إلى متى وحنى نشوف النصب بعيننا ونسكت ؟؟؟

والله اذا العامل من جنسيه عربيه او تركي اعرف انك بتصلح الشي فوق ال400 ريال هذا الشي معروف حتى لو شي بسيط
اذا ابو يمن اعرف انه بيخرب سيارتك وبتدفع له اتعاب الترخيب
اذا فلبيني ممكن يصلحها لك اذا ما يعرف يقولك ما اعرف
هندي اقوله يروح يسوي شاهي ولا يغسل السياره مستحيل اخليه يلمسها

اي والله صادق في كل كلامكم
في مره رحت الصناعيه ومعاي كابريس 2005 الحراره دايم ترتفع رحت لورشه قالي المراوح خربانه المهم صلحها 1100 ريال 800 سعر المروحه و300 شغل يد :smilie20: الموهم قعد 3 شهور والعله رجعت الحراره رحت لورشه ثانيه قلي بسيطه من البلف رحت اخدته ب200 وشغل يد والله 80 ريال واشتغل زي اللوز لين يومك دا :wavey:

اضم صوتي لك (ياشباب الشغل في بقاله او حلاق او خياط والله موعيب بالعكس
الله يهدينا جميعا) نعم نعم نعم
العيب معروف وشو ومعروفة دروبة
وطلب الرزق الحلال ماهو عيب (وصنعتآ بليد امن من الفقر)
وابوي وابوك وجدي وجدك وش كانت شغلتهم بمكتب مكيف ومايركبون الا بانورما
اومفخرة الارض (الى يبني من طين او يسرح بغنم اوبعارين اونجار او تلقاه على راس نخلة
يقص السعف اويسقي بمزعة ) وكانو نعم الرجال ماعيبهم شغلهم

تعرف شيء اسمه مكافحة الغش التجاري تعرف شي اسمه وزارة ........ الخ حماية المستهلك هذولي ماتوا الله يرحمهم خلها على الله صدقني كلنا منصوب علينا وانا تعاملت مع اجانب ودرستهم وعرفتهم يقولك الاجنبي يعتقد اعتقاد وانا بنفسي تحققت من هالشيء هذا وسئلت اكثر من اجنبي عن هذا الاعتقاد وهو انهم يعتقدون ان السعوديين ناس اغبياء ولكن اغنياء هذا تفكير الاجنبي واذا جاء الجنبي بلدنا مشكلتنا احنا اللي نخليه ينصب علينا للأسف مافي مراقبة لاشيء ولاتلوموني اذا كتبت بهذي اللهجه والله من القهر الاجنبي في البلد صار مدير الى متى هذا الوضع ياشباب الشغل في بقاله او حلاق او خياط والله موعيب بالعكس
الله يهدينا جميعا وانا آسف على الاطالة

يا رجال احمد ربك انا طحت بسوري بلاني الله فيه .. خسرت على موتري حوالي 5000 ريال

لكن شرطت عليه بالبداية اذا ما زان العطل ما تاخذ اجرتك ..

المهم كانت عندي سيارتي فيها عطل غريب عجزت افهم له .. كنت امشي ولما اضرب مطب تطفي السيارة ولا تشتغل ثم ابلش فيها واسحبها بسطحه واوديها للورش ثم اذا جيت انزلها اطمر فوق السطحه اشغل السياره تشتغل زي الحلاوهـ ثم ادخلها يفحصها مرة يقولي طرمبة بانزين ومره تصفية ومرهـ مدري ايش وعلى هذي الحالة واقعد افر على الورش وكلهم يقولون نفس الكلام ..

طبعا السيارة مكسيما 99 معروفه بكثرة الحساسات اللي فيها والظاهر حتى الصدام له حساس

المهم واحد سوري اعرفه وصف لي فلبيني وقلت السيارة مشكلتها كذا وكذا قال اوكي خل السيارة عندي افحصها وارد لك خبر قلت اوكي ..

من بكرى دق علي وقالي العطل وهو يكلف 300 ريال مع القطعه من التشليح << طبعا القطعه حساس الكرنك اللي انا مستغرب منه

وارجع للسوري واسفل فيه واخذت منه دراهمي الحمدلله وقلت اذا انت مو قادر تصلح السياره قل ما اعرف

الحمدلله على كل حال

الله يعافيك اخوي مو بس الرابط الى مكمل لموضوعك حنا كلنا اعضاء بلمنتدى
وكلنا مكملين لبعض سوى اعضاء اومشرفين وهدفنا واحد
وبالله التوفيق

عادي اخوي والله المنتدى مليان مواضيع وشروحات وكيف بس ناقص انك تشتغل بسيارتك :bigggrin:

انا مستحيل اخليه مع سيارتي والله لا اجلس على راسو لين يخلصها لو تاخد شهر

والله اعرف ميكانيكي مايروح مشاويرو الا بسيارات الناس !! لاكن ايش تقول

عالعموم هالمره عدت على خير ولحقتو المره الثانية انتبه اجلس على راسو:bigggrin: و اي احد تجلس على راسو يخلصلك شغلتك على طول :a1120(86):

يعطيك العافيه أخوي ماجد
وأعتبر الرابط هذا مكمل لموضوعي .
شكراً لك ، والله يكون في عوننا .

ماشاء الله عليك ، والله نفسي مثلك أصلح بنفسي
لكن ماباليد حيله .
تصدق فيه سالفه صارت معاي مع الي زود 50ريال ،بس ماذكرتها ، قبل ماأحاسبه [COLOR=red]قال السياره تخلص بعد العصر وحاولت معاه يخلصها قبل الصلاة وقال مافيه أمل تخلص الحين ،وكان بيركب قماشات للسياره ، وكان خارط الهوبات ، (( يعني جاهزه تركيب بس )) قلت أوكيه وهذا الكلام قبل الظهر بنص ساعه أو أكثر ، تصدق رحت ربع ساعه أدور سياره ترجعني للبيت ماحصلت رجعت له قلت أحاول معاه ، رجعت والا والله العظيم مركب الكفرات ومخلص ؟؟ يوم سئلته خلصتها قال خلاص خلصناها ، غريبه وأنا من اليوم أحاول معاه أنه يخلصها قبل الصلاه ومو راضي وعرفت أنه يبي يروح مشوار فيها .[/COLOR]

أخوي والله كلامك جواهر ،
بس ليه اللف والدوران ، يزودون السعر مو يصرقون

الى ان يصحا الضمير العربي الميت

اخواني انا سوري الجنسيه اعمل سمكري في جده بس حبيت اقولكم حاجه وانشاء الله اني صادق معكم حنا يوم نجي من بلادنا مانجي كذا فيزا وخلاص لا وربي صدقوني يطلبون منا في الجوازات عندنا شهادات واوراق تثب اني يلي يبي يسافر في مهنه يكون كفو لها والحمد لله هذا شي يمكن ميزنا عن باقي الجنسيات الغير عربيه لاني على حسب مااعرف يكون الباكستاني شغال بمطعم في باكستان يجي هنا يشتغل حلاق والبنغالي وغيرهم وغيرهم حت يمكن في من جنسيتي مااقدر اجزم بس انا ماحصلت زي كذه

احترم وجهة نظرك ولكن انت تقول(التشهير يعتبر من احد العقوبات التي نص عليها ديننا الحنيف ولها احكامها واوقاتها ) اريد منك الدليل من الكتاب والسنة
اخي وحبيبي الله يقول في كتابة (لاتآكلو اموال الناس بلاباطل ويقول السارق والسارقة اقطعو ايديهم)
والله ثم والله ان لو كان فية خير ماطلع من وطنة وجاء يسرق ويضحك على الناس ويأخذ اموالهم
بلباطل وانا اخوك ولا تنسى حبيبنا الذى قال(لو انا فاطمة بنت الرسول سرقت لاقطعت يدها)
اتمنى التوفيق للك وللأعضاء وارجو منك
عدم الزعل مني

يا اخوي ما احد قال ما تقول جنسية اللي نصب على اي شخص بالعكس تماما ماعندك اي مشكلة لما تقول فلان من الناس من الجنسيع الفلانيه نصب علي بالعكس التشهير يعتبر من احد العقوبات التي نص عليها ديننا الحنيف ولها احكامها واوقاتها ولكن مداخلتي كانت بعدم التعميم
السوري نصاب
اليمني حرامي
اللبناني سارق

وانا كتبت مداخله في موضوعك اللي انت حاط رابطه وما احد رد ولا علق لأنه كلامي ما اعجبهم الظاهر واعود واكرر

هذا تعميم في غير محله كل الناس فيه الصالح والطالح وبالنهاية لازم الشخص يسأل ويتحرى قبل لايصلح انا واحد من الناس لم اتعرض للنصب ولكن تعرضت للغبن من واحد اصلح عنده من سنين ومن طرف ناس معرفه وبالأخير اكتشفت انه يكويني بالسعر

اه ثم اه
كل اناس خير وبركة صح لكن ليش منخصص منخصص الجنسيات ابي اعرف
رضينا بنصبهم ولعبهم علينا وسرقتهم لنا حرام نذكر جنسياتهم
عمومآ ياليت تمرون علينا على الرابط هذا
http://www.assayyarat.com/forums/thread215770.html

السلام علكم ورحمه الله وبركاته اخواني انا اخوكم سمكري من جنسيه عربيه وتوني مسجل في المنتدا ارجو تقبلوني صديق لكم بخصوص الي قاله اخويرجل طامح وباقي الاخوان عن موضوع النصب هذا شي صراحه انا تفاجئة فيه اول ماجيت هنا بس الحمد لله وضعي يختلف عن وضعكم يمكن السبب اني ولد مهنه وافهم في هذي الامور سويت مره سمكره لسيارة صديقي كامري 2006 وجيت ببدل غطاء المحرك(الكبوت)واروح اسئل قيمه الكبوت الاصلي جديد جديد1500اريال وقيمه الكبوت الاصلي لكن تشليح يعني مستعمل 750 لين ال 800بس والله حرام عليه ادفع فيه 5 اريال لانه للسكراب على طول بس حسبوني انا ماافهم بهذي الامور المهم واسئل على كبوت تجاري جديد ويطلع قيمته 270 اريال واشتريه واركبه على سياره صاحبي والسياره الحين صارلها سنه مسمكره ومسويلها بويه ولا شكت من اي حاجه طبعن لااخفي عليكم القطعه الي مو اصليه تعذبني اشوي لكن عذابها لي اهون من الاسعار الي في الاسواق بنسبه للقطعه الاصليه فعاد انا اقول الله يكون في عون الي ماعنده خليفيه عن هذي الامور ولكم كل احترامي

يا اخوان

قال رسو الله صلى الله عليه وسلم " لافرق بين عربي وأعجمي الا بالتقوى " وكل الناس خير وبركه وفيهم الصالح وفيهم الطالح والتعميم هو طريقه غير حضاريه ابدا