الي الاخوان في هذا المنتدي اتمني الدخول ووضع تصويتك للافضل بين بنزين 91 و95

والله الموضوع غريب صراحة ..

أحلى شي الأخ اللي يقول الفرق بين 95 و 91 نسبة الشوائب والنقاوه !!!!

الموضوع هذا طال الكلام فيه .. وبشكل عام الواحد المفروض مايفكر بحاجه ( ويشكل إنطباعه ) إلا بعد الإضطلاع على الموضوع وقرائته من كافة جوانبه ..


يعني مثلا لو نشوف الرابط هذا على سبيل المثال ... http://en.wikipedia.org/wiki/Octane_rating


فيه بالنص "Octane is a hydrocarbon liquid which is used as a reference standard to describe the tendency of gasoline, petrol, or benzin fuels to self ignite during compression prior to the desired position of the piston in the cylinder as appropriate for valve and ignition timing "

وهذا يعني .. الأوكتين هو سائل هيدروكربوني يستدخم لتصنيف شدة ميول البنزين على الإحتراق الذاتي قبل الوصول إلى الوضع المراد للبستن ( المكان المراد ) داخل السلندر والمناسب -المكان طبعا- للصمامات وتوقيت الإشعال ... !!

ماله اي علاقه ((( مباشره ))) بالإستهلاك ولا بالنظافه ولا بأي شي من اللي ذكروه الأخوان .. وهذا مو كلامي أنا طبعا .. كلام الناس المختصين واللي تلقاه في أغلب المواضيع والبحوث اللي تناقش القضيه هذي ..


وفي نفس الرابط النص يقول " Octane rating does not relate to the energy content of the fuel (see heating value). It is only a measure of the fuel's tendency to burn in a controlled manner, rather than exploding in an uncontrolled manner. Where the octane number is raised by blending in ethanol, energy content per volume is reduced "

" تصنيف الأوكتين ليس له علاقه في الطاقه المحموله في الوقود , الأوكتين هو عباره عن مقياس لقدرة الوقود على الإحتراق بطريقة قابله للتحكم بها عوضا عن الإحتراق الذاتي الغير مرغوب .. حيث أن زيادة الأوكتين تكون بخلط الإيثانول به , ومحتويات الطاقه لكل وحدة قياس تقل ..... "


يعني على عكس ما الناس تتخيل أنه ال 95 يعطيك طاقه أقوى لأنه يحترق أسرع !!!!

وهو الموضوع ماله علاقه .. !


فيه قضيه كثير ما الناس تهملها في هذا الموضوع .. وهو المكاين الحديثه اللي فيها وحدة تحكم ...


ولو نلاحظ الموضوع له جزئين .. جزء ميكانيكي اللي هو تأثير الأوكتين على الإحتراق بالماكينه ..

والجزء الثاني وهو جزء إلكتروني وهو طريقة تعامل المكينه مع البنزين .. !


طبعا قبل مايطرح ال95 تجاريا .. كان يستخدم في سباقات السيارات .. ليش .. بكل بساطة لأن المكاين حقت سيارات السباق ضغطها عالي ... (((((( الضغط داخل الغرفة الإحتراق ماهو الضغط اللي هو عدد الدورات الأر بي ام ))))))) وهذا الجزء من الصفحة حقتنا تقول
"Many high-performance engines are designed to operate with a high maximum compression, and thus demand fuels of higher octane"

"كثير من محركات الأداء العالي مصممه على العمل بـنسبة إنضغاط عالية .. وبذلك تطلب إستخدام وقود من العيار الكثير الأوكتين "


الآن احنا بالجزء الأول اللي هو الميكانيكي .. وعرفنا أنه محركات الإنضغاط العالي تطالب بأوكتين أكثر عشان يتحمل الإنضغاط أكثر ..


أما الجزء الألكتروني هو الأهم واللي الناس عندهم مشاكل كثيره فيه ..

لما المصنع يختار نسبة الإنضغاط المناسبة لسعة المحرك وعدد السلندرات .. هو بذلك يختار المدى المناسب من نوعيات البنزين المناسبه ..

لو فرضنا أن نسبة الإنضغاط في المحرك 10:1 وهي نسبة ضعيفه نسبيا .. هذا النوع من المحركات لو إستخدمت له أوكتين عالي .. ماراح تفرق معه لأنه بكل بساطة ماراح يضغط البنزين كفاية لدرجة أنه يستفيد من الأوكتين الزياده .. !!

طيب لو إستخدمت بنزين قليل أوكتين بزياده .. البنزين بيكون أكثر حساسية للضغط وعشان كذا بيشتعل البخار داخل السلندر قبل وقته (لأنه حساس بزياده ) وبذلك يأذي المكينه وينتج شي إسمه التصفيق أو الفرقعه ..


طبعا الجزئ الكتروني في الموضوع اللي هو وحدة تحكم المكينه .. واللي الهدف منها التأقلم مع نوعية البنزين بحيث لو استخدمت أقل من المطلوب تأخر توقيت الإشعال (( طبعا نسبة الأوكتان الموجوده في السوق العالمي مستحيل تكون قليله لدرجة إنها تضر بالمكينه )) بالعربي لو إستخدمت أقل نوع ماراح توصل لدرجة أنك تحدث معاك الفرقعه غير أنه في المحركات الحديثه لو قدرت تحصل على بنزين قليل اوكتين بشكل خورافي راح تعدل التوقيت بحيث انك ماتواجه مشاكل ...


أما موضوع القوه .. فكل بكل بساطة لوكان محركك ذو ضغط عالي .. فالمصنع عطاك النسبه اللي تمنحك أكبر قدر من الإنضغاط وبالتالي أكبر تحكم في توقيت الإشعال وبالتالي أكبر قدر ممكن من القوه .. وطبعا اللي هو الحد الأدنى للرقم .. يعني لو قالك المصنع لا تنزل عن 87 فمعناته لو إستخدمت أعلى ماراح تستفيد من الزياده لأن بكل بساطه نسبة الإنضغاط مارح تضغطه وتستفيد من الأوكتين الزياده ..


مثال على ذلك : سيارتي في الكاتالوج يقول إستخدم بنزين ذو تصنيف RON عالي ذو 98 أو 95 ... ولذلك .. أنا أستخدم 95 ولو وجد 98 لأستخدمت 95 ...

فالموضوع ماهو موضوع مين أحسن منهم ... الموضوع يعتمد على نسبة الإنضغاط ويعتمد على توصية المصنع ويعتمد على تفاصيل المحرك ..

أتمنى اني وصلت الفكره والموضوع يا أخوان مو صعب والله اني فتحت قوقل وكتب Octane Rating

بس وقريت وتعلمت .. طبعا في نقاشات مرت من قبل بمواضيع مختلفه إظريت إني أقرى كثييير عن الموضوع وتعلمت كثييييييير .. ونصيحه ياإخوان لوجه الله خلونا شعب يقرى ويتعلم والله اني احب اتناقش بس عشان أدخل النت وأقرى وأتعلم .. وأفيد غيري .. وجزاكم الله خير وأتمنى تلقي ردي بصدر رحب
وآسف على الإطاله :)

طيب كلامك على العين والراس

بس وين الدليل ؟
وانت تتكلم عن اي سياره اللي بيناسبها بنزين 95 ؟

ياخي اكيد 95 لأنه افضل للمكينة وانظف وحتى لو السعر غالي والله تستاهل السياره

السؤال ماذا يحتاج محركك طبعاً هذه صيغة السؤال السليم لكن بما أنك طلبت منّا إبداء رأينا الشخصي حول هذه المسألة أنا أرى أن بنزين 95 أفضل للمحرك وأفضل لكل المحركات على وجه العموم لكن هل هناك محركات لا تقبل الأوكتين العالي ومقتصرة على بنزين 91 فأقل ؟

وما علاقة اللون بين البنزين الأحمر والأخضر ؟ كون أن المحتويات أوكتين عالي وخالي من الرصاص وآخر العكس . أم أنها صبغة عادية للتمييز وتلافي الغش في هذه المسألة ؟ :c0214:

وطبعاً كاتلوج سيارتك يفيدك بأقل أوكتين تستطيع استخدامه بدون أضرار على محرك السيارة ليس لأنه الأفضل مطلقاً بل أن سيارتك تستطيع تزويدها بأقل تكلفة مادية وبأوكتين مناسب . ووجهة نظر شخصية كلما زاد الأوكتين يكون المحرك على السيف سايد بشكل أعمق .

شكراً لطرح الموضوع .

كلام سليم ^^

وعليكم السلام

الافضل هو ما هو موجود بكتلوج سيارتك

وريح بالك

وش افضل لسوبربان 2011 بنزين 91 او 95 افيدوني جزاكم الله خير:c0214::confused1:

الفرق
بين 91 و 95
هو ......
مافكرتو ليش ارقام ؟؟
وش تعني هذي الارقام
ياطويلين العمر 91 هذا نسبه خلوه من الشوائب 91%
اما 95 برضو نسبه خلوه من الشوائب 95%
يعني الاصفا هو 95 كل ماكان صافي اكثر كل ماكان احسن للمكينه
هذي هي السالفه عشان كذا يقولون يقوي العزم
اكيد لانه نظيف ال 95
5% شوائب بس الباقي بنزين صافي احسن للمكينه
بببببسسسسس

الــــــــــــــ95 افضل بكثير بل عزم و للمحرك انا جربت 91 حدود السنه لا عزم و اخرته تبويش

البنزين 95 يعني نقاوه اكثر و الدليل هو سعره مرتفع لانه نقي اكثر بمعنى 95 اوكتين و الباقي رصاص و الرصاص مضر بالمحرك او كما يسمى ظاهره الدق المعدني تلاقي اغلب السيارات يوصون بتعبئة بنزين خالي من الرصاص بل اصبحت المحركات الصغيره تلاقي ستكر يوصي ببنزين خالي من الرصاص بمعنى اكثر اوكتين ويوجد لدينا في قطر 95 و 98 اوكتين وبعض البلدان ربما اكثر مثل الامارات و الكويت على ما اظن

اكيد 95 مايبيلها كلام لكن يكون ضرر للمركبات التي لم يخصص لها

ليس هنالك فرق الا من ناحية الاوكتان، بعدن لازم تختبر لثنين يعني لازم تعبي مرة ب٩١ لين ما يخلص الخزان وبعدين تعبي ب٩٥ وتشوف العزم، واهم شي تفادي قرقعة المكينه، لانه يشكل دمار مستقبلي بعيد المدى على المحرك ( السلندرات والبستان ) علاوة على انه كلما قلت نسبه الاوكتان كلما زادت بقايا الكربون التي يخلفها الاحتراق، والتي يمكن مشاهدتها على شمعات الاحتراق ، لذلك يلجأ الغربيون الى اضافة الاوكتان الذي بياع في محطات البنزين الى البنزين، لان البنزين عندهم تبلغ نسبه الاوكتان فيه الى ٧٨٪، وذلك للتخلص من بقايا الكربون العالقة في غرفة احتراق رأس المحرك

يسلمو علي التفاعل

واتمني من الجميع التصويت قبل الرد لكي يري المشاهد والمتابع نتيجه التصويت