ضغط زيت المكينه تاهو 2008

طيب ياخوان انا عندي ضغط الزيت على الربع بالضبط واحيانا اقل بشوووي بعد ما اجي من مشوار طويل

فهل هذا طبيعي مع العلم ان سيارتي تاهو 2011
وياليت اصحاب التاهو واليوكن 2011 يأكدون هل عندهم نفس اللي عندي ولا لا

أنا المره الأخيره غيرت الزيت لموبيل ون

تصدق ما إرتحت له ابداً , حتى إني ملاحظ إن صوت المكينه (التكتكه) مرتفع عن الطبيعي

طبعاً ماشي على الزيت حالياً 12000 كلم

والمره الجايو ما أدري أغيره كاسترول ماجناتيك أو كاسترول العادي

مع إني طوال الفترة الماضية أستخدم كاسترول 10/30 ولله الحمد بدون مشاكل أبد ويمشيني 7000 كلم

أنا اليوكن عندي 2010 امبير ضغط الزيت فوق الربع الأول بشوي :tongue:(لأن مافيه شرطات في امبير ضغط الزيت ولكن مقسم إلى أربعة أقسام بدون شرطات داخل الأرباع) وماعمر هالأمبير وصل للنص أبد حتى لو كنت أمشي مليون صراحة استغربت من كلامك أن الوضع الطبيعي لازم يكون على 275 هل يعني هذا أن عندي مشكلة ، أم أن سيارتك ليست نفس طبلون سيارتي مع أن الطبلون من 2007 إلى 2011 واحد مافي فرق
أسئلة تنتظر الإجابة من صاحب الموضوع وأهل الخبرة :c0214:

انخفاض ظغط الزيت من عدة امور:
1-امبير ظغط الزيت اللي في الطبلون فيه خلل او يحتاج اعادة برمجة وذلك بفصل آحدى اصابع البطارية لمدة 15 دقيقة ومن ثم تشبك اصبع البطارية وتشده وتضع مفتاح السيارة على وضع الon من دون تشغيل فقط اضاءة لمبات الطبلون لمدة دقيقتين وبعدها تكون السيارة جاهزة.
2- حساس قياس ظغط الزيت متسخ او فيه خلل ويحتاج تغيير وهذه صورة تقريبيه له

3- السيفون تجاري غير مناسب لنوع السيارة او فيه عيب مصنعي ويعيق تدفق الزيت بسلاسه وهذا سبب آخر لأنخفاض ظغط الزيت.

4- طرمبة زيت المكينة تحتاج تغيير ولكن طالما ما فيه صوت تكتكه تك تك تك تك في المكينة فهذا مطمئن واكثر مشاكل طرمبة الزيت تكون من جلده بين الطرمبة وكارتير الزيت
تحتاج تغيير وهذا كلام اصحاب التشليح ان الخراب ليس من الطرمبة ولكن من هذه الجلده فقط


تحياتي للجميع

الزيت المناسب لليوكن والتاهو 5w30 ولكن زيت موبيل1 افضل الانواع الموجوده بالسوق ويتحمل إلى 15000كلم وهو تخليقي 100% ويطيل عمر المحرك من 4إلى8مرات عن الزيوت العاديه وقيمة العلبه لتر واحد من 32إلى40ريال وتتغير درجة اللزوجه حسب حرارة المحرك اما 20w50هذا للمحركات القديمه وبالنسبه لأجواء الخليج حتى لو كانت حاره لايفرق شي لان المحرك مثبته حرارته على 93درجه قابله للزياده حتى لو كانت حرارة الجو تحت الصفر او فوق الــ50 في كل الحالتين بلف الحراره لايفتح إلا عند93درجه وفي هذه الحاله لايصبح للمناخ بشكل عام أي اهميه انما نوعية الزيت والمواد المصنع منها هي اللتي تحدد قيمة الزيت وفعاليته داخل المحرك والزيوت التخليقيه ميزتها انخفاض اللزوجه في الأجواء البارده ليسهل انصباب الزيت وزيادة لزوجته عند سخونة المحرك عكس بعض الزيوت الأخرى ..

التقرير او الموضوع الي يتكلم عن زيت 10- 30 كانت الترجمه فيه مغلوطه ولم ياتي تحذير او فهموه على انه تحذير وانا رجعت على ما اذكر مع العضو واختلفنا في الموضوع كثير من حيث ترجمة الموضوع و الكلام المكتوب
لذلك مازلت متاكد ان لامشكله في الزيت 20-50 بل هو المناسب لاجواء الخليج

الموضوع كان فيه خلاف كبير واخوي فني سيارات مقتنع بأن اللزوجة المناسبه هي 20\50 وانا احترم وجهة نظره
ولكن ايضا احترم وجهة نظر المصنع في التحذير من استخدام هذه اللزوجة واشوف انه الأفضل 10\30
وانا عن نفسي استخدم هذه اللزوجة في موتري البليزر وايضا اركبها على االمازدا 6
ولله الحمد 5 سنوات مع المازدا زي الحلاوة ووسنة ونصف مع البليزر تمام التمام
علما اني اعاني من تدني ضغط الزيت ايضا اثناء الوقوف وخصوصا بعد التحميه ولكن لما اكون ماشي يكون فووق ال 275 بشوي

كلام عزلن صحيح

اللزوجة الأفضل هي 10/30

وللمعلومية زيت أي سي ديلكو غير جيد الكاسترول أفضل .

----------------

أنصحك تغير الزيت للزوجة الموصى بها , وإذا ما فرق معك شيك على طرمبة الزيت لأانها من القطع الإستهلاكية , يعني ممكن يتطلب الأمر تغييرها

انا مثلك وينزل أكثر من كذا مدي وش السالفه بس إني مره مريت ورشه قالي هذا يبغلها تغير قطعه في المكينه لها أسم بس إني ناسيها ها الوقت
وللمعلوميه سيارتي ما شيه واجد

زيت 20-50 مناسب لسيارتك واشوف انك قاعد توسوس و الضغط عندك جيد طبيعي مع تدني الحرارة يكون شوي الضغط مختلف
ولا تدعس ولاتحنن السيارة في الفاضي لان هذا الشي يضر السيارة
تسخن على الهادي وتمشي و السلام