والله الموضوع غريب صراحة ..
أحلى شي الأخ اللي يقول الفرق بين 95 و 91 نسبة الشوائب والنقاوه !!!!
الموضوع هذا طال الكلام فيه .. وبشكل عام الواحد المفروض مايفكر بحاجه ( ويشكل إنطباعه ) إلا بعد الإضطلاع على الموضوع وقرائته من كافة جوانبه ..
يعني مثلا لو نشوف الرابط هذا على سبيل المثال ...
http://en.wikipedia.org/wiki/Octane_rating
فيه بالنص "Octane is a hydrocarbon liquid which is used as a reference standard to describe the tendency of gasoline, petrol, or benzin fuels to self ignite during compression prior to the desired position of the piston in the cylinder as appropriate for valve and ignition timing "
وهذا يعني .. الأوكتين هو سائل هيدروكربوني يستدخم لتصنيف شدة ميول البنزين على الإحتراق الذاتي قبل الوصول إلى الوضع المراد للبستن ( المكان المراد ) داخل السلندر والمناسب -المكان طبعا- للصمامات وتوقيت الإشعال ... !!
ماله اي علاقه ((( مباشره ))) بالإستهلاك ولا بالنظافه ولا بأي شي من اللي ذكروه الأخوان .. وهذا مو كلامي أنا طبعا .. كلام الناس المختصين واللي تلقاه في أغلب المواضيع والبحوث اللي تناقش القضيه هذي ..
وفي نفس الرابط النص يقول " Octane rating does not relate to the energy content of the fuel (see heating value). It is only a measure of the fuel's tendency to burn in a controlled manner, rather than exploding in an uncontrolled manner. Where the octane number is raised by blending in ethanol, energy content per volume is reduced "
" تصنيف الأوكتين ليس له علاقه في الطاقه المحموله في الوقود , الأوكتين هو عباره عن مقياس لقدرة الوقود على الإحتراق بطريقة قابله للتحكم بها عوضا عن الإحتراق الذاتي الغير مرغوب .. حيث أن زيادة الأوكتين تكون بخلط الإيثانول به , ومحتويات الطاقه لكل وحدة قياس تقل ..... "
يعني على عكس ما الناس تتخيل أنه ال 95 يعطيك طاقه أقوى لأنه يحترق أسرع !!!!
وهو الموضوع ماله علاقه .. !
فيه قضيه كثير ما الناس تهملها في هذا الموضوع .. وهو المكاين الحديثه اللي فيها وحدة تحكم ...
ولو نلاحظ الموضوع له جزئين .. جزء ميكانيكي اللي هو تأثير الأوكتين على الإحتراق بالماكينه ..
والجزء الثاني وهو جزء إلكتروني وهو طريقة تعامل المكينه مع البنزين .. !
طبعا قبل مايطرح ال95 تجاريا .. كان يستخدم في سباقات السيارات .. ليش .. بكل بساطة لأن المكاين حقت سيارات السباق ضغطها عالي ... (((((( الضغط داخل الغرفة الإحتراق ماهو الضغط اللي هو عدد الدورات الأر بي ام ))))))) وهذا الجزء من الصفحة حقتنا تقول
"Many high-performance engines are designed to operate with a high maximum compression, and thus demand fuels of higher octane"
"كثير من محركات الأداء العالي مصممه على العمل بـنسبة إنضغاط عالية .. وبذلك تطلب إستخدام وقود من العيار الكثير الأوكتين "
الآن احنا بالجزء الأول اللي هو الميكانيكي .. وعرفنا أنه محركات الإنضغاط العالي تطالب بأوكتين أكثر عشان يتحمل الإنضغاط أكثر ..
أما الجزء الألكتروني هو الأهم واللي الناس عندهم مشاكل كثيره فيه ..
لما المصنع يختار نسبة الإنضغاط المناسبة لسعة المحرك وعدد السلندرات .. هو بذلك يختار المدى المناسب من نوعيات البنزين المناسبه ..
لو فرضنا أن نسبة الإنضغاط في المحرك 10:1 وهي نسبة ضعيفه نسبيا .. هذا النوع من المحركات لو إستخدمت له أوكتين عالي .. ماراح تفرق معه لأنه بكل بساطة ماراح يضغط البنزين كفاية لدرجة أنه يستفيد من الأوكتين الزياده .. !!
طيب لو إستخدمت بنزين قليل أوكتين بزياده .. البنزين بيكون أكثر حساسية للضغط وعشان كذا بيشتعل البخار داخل السلندر قبل وقته (لأنه حساس بزياده ) وبذلك يأذي المكينه وينتج شي إسمه التصفيق أو الفرقعه ..
طبعا الجزئ الكتروني في الموضوع اللي هو وحدة تحكم المكينه .. واللي الهدف منها التأقلم مع نوعية البنزين بحيث لو استخدمت أقل من المطلوب تأخر توقيت الإشعال (( طبعا نسبة الأوكتان الموجوده في السوق العالمي مستحيل تكون قليله لدرجة إنها تضر بالمكينه )) بالعربي لو إستخدمت أقل نوع ماراح توصل لدرجة أنك تحدث معاك الفرقعه غير أنه في المحركات الحديثه لو قدرت تحصل على بنزين قليل اوكتين بشكل خورافي راح تعدل التوقيت بحيث انك ماتواجه مشاكل ...
أما موضوع القوه .. فكل بكل بساطة لوكان محركك ذو ضغط عالي .. فالمصنع عطاك النسبه اللي تمنحك أكبر قدر من الإنضغاط وبالتالي أكبر تحكم في توقيت الإشعال وبالتالي أكبر قدر ممكن من القوه .. وطبعا اللي هو الحد الأدنى للرقم .. يعني لو قالك المصنع لا تنزل عن 87 فمعناته لو إستخدمت أعلى ماراح تستفيد من الزياده لأن بكل بساطه نسبة الإنضغاط مارح تضغطه وتستفيد من الأوكتين الزياده ..
مثال على ذلك : سيارتي في الكاتالوج يقول إستخدم بنزين ذو تصنيف RON عالي ذو 98 أو 95 ... ولذلك .. أنا أستخدم 95 ولو وجد 98 لأستخدمت 95 ...
فالموضوع ماهو موضوع مين أحسن منهم ... الموضوع يعتمد على نسبة الإنضغاط ويعتمد على توصية المصنع ويعتمد على تفاصيل المحرك ..
أتمنى اني وصلت الفكره والموضوع يا أخوان مو صعب والله اني فتحت قوقل وكتب Octane Rating
بس وقريت وتعلمت .. طبعا في نقاشات مرت من قبل بمواضيع مختلفه إظريت إني أقرى كثييير عن الموضوع وتعلمت كثييييييير .. ونصيحه ياإخوان لوجه الله خلونا شعب يقرى ويتعلم والله اني احب اتناقش بس عشان أدخل النت وأقرى وأتعلم .. وأفيد غيري .. وجزاكم الله خير وأتمنى تلقي ردي بصدر رحب
وآسف على الإطاله :)
