اليوكون مقطوع من السوق وودي أشتري سياره ثانيه وأبي رايكم

نصيحه أرى أنها في محلها لكن اخوكم غير محظوظ لأني فعلا قررت آخذ دبل لكن للأسف خلص في الوكاله وعدوني بعد اسبوعين يالله عساها خيره خايف تكون نهايتها هايلوكس

هلا أخوي

لعلها خيره لك والاكسبدشن خيار جيد جدا
وانصحك تاخذ دبل حتى لو لاسمح الله علقت السيارة يكون الدبل خير عون لك وايضا لو احتجت بيع السياره الناس ترغب بالدبل

وموفق ان شاء الله

ما يلفظ من قول إلا لديه رقيب عتيد

طبعا السيكويا مستبعده لأنها ماتستاهل سعرها راح أتوكل على الله وآخذ الاكسبيدشن بس أتمنى إذا أحد مجرب الاكسبيدشن وعنده ملاحظات لايبخل علينا بنصحه

جزاك الله خير وكلامك عين العقل ولكن هناك مايدعو فعلا للحيره في بعض الأحيان وهذه طبيعة النفس البشريه ولاتنسى انك بتدفع دم قلبك في شراء سياره ومن اهم الاشياء المساعده هو معرفة آراء المجربين حتى لاتقع في مشاكل بعد الشراء وان شاء الله أستخير رب العالمين والله يكتب اللي فيه الخير وأسأل الله العون والتوفيق لي ولك ولمن يقرا كلامي هذا وشكرا

اولا: توكل على و استخر و حاول تستاجر او تجرب السياره اللي تبيها قبل ما تشتري

انصحك بالاكسبديشن سعره حلو و وكيله جيد

و السيكويا جيد لكن شكله سيء

بالتوفيق

اللي أعرفه إنه ماراح يكون فيه أي تغييرات جذريه في موديلات 2012 بس الأسعار راح ترتفع وبنفس المواصفات وهذا اللي يحفزك انك تشتري قبل نزول الموديل الجديد

الله يوفقك يالغالي لاكن اسمحلي احذرك من الحيرة الشديدة فهي قد تنافي الثقة بالله
والله شرع الاستخاره والدعاء فا ليش الحيرة ؟؟ ابدا تبي نصيحتي خذ الاراء لاكن
لاتقبلها كلها الاستشارة مطلوبة لاكن المبالغة فيها منبوذة حط لك فتره مثلا اسبوعين
استشير فيها واستخير وادعي ربك وأسأله الخيره والتوفيق وبعدها توكل على الله
وخل فاصل الامر الاستخاره ولا تطيل في الموضوع لأن البشر ضعاف
راحو ولا جو مايملكون لك مثقال ذرة اما الخيرة مايعرفها الا الله سبحانه وتعالى
فا احسن الظن بالله وتوكل عليه حق التوكل وتترك اراء الناس تشتتك
لانهم مختلفين ولاراح تطلع بنتيجه , واعذرني على الاطالة لاكن
رغبة بالفائدة لك , ولاتنساني من دعائك يالغالي

فورد عملي افضل من اليوكن وجوده كذلك , ليس تقليل من اليوكن

بس عشان اليوكن الناس تعودت عليه وعاجبها الوضع ماصارت تشوف غيره

يعيب الاكسبديشن شكله الخارجي بنظري

اما بالنسبه لموديلات 2011 صدقت , حتى واحد اعرفه يبي يطلع سييرا 2011 مالقى

وللمعلوميه 2012 ع الابواب وفيه تغيرات حلوه ..

كلامك منطقي وهذا اللي حسبت حسابه فرق السعر لأنه بكل صراحه مافيه ذيك الفوارق الواضحه لقيته بدون دبل 119 ألف وفيه إحتمال ينزلي السعر وماأخفيك مدى حيرتي بسبب تشتت الآراء وهذا الشي اللي أخرني أشتري الى الآن والله يكتب اللي فيه الخير أشكرك اخي على مشورتك وأنتظر آراء الأعضاء النيره

والله يالغالي استخير وتوكل , والاكسبديشن افضل من اليوكن
اذا ماقارنت من جميع الجهات وخصوصا السعر والوكيل
يعني بالله الفرق بين اليوكن والاكسبديشن يستاهل بين
30,000 الى 40,000 الف ريال !!! ابدا يا اخي والله لو الواحد
فكر بمنطقية وعقلانية راح يلاحض ان الوكلاء استغلو حب الناس
لليوكن والتاهو ورفعو اسعارها بدون وجه حق ولاحتى بمنطقية
يعني من 2007 وهو في ارتفاع متواصل وغير طبيعي

انصحك استخير وتوكل على ربك وانا اخوك وانا من رأي
انها خيره لك انك مالقيت اليوكن ((وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...))
وقبل فتره كان عليه عرض دبل 117 الف وعادي 109 الاف
طبعا خلص العرض من زمان ورجعت الاسعار لاكن حط في بالك السعر الي يعطيك
اياه المندوب تقدر تنزله الى اقصى حد عاد انت وشطارتك معه

بالنسبه للسيكويا طبعا اختلاف في وجهات النظر بالنسبة للشكل
لاكن مايخلو موتر من مميزات وعيوب وكل موتر له مايتميز فيه
عن الثاني يعني مثلا السيكويا يعيبه السعر وصرفة البنزين في المقابل
ما يجاريه اي من المنافسين سواء بالمساحة الداخلية ولا بقوة المكينة
اما المساحة الداخلية الفرق واضح وشاسع وكبير جدا بينها وبين المنافسين
لصالح السيكويا مافي اي موتر يتقارن فيها بالمساحة الداخلية
يعني كل الركاب ياخذون راحتهم بزيادة حتى الصف الثالث لو انهم عملاقة حتى :bigggrin:
اهم شيء الاستخاره والدعاء وبالتوفيق ان شاء الله