انا سويت لسيارتي تظليل وحماية وجهية من شركه سمارت للعناية بسيارة ، بصراحة انا اشوفه افضل عزل حراري في الرياض وافضل حمايه لسياره لأن التظليل نسبه عزله 99% وضمان مدى الحياة أسمه نانو سيراميك عندهم كمبيوتر لفحص الأفلام هو افضل تظليل برأيي والحماية عطوني عليها ضمان مفتوح وتلميع مجاني للحماية اذا مسكت خط وشهبت
طبعاً كل أفلامهم أمريكية وشغلهم نظيف بعد التظليل حسيت بفرق كبير في العزل ،انصح فيهم بقوه مكانهم
مكانهم
الدائري الشرقي مقابل العثيم مول جنب تايوتا و3M يبن مخرج 14-15
وأتوقع لهم فرع على الملك عبدالله
هلا والله
والله يالخوي تدري اول ماخذت السياره<<<<< ينقال لي مابيضل مكان الا وبتطلع فيه بالسياره.
حسبت على اشياء وركبت هالقار وركبت حمايه عالوجهيه<<<<< بشحطها عالخط
وطلعت من النوع اللي يخاف عالسياره الجديده.
يوم وانا بروح الدوام شطفني بدوي عنده اكسنت وضرب لي المرايه الجانبيه وجى يبي يتضارب معي وفوق كذا هو اللي غلطان علي.
اسبوع واشتري لي النترا 2002 حق الدوام بس.
وبعدها حسيت القار والحمايه اللي حاطها مالهم داعي لاني ماطلع فيها اذا في مطر حتى تنشف الارض تماما<<<< مايفكر في البعيد
انا حسبت القار حق المطر عندنا تدري الشوارع عندنا قرفانا تنتظر المطر وتعدم لك السياره من تحت.
الفرع اللي ركبتهم فيه في الاحساء البندريه اللي عند دايموند والميراج اما حمايه الوجهيه ماركبتها من اوتوفال>>>>>>حمايه الوجهيه لها قصه ثانيه.....
تحياتي لك
بخصوص حمايه ضد الصدا
والله مادري حسيت نفسي انغشيت
ويعني
بالخصوص من اوتوفال
انا عندي سوناتا 2011 ورشيتها عازل عن الصدا
في الشتاء مثل العسل
بس في الصيف انا عاده اغطي سيارتي بغطاء كامل
واذا جيت اشيل الغطاء بالغلط حركت شوي من العازل او نقول القار افضل
والله انه مسك في ايدي بعضه
ولا يغرك مندوب المبيعات اللي جالس (مسوق) والله انه يمدح عالفاضي
وانا مضلل السياره عند اوتو فال برضوا والله انهم مروا بالمشرط على ربلات النوافذ
حتى بعضها انشرخت بشكل واضح وحتى النافذه الخلفيه شطروها لي عمالهم اللي مايفهموا ويوم قلت للمندوب حقهم قالي بكل برود ولهجه عاميه(( سلامتك حبيبي قلبي هذا مو عمالنا اللي مسوينه)) يعني في رايك السياره جديده جات كذا من وكالتها مثلا
