يا جماعة أنا محتاج رأيكم ...انا محتار ما بين تاهو z71 والتاهو LTZ
التاهو Z-71 فيها كل المواصفات من شاشة وجلد وفتحة والاهم من هذا كله فتحة في السقف يعني تقريبا فل كامل تفرق عن LTZ انو الجنوط 18 مو 20 زي ال LTZ والداخلي شوية فروقات بسيطة لكن فيها دبل وسعرها 173 الف ريال من بالبيد أما ال LTZ سعره 169 الف ريال من غير دبل واللي بدبل بحوالي 183 الف ريال وبصراحة أنا استغليتها شوية ...وحاسس أنو ال Z-71 فيها كل شي وبسعر أقل ؟وفي بعض الاختلاف في الشكل ...
الشي الثاني السارة عرفت أنو ما فيها بلوتوث يعني كل هاالمبلغ وما فيها خدمة البلوتوث عشان التلفون رغم أنو في صفحة شيفروليه على النت تقول انو البلوتوث يعتبر مقياس أساسي في كل موديلات التاهو ؟ بصراحة كشيت من السيارة وندمت أني دفعت عربون عشان أحجز عرض الضمان ؟ ما أدري ليه عندنا في السعودية مواصفات مختلفة ؟
خاصة اني وصلت للقرار بعد عناء من التفكير وبديتها على الفورد الإيدج وتركت كل المواصفات الرائعة فيها وكان سعرها 142 الف ريال ؟
بصراحة صرت متضايق وصرت أفكر إما أخذ التاهو LT العادية بدبل وسعرها 140 الف ريال وأنا أضيف عليها شاشة ودي في دي وفيها بلوتوث وما تكلفني 6 أو 7 ألاف ريال ؟ ...أو أروح أشتري الفورد الإيدج وفيها كل شي ما عدا الدبل ؟؟
أبي رأيكم يا شباب المنتدى خاصة أني لازم أخذ القرار بالكثير بكرة ؟
وإليكم صور السيارتين
Z-71
http://sa-en.chevroletarabia.com/vehicles/view_all_vehicles/crossovers_suvs/tahoe/multimedia/exterior_photos.html#item01
LTZ
http://sa-en.chevroletarabia.com/vehicles/view_all_vehicles/crossovers_suvs/tahoe/multimedia/exterior_photos.html#item05
جزاكم الله خير
