مساكم الله بالخير جميعا ...
عندي استفسار من أصحاب الخبرة والتجربة علشان نستفيد منكم في هذا الموضوع.
عندي سيارة تاهو موديل 2009 جنط 20 شد وكالته ونوع الكفرات جووديير P285/50R20 111H
السيارة طلعتها من الوكالة في مايو 2009 والحين حنا في مايو 2011 يعني سنتين بالضبط من شراء السيارة من الوكالة والموتور حالياً ماشي 52 الف كيلو.
قبل كم يوم انسلخ عندي الكفر الخلفي جهة يسار وطارت قطعة منه كذا بدون سبب وانا امشي بسرعة 110 كم على طريق الدمام - الاحساء.
كلمت التوكيلات العالمية للسيارات وقالي الموظف ضمان الكفرات ألف كيلو فقط وانت سيارتك عدت الضمان للكفرات!
كلمت الإدارة بالامارات وقالت لي الموظفة تقريباً نفس الكلام بس هي قالت تروح الوكالة ويعطونك ورقة تحويل لشركة الكفرات المتعاونة معهم وهم اللي يقيمون الوضع! قلت لها طيب الضمان على كلام وكيلكم ألف كيلو فقط! قالت مابعرف بس اذا تحب افتح لك ملف ماعندي مانع؟ وفعلا فتحت ملف بالتلفون وقالت لي توجه للوكالة واشرح لهم موضوعك علشان يعطونك ورقة تحويل!
احس انها لفت بي مرة ثانية هههه يعني انا قايل لها من الاساس ان الوكالة رافضين الاستقبال بسبب ان الضمان انتهى!
على كل حال ...
هل تنصحوني اروح واكمل المشوار مع الوكالة؟
وهل العمر الافتراضي للكفرات فعلا سنتين مثل ماسمعت من البعض؟
وكذلك سمعت من البعض ان الكفرات الاصلية تعمر الى خمس سنوات؟
وكذلك سمعت من البعض ان كفرات الوكالة بسبب وقفتها مدة طويلة قبل الشراء تكون تعبانة؟
نصايحكم ياجماعة الخير ...؟
