السلام عليكم و رحمه الله و بركاته
كل عام و أنتم بخير
أمس مريت وكيل الرينو و جربت السافران الجديد 2012 أخذت جوله بالسياره و حقيقه أعجبتني مشيها حلو و إنطلاقتها مثل الطلقه و فيها مميزات حلوه ، المكينه و القير من نيسان و التصميم فرنسي و التجميع كوري .
فيها مواصفات حلوه مثل سقف بانوراما و قير ستب ترونيك و مكيف رائع ، الوكيل الجديد هي شركه عمانيه و يبدو انه مجتهد لأنه يوفر قطع غيار 100% و يعطيك صيانه مجانيه لمده 3 سنوات أو 100000 كيلو بس عليك قطع الغيار يعني الفلاتر و الزيوت و إذا السياره بتجلس 72 ساعه يوفر لك سياره بديله و هناك شغله حلوه راح يوفرها بعد شهرين على حسب كلام الموظف و هو شراء السياره بعد الإستخدام يعني يثمن لك السياره بسعر أفضل من السوق إذا كنت راح تشتري جديد .
سعر السياره حلو جدا 97000 ريال يخصمون منها 5000 تخفيضات رمضان يعني تصير 92000 و قال لي لو جيت راح ننزل لك شوي يعني ممكن تصير 91000 لاحظو موديل 2012 ، بصراحه أشوف سعرها مقارنه بالمنافسين لسياره 6 سلندر ممتاز .
مشكلتها الدفع الأمامي لانه في المطبات راح تتأثر .
أرجو ممن استخدم السياره يعطينا انطباعه عنها
