرت كامله وبالطريقه السليمه
موفق عزيزي واي شرح انا مستعد للتوضيح ..والف مبروك ع السياره ويعطيك خيرها
صاحب المركز

هلا اخوي الذيب9999
ارجوا توضيح كلامك
واشكرك على التفاعل

لا توووووووووووووووووووووسوس خل عنك بس موترك نيو يبوي اذا بعته اتوقع انك منت راااغبه واشتريته لاتبييييييييييييييييع علشاااااااااااااان ما تتحسف ما تدري الموقع تلاقيهم خرطي

اخوي فني سيارات
اخوي عاشق القوة

اشكركم على التفاعل
والكلام الحلو الي ذكرتوه

تقبلوا تحياتي

أخوي دام إنك شريت
وانت بنفسك تقول السيارة وكالة
و إذا كانت نظيفة تعوذ بالله من إبليس واكرف السيارة ولا عليك

دام السيارة ممتازه فلا يهم ان عملت حادث من قبل او لا لعله حادث بسيط لايؤثر على شي

ولا يؤثر على نفسيتك ايضا في الظن وكل مايحدث لها مستقبلا لاتعلقه بالحادث

مبروك عليك السيارة يعطيك خيرها و يكفيك شرها

شكرا للتفاعل اخوي ستر وغطى
المشكلة ان السيارة بحال الوكالة
اذا ما وكالة فعلا وهذا الشي الي محيرني
ما فيه مجال انك تفحص من وكالتها
فأنا خايف تكون مجددة او من هالقبيل
وانا بستعمل وش راي باقي الاعضاء
:confused1:
منتظركم

زي ماقال أخوي رح سو فحص ألكتروني بمية وخمسين ولا ميتين وراح تعرف محل الصدمة وشكرا

الله يجزاك خير ابو وليد
وشكرا للتفاعل
وووووووووودي
باقي الاعضاء يتفاعلوووون
:confused1:

حياك ياغالي
قصدي افحصها عند سمكري يشوفلك الحادث في السياره اين وعلى ضوئها تقرر - تاثر الصدمه ولى لا - عشان ترتاح وممكن تكون خفيفه مامنها مشاكل طالما ريحه الوكاله فيها وربي يديك خيرها ويكفيك شرها

شكرا على تفاعللك اخوي ابو وليد
يالغالي شيكت بموقع تدفع فلوس
وما ظهرلنا غير انها سوت حلدث مسجل بالمرور بس
مو محدد وين بالضبط وانا الي محيرني اكثر
ان السيارة وكالة