الباترول2003هل هو اقتصادي في البنزين ام دعاية تسويق

طيب

انا ولد خالتي يموت في شيء اسمه نيسان اعيال عمه كلهم طلعوا لاندكروزر
كافة الأنواع

وهو ظل على النيسان ليومك كان عنده سفاري 94 باعه اشترى 2002
من اوائل الناس اللي طلعوا سوبر سفاري نظام الفيتك والرجال راعي بر
دخل مع انفوي في البر من طرح الثاني ؟؟؟

مايبيلها 1 2 3 الانفوي

بعدين شاف الصرفية كبيرة كثير مقارنة بالسفاري 94

ولما يمشي 170 يحس ان السيارة كانها بتفلت منه ويسمع رجة

والله انه ماكمل 9 ايام الا باعه وطاح من قيمته حول 20 ألف ريال سعودي

والحين اشترى سفاري 2000 يقول أنه أحسن صرفية من نظام الفيتك اللي خذه من قبل

وترى مشهور السفاري بالصرفية

وأنا لاحظت انه كل اللي تكلموا وقالوا ان السفاري ما يصرف هم من دولة الامارات

يا أخي العزيز من دولة الامارات البنزين اللي عندكم يختلف عن اللي عندنا

في فرق انتم الظاهر للحين في بنزيزنكم نسبة من الرصاص واذا كان غير كذا

الظاهر بسبب العوامل المختلفة بين الدول واحنا رحنا الامارات صرفية اللاند اللي عندنا

أخف مماكانت عليه في السعودية وانتم عندكم البنزيزن أرخص بعشرين ريال

وحتى أهل قطر انا رايح قطر مع ولد خالتي ب GXR 2003

لما عبا التانكي الكبير أخذ عليه العامل 40 ريال بينما في السعودية ياخذ عليه 70 ريال

وانتم تقولون ان السفاري أقوى وافضل من اللاندكروزر

طيب ليه عندنا شركة أرامكو تقدم لكبار الوظفين سيارات لاندكروزر او كابريس

ليه ماجابوا باترول

أنا أقولك باختصار

لأن اللاندكروزر أفضل منه بمراحل في كل شيء


تحياتي لك

اخوي عنده سوبر سفاري كامل المواصفات 2003 وهو يقول انه اقتصادي بالنسبة للموديلات القديمه

بعدين يا اخوان ما اعتقد ان في سيارة دفع رباعي بحجم كبير وبتكون اقتصادية !! صعبه يعني الوزن له دور والانسيابية لها دور كذلك

انصحكم بزيارة هالموقع لأنه مختص في امور استهلاك الوقود وعمل المقارنات بين السيارات

على فكره سوبربان 2003 يستهلك اقل من لاندكروزر VXR 2003 :)

سوبربان 2003 استهلاك الوقود 16.8/100 كم في المدينه 13.1/100 كم في الطرق السريعه

لاندكروزر 2003 في المدينه 18.1/100 كم في الطرق السريعه 13.8/100 كم

اما نيسان باترول ماهو موجود في الموقع لأن نيسان باترول لايصدر للأسواق الامريكية

بحفظ الله

ياريت اخوي MR.DR
انا لمن قارنت قارنت الصرفيت المكاين مو السيارتين بشكل عام .
وياريت توجه هذا الكلام للاخ amd...1987

لانه يعتقد ان لاند 8 سلندر صرفيته اعلى بمجرد انه 8 سلندر
اخوي هي صح 8 بس صغير اما ال6 بساتم حق الباترول في كبيره
عشان كذا الباترول اقوى وصرفيته اكثر .

عزيزي LIMITED مشكلتك انك تحكم على النيسان 98 - 01 وماجربت 2002 الفيتك

الكلام اللي قلته عن النيسان 98 - 01 كله صحيح لان في الماضي كنت تشوف 10
نياسين بمقابل للاند كروزر واحد في الشارع والان العكس والسبب انه مديل 98

شوه سمعت النيسان لان بديه كبير ومكينته قويه بس ماتشله للعلم انه مهندسين

شركه النيسان اللي فليابان لاحظوا تردي مبيعات النيسان في دوله الامارات

وهيه اكبر سوق


لبيع الفورويل في الخليج ومنها النيسان فجمعوا عدد من مالكي نيسان باترول

في اماره ابوظبي ومعرفه الاسباب والعيوب منها صرفيه البنزين والتفكك

وضعفه وبعدها بسنه صنعوا الفيتك احظروه الى الامارات وستدعوا نفس

الاشخاص السابقين وجربوه في صحراء ابوظبي وكانت النتيجه تعديل كل

العيوب السابقه هذا الكلام كل من برنامج توب كار الذي يعرض بقناه ابوظبي



بصراحه مقارنه غريبه

وانا بعطيك نفس المقارنه الي انته شوفها صح

في فرق بين اللاند كروزر v6 2003 وصرفيه الكابريس 93 LTZ >>> قديييييييم

اتوقع انك بتقول انه الصرفيه متقاربه وانا بقولك لا ولا ولا

لاني قطعت مسافت 4100 كم من دبي - مكه المكرمه - دبي على سرعه 160 كم

بكابريس تعرف كم قيمه البانزين 390 درهم فقط هل تتوقع صرفيه اللاند بتقل عن 1200 درهم مستحيل تقل

اخوي LIMITED لاتقارن بين الصالون و الفورويل بين النيسان اللي وزنه 2400

بينما اللكزس وزنه 1800 والفرق 600 وزن سياره مدمجه

ههههههههههههههههههههههههههه
amd...1987 من جد تتكلم !!!?
خلاص 8 سلندر يعني صرفيته اكثر ?!!!

طيب ابغى اعرف اللكزس LS430

8سليندر هو يصرف اكثر ولا الباترول 6 سلندر؟

اخوي الباترول بعد الانظمه والتعب صارت صرفيتها 4.8 لتر
هذا شي محددته الشركه وماحد يقدر يتكلم فيه
لان كل سياره تخرج من الشركه محدده صرفيتها

------------------------------------------------------------------------------
اخوي MR.DR
الارقام الي انا جبتها من كتلوج الشركه
وبالنسبه للباترول انا ماجربتها عشان افتيلك فيها
بس الي اشوفه هو ان السياره الوحيده الي الزينون حقها
محروق هي السفاري ليش؟

شوف الاخ عتش ايش كاتب :

نصـيـــــــــــــــــحة نصـيـــــــــــــــــحة نصـيـــــــــــــــــحة
اخوي No1 نصيحتي لك تأخذ لاندكروزر لانه افضل بكثيييييير من الباترول اسأل مجرب وانا مجرب اول شي الباترول فاااااااااشل وكان معي باترول 2000 النوع الثاني واحمد ربي اني بعته احسن ما فيه بالرمل يخدمك بس الباترول سيئ سيئ جدا للاستخدام وعيوبه كثيييييرة تشريه جديد وبعد سنتين يطيح اقل من نصف قيمته وياكل اكل بنزين وغير راسي بالطريق ويتفكك بسرعة وقطع غياره غاااااااالي وخراباته معقدة وشكل الجيب نفسه خااااااايس ولا فيه ولا نقطة فخامه احسن ما فيه للتطعيس واذا تبي سيارة احسن منها للتطعيس عندك الشروكي الكلاسيكي افضل منه بالف مرة بالتطعيس واكشخ واحلى شكل وافخم من الباترول وثاني شي الباترول رخييييص سعره باترول 2003 عداد صفر فيه كل المميزات جلد وقير مزدوج وفتحه وزنون اللي هو السوبر سفاري سعره 132 الف ريال عند الوكالة وعند المعارض ارخص وامس كنت بالمعارض لقيت موديل 2003 تاريخ صنعه 2002 سعره 110 فللللل كااااااااامل وباترول موديلات 99 و 98 و2000 اسعارها ما تتعدى 55 الف اللي هو الفل كامل والنوع الثاني يعني اسعاااااااارها رخيييييييصة والله راح تندم اذا شريتها ...
________________________________________________
الاندكرورز (العميد)
اخوي الاندكرورز سيارة صح ويقول المثل ((تويوتا وبــس)) اول شي فخااااااااااااااااااااااااااااااااااامة واحلى شكل من الخارج واللي يقولك الاندكرورز ضعيف بالرمل قله كذاب انا بعد ما بعت الباترول شريت GXR2 فل كامل اسود البريمي والله قوي بالرمل بس انا اقولك بالرمل الباترول اقوى بشي بسيييييييييط اسأل مجرب الله واكبر عاد اللي عايش بالبر اصلا ما راح تطلع للبر الا ايام الشتاء صح والا لا, ومو دايما ! الاندكروز احسن من الباترول بالطريق من حيث السرعة والقوة والثبات والرساوة بالطريق ومريح بالطرق الوعرة وثابت واريح من الباترول وتحس انك تسوق موتر صح ومحترم وسيارة لك وللزمن يعيش معك مدة طووووووويلة ولا يحتاج قطع غيار ولا شي ويتحمل خاصة عندنا بالسعودية خاصة الطرق الوعرة والاجواء المتغيرة والمتقلبة وقطع غياره موجود بكككل مكان وسعره مناسب جداااااا واذا جيت تبعه ما يطيح سعره ابدا ولا تنسى انه احسن سيارة بالمملكة وما اخذت جائزة افضل سيارة بالمملكة عبث وسعره اغلى من الباترول لانه افضل زي الـ GXR2 اللي معي سعره 164 الف من معرض الصقر اللي بالنسيم والحين صار سعره 163 الف عندهم لانه البريمي ومواصفاته كاملة وترى سيارة هيبه واكشخ بكثييييييير من الباترول واسأل او واحد معه باترول اسأله وراح يقولك عيوب الباترول ولا راح يمدحه ويتمنى بس يبيعه وانا صراحة ما اقارن الاندكروزر بالباترول الباترول يقارن مع جيب سزوكي والا جيب ميتسوبيشي والا اسيزو والاشياء هاذي مع احترامي الشديد للاخوان اصحاب الباترول ونصيحة اخوية واخيرة لك لا تتهور وتاخذ باترول توكل على الله وخذ لاندكروزر وخذ لك لون اسوداكشخ واذا ما تبي الاشود عشان الحرارة خذ لك الذهبي الجديد لون رسمي ورهيب واذا ما تحب الذهبي عندك سماوي خالع هاذي تقريبا احلى الالوان ويله نشوفك على خير.


راح تلاقيه في هذا الموضوع:

http://www.assayyaratnet.com/forums/showthread.php?s=&threadid=19852&pagenumber=3


|3|

عزيزي LIMITED المعلومات اللي عندي جايبنها من كتلوج السيارتين
واسمحلي اذا كنت غلطان بخصوص 5 سرعات تراه رفعت مستوى اللاند
وحبيت الفت نظره الشباب بخصوص لون النيسان لوتلاحظون صح انه ابيض
بس... مب اي ابيض واذا كان اسود مب اي اسود ودمتم

وهذا أكيد لأنه هذا النظام كان في سيارة الهوندى أكورد في الماضي وكانت السيارة ما عليها كلام وأسأل أهل الأمارات عن الفتك معروفه وهذه أول مرة يكون هذا النظام موجود في سيارة ذات الدفع الرباعي وهي النيسان بترول

(( وشعار النيسان الجديد))

قـــــــــــــــوة أكبـــــــــــــــــــــــر
بصـــــــــــــرفيه أقـــــــــــــــل

لو أن كل الناس خذ بكلامك يعني صرفيه النيسان عن الGX-R قريبه منه يعني فرق 300 سيسي والVX-R فرق 100 سي سي يعني أن الVX-R صرفيته أقل للعلم أنه 8 سلندر

اخوي MR.DR

اسمحلي معلوماتك فيها غلط |2|
اول شي وهذا الناس كلها عارفته هو ان الاند الVX-R قوته 250 حصان
و الGX-R قوته 240 حصان

بعدين مين قلك ان الاند 4 سرعات دا كان زمان:D في عام 2003
نزلوا هذا الجير للاتوماتك 5 سرعات.


وبالنسبه للعرض والارتفاع
الاند عرضه 1940 يعني اعرض من الباترول
والارتفاع صح انه مرتفع اكثر بس هذا لانه اعرض ;)
اما الطول الباترول اطول |1|


وبالنسبه للصرفيه
كل سياره محدد صرفيتها
الاند 4.7 للVX-R و 4.5 للGX-R
الباترول 4.8
يعني الباترول اكثر صرفيه .


تحياتي|3|

الجديد ما ادري بس انا معي مديل 2000

اعبي تانكيين يمشيني 750 كم او اكثر شوي بسرعة 140

اخي العزيز amd...1987 كشكل السيارتين تمام
القوه النيسان 280 حصان بينما اللاند 225 وv8 اقوى 235 عساهم ماتكلفو 10

نيسان طوله عرضه ارتفاعه الوزن علب التروس
5060 1930 1855 2400 5 اوتوماتيك



اللاند 4770 1820 1875 2500 4 اوتوماتيك

نيسان اطول اعرض اقل ارتفاع اي انخفاض نقطه الثقل اخف مع 5 سرعات

ولا مع المكيف

والفرق بين النيسان بترول4800
والاند كروزر
من جميع النواحي
وخاصة الصرفيه
مع الدليل أخوي علشان يكون ردك مقنع أكثر

السلام عليكم ...... مع احترامي لجميع الردود بس في شباب معلوماتهم عليها غبار
ويعطونك رايهم في النيسان وهم حتى ماركبوه اخوي asdss15 صرفيه النسيان
لكل 100 كم 12.3 ليتر بينما اللاند كروزر 15.6 ليتر شوف الفرق
وسعر النيسان 141 فل ابشن جلد فتحه gprs زينون 4 ايرباج
تيبترونك تانكي احتياطي 40 ليتر سكان خشب بينما اللاندكروزر ب 143 وسيتاته عاديه مخمل شوف الفرق بس اعتقد ان اللاند سعره غالي بسبب السنسر لريوس
120 درهم بسوق نايف مع شاشه عرض مع التركيب
وبصراحه انا
الي عاجبني في اللاندكروزر ان الهندي والباكستاني والمصري وكل حد يركبه
|3| بس
النيسان مب ايحد يركبه النيسان له ناسه طال عمرك واذا بغيت ادق التفاصيل عن
السيارتين انا جاهز وبلخدمه

وفي واحد يقول أن صرفيهالنيسان4500أكثر من صرفيه4800
وفي واحد من شركة النيسان يقول أن صرفيه ال في أكس أر القديم مثل صرفيه النيسان الجديد بالضبط يعني قليله الصرفيه..............

انزين شباب ويش عن لاند كروزر 2003 هل يصرف بنزين 8 سلندر

كل الباترررررررررررول يصرف بنزين
بس اتوقع الجديد 4.8 كانه اوفر من اللى قبل

وسلامتكم

السفاري القديم والجديد يشرب شرب ملعون والدين والجديد العن من القديم من ناحية الشرب


ولكم مني جزيل الشكركركركركركر