محتار بين " اكورد " او " سوبيرب " ارجو المساعدة

مبروك اخوي عساف على السيارة الجديده والله يطعمك خيرها ويكفيك شرها وعشاق اللومينا كثار في المنتدى الأمريكي ,,, وأحنا ماسوينا الا الواجب يالغالي ,,, وبالنسبه لسعر السياره رائع ومعقول لكون السيارة LTZ .

تقبل تحياتي ,,,

السلام عليكم ورحمة الله وبركاته ..

معليش ياشباب على انقطاعي عن متابعة الموضوع .. بس ماقصرتوا والله وخصوصاً .. مودرن على الاضافات الرائعه والمتخصص على المتابعه الحلوه .
والله اثريتوا الموضوع من جميع الجوانب . الله يعطيكم العافيه .


عموماً انا شريت سياره :)
بس السؤال وش نوعها ؟؟؟


امممممممممم رغم اني حاط في بالي اذا ماشريت اكورد راح اشتري سوبرب إلا اني وبقدرة قادر اشتريت ( لومينا ) :D

بصراحه الجميح مسوي عروض يسيل لها اللعاب وهذا اللي اظطرني لشراء اللومينا وخصوصا ان وكالة هوندا راح يتأخرون في توفير السياره .
وخوفي من سيارة السوبرب بحكم انها جديده في السوق .


المهم وش رايكم ... لومينا LTZ .. بسعر 71500 ريال .

والله يعطيني من خيرها ويكفيني شرّها :D

تحياتي للجميع .

=======================
ياخي توني ادري عن هالموتر...جا متأخر
<----توه شاري سيارة
=======================

مبروك أخوي خالع وسكن والـع على شراء سيارتك الجديده والله يعطيك خيرها ويكفيك شرها :)

ياخي توني ادري عن هالموتر...جا متأخر:(

<----توه شاري سيارة:)

هلا أخوي المتخصص ,,, أنا جربت السكودا سوبرب مع واحد من أصدقائي وماشالله الله يعطيه خيرها ويكفيه شرها قيادتها روووووووووعه إلى أبعد حد والرساوه شئ خيالي والدركسون ثقيل وتحس بلذه غير طبيعيه في قيادتها وفي المنعطفات راسيه وماتحس أنك راكب سياره كأنك جالس في مجلس ومرتخي وماتحس بأي شئ من أصوات ( مكينة السياره والسيارات اللي تمشي حولك والكفرات) هدوووووء إلى أبعد حد ومقصورتها ماشالله تبارك الله كأنك جالس في فندق 5 نجوم ,,, الحقيقه السكودا أبدعو في طريقة الأضائات والأنوار اللي داخل مقصورة الركاب وخارجها والسياره فل كامل ليجانسي ومن ناحية المكيف ماشالله بااااااارد وأنت واقف في الأشارة أو أنت تمشي وتعرفون الآيام هذي في عز الظهر درجة الحرارة توصل 50 درجه وماشالله الحرارة ثابته في مكانها والمكينه ماشالله نشيطه وقويه واللي مجربها أنا 6 سلندر ودعستها كأنها دعسة البي أم والمرسيدس والسياره ماشالله فيها نظام ثبات غير طبيعي في السرعات العاليه .

بختصار السوبرب شئ ماكنت أتوقعه أنا ولا أنت تتوقعه ,,, والله العظيم يا شباب الكلام هذا اتكلمه من دون أي تعصب لأي سياره وهذا الكلام من واقع تجربتي للسيارة ولعدة سيارات أخرى فخمه وبكل بساطه السكودا سوبرب تنافس البي أم الفئة الخامسه والمرسيدس واللكزس GS في قيادتها وأناقتها وجودتها وفخامتها وثباتها في الطريق وتتفوق على الباسات واللكزس ES ,,,, واللي مو مصدق كلامي يروح للوكالة ويجرب السيارة . ولحسن الحض الوكالة يخلونك تجرب مكينة 6 سلندر نفس اللي مجربها انا .

ونصيحه لكل من يقبل لشراء سيارة ,,, يشتري السكودا سوبرب وهو مغمض وأنشالله راح تدعيلي ,,, والبتوفيق ...

نسيت أضيف ملاحظة بسيطة...

بالنسبة للسيارة لما حاصت علي ثلاث مرات هذا مو معناته ان السيارة ما تنقلب بالمرة، لأني شفت غولف مقلوبة، والأخ اللي كتب وقال ان سيارة أخوه انقلبت.
طبعا أنا ربنا سترها معاية في كل مرة والحمد لله.
لكن اللي اقصده ان السيارة بشكل عام أرسى من كثير من السيارات ولكن تظل المسألة نسبية ولكل شئ حد معين والكمال لوجه الله. وطبعا فيه سيارات أرسى منها بكثير مثل البي إم والمرسيدس والفياغرا على الخصوص كسيارة سيدان.

وعلى فكرة السيارة من عيوبها صوت المحرك لأنها كانت 4 سلندر، وهو محرك بليد، على عكس المحرك الـ 6 سلندر اللي يعتبر من أفضل المحركات وانشطها.
ومن ضمن عيوبها صوت الهواء الخارجي، والعيب هذا غير موجود في الباسات وبالطبع نفترض انه غير موجود في الاسكودا.

وسلامتكم

السلام عليكم شباب

بناء على طلب أحد الإخوان على البريد الخاص...

من كلامك في موضوع أخينا عساف حول ايهم أفضل في الاختيار بين هوندا أكورد أم سكودا سوبرب يتضح أنك تعرف بعض المعلومات حول تحمل الاخيرة (سوبرب) لدرجات الحرارة في الخليج بشكل ممتاز جدا فهل هذا الرأي من واقع تجربة شخصية أم من بعض المقالات المكتوبة في المجلات؟؟ اذا كان من واقع تجربة فياليت تسرد لنا واقع تجربتك في موضوع أخونا CIA حتى تعم الفائدة ولك منا جزيل الشكر.

الحقيقة أنا ودي أشتري سيارة عند عودتي للوطن ومحتار ماذا أختار وبسبب رؤيتي لسوبرب هنا في بريطانيا ومعرفتي بنزولها أسواق السعودية فودي أعرف مواصفاتها كاملة ونتائج تجربتها.
++++++++++++++++++++++++++++++++++++++++++++++++++++++++++

في الربع الأخير من عام 2000 كنت من اوائل اللي تملكو سيارة بورا من فولكس واجن 2001 على مستوى المملكة، وكنت قلق من ناحية الحرارة على غرار الألمانيات الثانية، وطمني مندوب المبيعات لما قال ان الفولكس واجن هي أول سيارة تدخل المملكة وكانت للمغفور له بإذن الله الملك عبدالعزيز وكانت من غير لديتر في وسط الصحراء.

وقال ان السيارة صنعت لتكون برمائية في فلسفلتها منذ التأسيس، يقصد انها تحتمل الرطوبة والجفاف والبرد والحر.

يعني فيه سيارات بنيت على فلسفة الفخامة المطلقة مثل المرسيدس والرولز، وكل شركة لها فلسفة...إلأخ

المهم اشتريت السيارة الأربعة سلندرات ولترين وكانت في أول دفعة طيس ومن غير فتحة سقف ولا ريموت كنترول ولا تكييف باللمس وسعرها غالي مقارنة بالوقت الحالي كثير.

بالنسبة لموضوع الحرارة وهو صلب موضوعنا أحب أذكر الآتي:-
السيارة قطعت مسافة 98000 كيلو متر خلال سنتين وأربعة أشهر فقط.
السيارة جلست معاي 4 أشهر في مدينة الرياض وسنة كاملة في المنطقة الغربية.
رجلي حارة على السيارة جدا، لا اعتبار للمطبات على الإطلاق (طبعا عدى المطبات الكبيرة اللي تؤثر على السائق)، والدعسة للأخير عند الإنطلاق من موقف السيارات أو الإشارة بشل تعودت عليه. وأخيرا السيارة كانت غير أوتوماتيك.
رغم رجلي الحارة والقيادة في الصيف إلا إن السيارة بعتها بنفس موية اللديتر دون أي تسرب.
رغم كل شئ المكيف بارد في جميع الوضعيات، عند الوقوف بارد وعند السرعات العالية بارد وعند الدعس بشكل متكرر بارد، ومن وجهة نظر شخصية أفضله على المكيفات اليابانية لأن برودته جافة وليست رطبة مثل التكييف الياباني وبالتالي أرى أنه أبرد.
وفي جميع ما ذكرته كانت درجة الحرارة لا تقل عن 90 ولا ترتفع عنها مهما كانت نوعية القيادة ومهما كانت درجة حرارة الجو الخارجية وسواء كانت السيارة متوقفة أو ماشية.
ولي قصة حصلت معي،،، مرة كنت راجع للدوام بعد فترة اللنش تايم (فترة الغذاء) والساعة كانت وحدة الظهر وكانت درجة حرارة الجو يوميها 47 درجة مئوية وكنت ناوي أدخل العمل أوقع واستأذن واطلع طوالي...
اللي حصل إن خليت السيارة شغالة والمكيف شغال تحت الشمس ودخلت أوقع واستأذن...
قبل لا استأذن جاني شغل عاجل جدا... ثم شغل عاجل جدا ومهم...إلخ
المهم صارت الساعة 4.30 وأنا منشغل وناسي السيارة انها شغالة...
رحت للسيارة وأنا متوقع إحدى ثلاث أمور...
السيارة احترقت
السيارة انسرقت
السيارة سحبها الونش
وكنت أفضل الأمر الثالث طبعا

بس لما وصلت ذهلت من اللي وجدته... السيارة كانت شغالة... والقزاز صارت عليه رطوبة من البرد... ودرجة حرارة المحرك لا زالت 90 درجة بالضبط...
وقتها تذكرت كلام مندوب المبيعات وتأكدت انها سيارة برمائية بامتياز.

بالنسبة للأوبل أوميغا سيارة ممتازة ولكن على قيادة زوج أختي (رجله حارة مثلي) السيارة لم تتحمل الحرارة ودخل الزيت على المكينة
بالنسبة للكرسيدا السيارة ممتازة ولكن على قيادتي الحرارة ترتفع عن المعدل الطبيعي بسبب الدعس بشكل مستمر عند كل اشارة والمكيف تقل كفاءته بشكل بسيط
بالنسبة للمازدا 6 السيارة ممتازة واعجبتني جدا جدا، ولكن على قيادتي الحراة المكيف يصير يدخل هوا حار بدلا عن الهوا البارة

والآن وبعد خبرة وتفحيص وتمحيص لعدد من السيارة اكتشفت ان السيارة الوحيدة اللي تحملتني وتحملت عفاشتي هي البورا من فولكس واجن

وللمعلومية السيارة حاصت علي ثلاث مرات:-
المرة الأولى بسرعة 80 وما صارت أي شئ.
المرة الثانية بسرعة 180 على الخط السريع ونزلت على منحدر رملي بسيط وغيرت جنط و3 طاسات وذن للصدام الأمامي ولكن السيارة ما انقلبت زي ما قال أحد الإخوان
المرة الثالثة والأخيرة السيارة حاصت بسرعة 100 وطلعت على رصيف عالي وراح جنطين والعكوس والمساعدات والجربوكس والمكينة انشطبت :)
كلفة الصيانة أكثر من 40 ألف، والموديل الجديد منها مكيف لمس وفتحة سقف وجنوط الومنيوم وريموت كان سعره حوالي 54000 ريال فقط

وللآن ما ملت عيني سيارة غيرها ولكن لا زلت ابحث عن سيارة أخرى تكون أكبر والمحرك ماله صوت وقوي وسعرها محفز، وتقريبا يمكن أطلع بي إم 740 أو 750 موديل 98 والله أعلم

^
^
^
^
مشكور يالغالي:)

أخوي خالع وسكن والـع
السيارة جديده ,,, كيف تبيها تنتشر وهي جديده ,,, يمكن أول واحد راح يشترها في السعوديه أنا :D:D

أصبر عليها وصدقنى راح تنتشر ,,, مثل ماأنتشرت الباسات

من ناحية الجودة أنا أضمنها لك نفس جودة الفولكس واجن والأودي والقطع نفس القطع لكن السكودا تسعيرتها أقل .

وبالنسبة للشكل ,,, أنا ماأقدر أحكم والناس أذواق ,,, وبالنسبه لوجهة نظري أنا السيارة عاجبني شكلها وهي أفضل من شكل الباسات من وجهة نظري ,,, ولا تشوف صورها رح شفها بالطبيعة وصدقنى راح تصير عيونك كذا :eek::eek:

وبالنسبة لمحرك الباسات الغير نشيط اللي يتكلمون عنه هو محرك 4 سلندر ,,, أما محرك 6 سلندر آداءة قوي ونشيط

والسيارة لها ثلاث فئات :-

فئة كلاسيك : هذا أدنى فئة وسعره بين 70 إلى 75 الف ريال

فئة كومفورت : هذي الفئة المتوسطة وسعره 80 الف ريال

فئة ليجانسي : هذي هي فئة القمة وكل ماتتمناه من مواصفات راح تحصلها بالفئة هذي وسعرها 94 الف ريال

^
^
^
سؤال واقعي والله:)،طيب اذا هالفخامة اللي تقول والمميزات والسعر الرخيص والقطع الارخص...ليش مانشوفها تمشي بالشوارع ؟!

خصوصا وانها على كلامك نفس مكينة الباسات...والباسات منتشرة واعتقد سعرها اغلى..!!


بس ماادري عن الصناعة التشيكية ذي....

والمميزات حلوة بقوووة...لكن مع احترامي الشكل يبيله شوي تضبيط...


غريبة تجيب المية في 7,7 ثانية....انا سامع ان الباسات غير نشيطة ابدا...

وياليت تعطيني سعرها الفل حق ستة سلندر....لاهنت:)

طيب بس غريبه السيارة هذي ما انتشرت المفروض انها تصير زي الكامري مادام كذا مميزاتها :D

حبيبي من ناحية قطع الغيار الأكورد أغلى من السوبرب |3|

طيب كيف قطع غيار السوبريب اكيد ناااااااار ;)

ويوجد أيضا 6 سي دي وحساسات خلفيه وجنوط مقاس 17 وتلفون و 8 إيرباجات والكثير الكثير من المواصفات اللي ماذكرتها

وللمزيد من المعلومات عن هذي السيارة أدخل على هذي الوصله

http://www.assayyaratnet.com/forums/showthread.php?s=&threadid=21497

=========================

وآسف على الآطاله ,,, وتقبلو تحياتي |3|

ستارة خلفية



ذاكرة وضعيات المراتب والمرايات الخارجية



يوجد فتحه تهويه مكيف داخل الدرج يمكن فتحها وأستعمالها كثلاجه في الرحلات الطويله مع العلم أن هناك ثلاجه في تكاية الركاب الأماميين كما هو موضح بالصورة

توجد مصابيح على المرايات الجانبيه مع أمكانيه طوي المرايات أوتوماتكيا وتدفئتها



مساحات تعمل أوتوماتكيا عند أستشعار هطول الأمطار



مكيف خلفي وموجود عليه دفايات للركاب الخلفيين وأيضا يوجد دفايات للركاب الأماميين



قير توبترونك (توماتيك - عادى ) في نفس الوقت



يتبع

ياأخواني والله شئ غريب وأنا أستغرب هذا الشئ أنكم تقارنون السكودا سوبرب بالهوندا أكورد ,,, والله يا شباب مافيه مقارنه السوبرب أفضل بمليون مره ,,, والسوبرب تصنف من ضمن السيارات الفخمه مثل البي أم الفئه الخامسه والأودى A6 وغيرها من السيارات الي تصنف من هذا المستوى وكلامى راح أثبتلكم هذا الشئ .... وراح أعرفكم عليها

==============================
هذا هو شكل السيارة الخارجى وللمعلوميه تراها أطول من الباسات





مقابض الباب يوجد بها لمبه خافته لونها أزرق تقدر تشغلها أذا كنت ماشي في طريق مظلم ليعطيك منظر رائع كما هو مبين بالصوره




أنوار طراز زينون عالي الأداء


رشاشات للمصابيح الأماميه تعمل أوتوماتكيا في حالة أتساخها


يتبع ,,,

|1| أذا ناوي تاخذ superb خذها ديزل ..........

أما غير ذلك ............. أنصحك بالأكورد