e300 kit AMG , audi A6 , BMW 528

أنا أشوف إن BMW 528 هي الأروع بهذا السعر ....

ولاتنسى الصيانة المجانية ومتعة القيادة المميزة في سيارات BMW ....

الأودي على ماأعتقد إنها ستاندر بهذا السعر ....

في النهاية قرر واختار السيارة بناء على 3 أمور :

1/ الإستخارة .

2/ جرب الثلاث سيارات .

3/ اختر السيارة اللي ترتاح لها .

بالتوفيق .....

مرسيدس e300 و الله يعطيك خيرها و يكفيك شرها و يكفي انها مرسيدس ارقى شركة سيارات فالعالم

خد الي يريحك ولا يهمك الصيانة ما بتفرق

للمعلومية , الأودي A6 الاوسع بالخلف بهالفئة :)

المهم شخصياً انا افضل الـ A6 بهالفئة لأني اشوفها الافضل شكلاً كون شكلها مايل للرياضي اكثر , بالاضافة انها الأوسع خلفياً بهذه الفئة ومراتبها الأنعم لأني قد ركبت بالبي ام الفئة الخامسة ومراتبها قاسيّة قليلاً

انا اعرف ان الناغي يوفر ضمان خمس سنوات على سياراته البي ام ولا انا غلطان ؟ اذا كانت الفئة الخامسة عليها ضمان خمس سنوات مثل ما تعودنا فأنصحك فيها للضمان الي راح يريحك , اما اذا مافيه هالضمان الي خمس سنوات فأكيد انصحك بالأودي كونه 3 سنين ضمان وشكل مميز وخطير والأوسع بفئتها وسيارة فخمة بمعنى الكلمة ..


بالتوفيق ان شاء الله

والله يا غالي أنا قبل كنت بشتري وكنت محتار بين المرسيدس والـ BMW
كنت راح اشتري الـ BMW بـ 240 ألف ريال
وانت تقول إنها ألحين بـ 215 ألف
يعني شوف الفرق
>>ترى هالكلام قبل شهر ونص تقريبا يعني مو بعيد
نصيحة روح اركب الثنتين وبتشوف الفرق
ولا تنسى قيمة الصيانه للمرسيدس بكم..!!
نصيحة
خلك على الـ BMW أفضل لك أو الاودي
بالتوفيق للجميع

اخوي انت اختصرت علينا الموضوع
لما حطيت الاسعار والفئات ..

اللي يميز [COLOR="Blue"]الاي 6 انها جديده
لكن محرك 4 سلندر و اقل السيارات المذكورين مواصفات ..
لذلك راح استبعدها ..

نجي للفئة الخامسه 528
سعر بطل مره خصوصا وان هالسعر كان للفئه 523 اي العادي
يعني العرض مره ممتاز و ماينتفوت ابد
خصوصا مع الصيانه المجانيه لخمس سنوات او 100 الف ايهما يسبق اولا ..

بالنسبه للاي كلاس
السعر بطل اذا كان للفئة اي 300 مع ايه ام جي باكيج
لكن السؤال اللي في بالي
هل هي كاملة المواصفات .؟
يعني فيها الملاحه و الكاميرا الخلفيه .؟؟
لان بعض فئات الاي 300 تجي بدون ملاحه ..

انا لو خيرت و كنت بمكانك
كان اخترت الفئة الخامسه لعدة اسباب :
- سبق و جربت كلتا السيارتين و على فترات طويله
يعاب على الفئه اي ان مراتبها قاسيه و تالم مع طول فترة الجلوس
بينما في الفئة الخامسه كانت مقاعدها ( الاسيات الكومفرت وليست العاديه ) مريحه جدا
حتى مع فترات الجلوس الطويله ..

- كنت اعتقد ان قوة المحرك في الاي 300 اقوى لكن حسيت بتواضع نوعا ما و قياده كلاسيكيه بخلاف الفئة الخامسه

- نظام الكوماند عجبني و استخدامه رائع لكن نظام الاي درايف اسهل واسرع استجابه ..

- الحق يقال السيارتين تجهيزات السلامه فيهم بطله
يعني في المرسيدس نظام التنبيه في الستيرنق ويل ( اهتزاز المقود ) و اول ما تربط الحزام
بنشد بشكل بسيط ثم يرتخي وتنبيه النقطه العمياء مع الاصوات التحذيريه ولا تهون الفئة الخامسه..

- نظام الصوت في الاي كلاس ما عجبني رغم جودته لكن
نغمة الصوت في الفئة الخامسه احلى واجمل ..

-السيارتين اشوفهم ممتازين في استهلاك الوقود و بشكل رائع داخل و خارج المدينه ..


الخيار في النهايه راجع لك
و هي ساله ذوق ...[/COLOR]

بصراحه فوق ما أنت محتار حيرتنا معاك

الفئة الخامسة بصراحة كلمة رووعة قليلة في حقها ويكفيك ان شكلها قريب من شكل الفئة السابعة وبصراحه هاذي السيارة رقم واحد بالنسبة لي من بين هالسيارات الثلاث

والأودي A6 حلوة وروعة ويكفيك ان هذا اول موديل للشكل الجديد يعني توه ما انتشر في الشوارع وهالسيارة ما يعيبها شيء سواء من ناحية المواصفات أو الشكل
بس فيه نقطة لازم تنتبه لها قبل اللي هي الوكيل !!!!
اغلب الناس يشتكون من شركة سماكو وكيل اودي وعدم توفر قطع الغيار واسعار الصيانه المرتفعه وسوء الخدمة والتماطل مع العملاء

وبالنسبة لمرسيدس الفئة E300 أنا أشوف انك تخليها برااا القائمة وتحصر خياراتك بين الفئة الخامسة و أودي A6

وأنا أرشح لك الفئة الخامسة لأني من عشاق هذه السيارة
والخيار في الأول والأخير راجع لك

شف هالرابط فيه مقارنة بين هالسيارات الثلاث
http://www.assayyarat.com/forums/thread237096.html


بالتوفيق

يعطيك العافيه اخوي SUPERCHARGED عالرد السريع
الشى الي يميز البي ام الصيانه مجانيه يعني بارتاح بعد مااشتريها بس المرسيدس بتتفوق بالفخامه والسعه خاصه الي من الخلف

ياليت الي عنده خلفيه عن صيانه ال e كيف الخدمه والاسعاار ؟!