تجربتي لـ سوناتا 2011 .. مع وجود بعض المشاكل !

ابس استاجر سوناتا ٢٠١١ بانوراما من المدينه المنوره ممكن احد يفيدني شباب

اخوااااني راعين السوناتااااات اللي فيها بانورااامااااات ويشكون من الطقطقاااات >> هههه قسم انه شعر :bigggrin:

اليوم العصر على الساعه 5 وربع تحدييييدا ... وديت سوستي للصيانه ال 30 الف .. وقلتله على سالفة طقطقة البانوراما والشرار يطلع من عيوني :a1120(82):
قالي ياخوووي نشوووفها لك وراح تتصلح ماعليك .. وترى هذي على الضمااااااااان
يعني تطمنووا اللي عنده طقطقه يروح يطقطق عليهم بالصيانه ويقوولهم ويعدلونها ان شاء الله ... انا بستلمها السبت و بقولكم وش بيصير معي ... بس اللي ودي استفسر عنه .. سعر صيانة ال30 الف ... يقولي ب 700 هالملعون :confused1: ... السوعال الان هل هو صاااز ولا يتسذب علي ؟؟؟ حسيته غالي شوي .. بعدين قلتله ابي اغير الاقمشه .. قالي ب 700 بعد :confused1: ... قلت بعدددددددددد ؟؟؟ ماعندكم غير هالسعر ؟؟؟؟يعنبو بليسكم طيب ياخي خلها 800 عشان اصدقك ... ماعلينا .. جيت قلتله ابي ترصيص ووزن بالكمبيوتر .. قالي كل وحده ب 100 ... قلت اقول وش رايك اعطيك رقم حسابي بالمره وتاخذ اللي تبي ؟؟؟ ياخي بالله واحد يقولي الاسعار هي كذا ولا عشان زودونا راتبين قاموا يشفطون مننا عيال اللذينا :a120(115):

والله انك صادق شغل أبو صقر ثنتين

ولآ أصالة (ماخضع لقانون كيفك ) ههههههههههههه


انا معي إلنترا العزل فيها كوويس بحكم انها من السيارات الصغيرهـ

صدقت انا اسمع طقطقه و كلها في السقف

بسس بصراحه تعتبر شيء بسيط و لا هي بمشكله :smile:

شكرا ياغالي على طرح تجربتك ..

قال العجلوني في كشف الخفاء ( 1 / 87 ) :-

( إذا بُليتم بالمعاصي فاستتروا )
قال السخاوي يأتي فيمن أتى من هذه القاذورات شيئا فينبغي للعبد أن يتوب منها ولا يظهرها للناس حيث سترها الله عليه ، وهذا الحديث رواه البيهقي والحاكم عن ابن عمر وقال إنه على شرطهما بلفظ اجتنبوا هذه القاذورات التي نهى الله عنها فمن ألم منها بشئ فليستتر بستر الله
وليتب إلى الله فإنه من يبد لنا صفحته نقم عليه كتاب الله ) .

لا ينبغي أن تشجع أخاك على فعل المعصيه ، وإذا كنت ممن أبتليَ بهذا الأمر فاستر نفسك بارك الله فيك

المشكلة الاولى عادية لان السيارة مو انسيابيه وعادي يطلع معاك الصوت قوي
اما المشكلة الثانية فاكيد تسمع طقطقة لان السيارة اجار وكم واحد خمس عليها

انا معي سوسو 2011 ... ماشيه 28 الف ... العزل صح مو ذاك الزود بس الحل انك تعلي الصوت على رابح يا طويل العمر ..:xyxthumbs: :bigggrin: ... وهذا وجهي ان سمعت صوت الهوا .. :a1120(121):
اما بالنسبه للطقطقه ... ممكن تستخدم رابح ايضا ... او اصالة الجديد
هههه >> حاس اني بتسطر :a1120(86):
حبيبي شوف بالصراحه العزل مو مشكله ... المشكله ان فيه طقطقه فعلا .. بس ترى ما لاحظتها الا قبل اسبوعين للامانه .. واخوي اللي رد وقال انها من التكاية اللي ورا بالنص .. بصراحه اشكره لانه نبهني على شي ماكان ببالي ... بس انا اعتقد ان الطقطقه طالعه من السقف .. من المنطقه اللي بين قطعتين الزجاج بالبانوراما .. هذا والله اعلم :c0214:
مع تمنياتي لكم بــ حــيــآة هادئه خاليــة من الطــقــطــقــه و الهششششش >> صوت الهوا :xyxthumbs:

دامها اجار توقع كل شي فيها

أخوي أنا معي 2008 وماشيه فوق 100 ألف ولا أحلى

هذا لأنها سيارتي وعلى يدي جديدة

أخوي أقسم بالله أني مستأجر مرسيدس بانورما 2008م 350 S على وقته وكنت حاجز السيارة واستلمتها بعد يومين

السيارة كانت ماشيه 35 ألف فقط

الأصوات من تحت وفوووووق والله تحس أن القير راح يطيح بالأرض إذا عطيته شوي !

والديكور كذلك نفس الشيء لكن على الخفيف

مغزى الكلام كله

لا تقيس على سيارات التأجير حتى لو كانت ماشيه 1000 ك.م فقط

موفق للخير

كلام صحيح ..

ماشي فيها 23 الف
في سماعتين حق الصدى
موجوده على الطبلون
وحده بأقصى الزاويه اليمني والثانيه بأقصى الزاويه اليسرى اتكلم على الطبلون نفسه
لما تكون السياره واقفه لفتره طويله خاصه والجو حار تسخن معك السمعين لدرجه انك ما تقدر تلمسها بأيدك حراره مرتفعه يلعن جدها
ثم اذا شغلت المكيف شي طبيعي الجو داخل السياره يتغير ويبرد وبالتالي حرارة السمعه تقل
فتطلع اصوات كذا لسع من السماعه كانك جالس تكسر بلاستيك بيدك
طبعا الصوت بالكثر ثلاث دقايق وهو رايح مجرد ما القطعه البلاستيكه ترجع حرارتها الطبيعيه
ولكن الشي الحلوو
النوعيه اللي مصنوع منه القطعه البلاستيكه مقاوم للكسر والتشقق الناتج عن درجة الحراره
لان متانة القطعه ملحوظ والحمد لله
يعني صوت ابو دقيقتين ما عنده مشكله اهم شي الجوده

طيب ياشباب اول الوالد نفس الشي استأجر كورولا الجديدة...
وانصدمنا من الي شفناه تقريبا نفس الي قلته وزيادة ..

الزبدة (( السيارات الجديدة اغلبها ماتتحمل الكرف من رجل لرجل وخاصة ايجاار واااو الله يعينها . خخ ))

تحياتي .

أنا الحمد لله معي سوناتا

طقطقة من ورا تطلع إذا كنت مخلي التكاية اللي ورا مفتوحة لأن فيه قطعة بلاستك على الشنطة و هي تطلع صوت إذا فتحت التكاية

بالنسبة للعزل أنا أشوف أنه جيد جدا لكن ما تقارنه بالمرسيدس !

معقوله سياره بسعر 65الف واخرتها صوت

والله العزل مو ذااااك الزود بس جيد جدا

بالنسبة لانها 2011 وماشية 25الف شي طبيعي لان جميع سيارات هيونداي مزودة سنة يعني 2012 زي سيارة اخرى 2011 عشان كذا 2011 فعليا 2010 ونازلة ب شهر 3 2010
بالنسبة لاصوات الديكور غالبا راح تسمعها بحكم ان اغلب السيارة من البلاستيك اكيد على المطبات حتى تتفكفك
استاجرت وحدة اول ما نزلت ماشية 1000 وبدا صوت ديكور في الوسط بعض الاحيان

اخوي زي ماقلت لك بمنتدى كوريان بست .


عطني بنتلي اجار وانا اول مستخدم صدقني لارجعها للمحل كنها ددسن 85

ترا اغلب اللي يستأجرون ياكلون مطبات على 70 -100 وغير الحفر وغير التفحيط واللعن اللي يجيها