تقريري الأول ( 1 ) عن الرائعة إنفنتي M37 الفاخرة .. ( مدة شهرين و 7000 كيلو متر )

اخوي ،
انا ما اختلف معك ان اختراع انفنينتي ليس جديد

لكن اللي مستغرب منه هو ان يكون السبق لهوندا ، لاني اتوقعه لغيرها من الشركات الالمانية
لاني اذكر سيارة فرنسية ذات دفع رباعي كانت تتميز بالتحكم بالصوت حسب الازعاج الخارجي وهذا كان في بداية عام 2000 ان ما خاب ظني

تحياتي

مـاشاء الله تبارك الله

الله يهنيـك فيهـآ أن شاء الله , :)

ماشاء الله تبارك الله , روعة و تعجبني أنا شخصيـاً . :)

مشاء الله
الفئة اللكجري في غيرها فئات

وعليكم السلام ورحمة الله وبركاته ,,

ماشاء الله تبارك الله...احسنت الاختيار :xyxthumbs:

سيارة رائعة بكل ماتعنيه الكلمة من معنى ولخبطت اوراق المنافسين

وشكرا لك على سردك لتجربتك والتصوير ماشاء الله جدا جميل

بس عندي استفسار صغير....كيف اسعار القطع....اذكر ان انفنتي اسعار قطعها مقارنة بالماركات الفخمة يعتبر ممتاز ورخيص لكن ما ادري عن الام ايش وضعها

وشكرا لك مرة اخرى ^^"



مدري كيف حكمت بالعزل

والانفنتي ارخص من منافسيها الالمان

لان انفنتي فيها مواصفات عالية في جميع الفئات اما الالماني للاسف تاخذ سيارة فوق ال200 وخالية تماما من التقنيات

وعشان تحصل على كامل المواصفات يبغالك اكثر من 320 الف !!

مع العلم ان سعر الانفنتي ام56 سبورت حول 250 الف

ومكينتها اقوى من الالمانيين وفيها قنيات غير موجودة عندهم ومواد الداخلية مميزة وجودتها افضل من مواد الفئة الخامسة (ماجربت غيرها من الالماني في هذي الفئة)

واصلا كل سيارات انفنتي ارخص من منافسيها الالمان

ليس بنفس الفعالية .. والدليل ان فرق العزل شاسع جداً ..

خليتني انبسسط ان معايا هوندا :smilie16:

السلام عليكم ،

للتصحيح ، الهوندا ليجيند هي أول من أستخدم الـActive Noise Cancellation في سيارتها سنة 2005 ،وهي أيضاً موجودة في الهوندا أكورد V6 من سنة 2008.

:smile:

ماشاء الله ..



وانا اقول ان السيارات الالمانيه لاتقارن باليابانية من حيث الاعتماديه .. صح صناعه المانيه لكن ماتنفع بشوارعنا ابد .. الياباني والامريكي الافضل لديارنا .،


واللي يقول بي ام او مرسيدس e .. يروح يركبها ويشوف الاكتئاب .. كلها بلاستيك ومافيها تخشيبه .. وسعر مبالغ فيه كثير ،



واهنيك على اختيارك ام ٣٧ .. ماشاء الله ،



..

صحيح كلامك .. هالتقنية معجبتني بقوة .. لكن مع وضعية السبورت تتعطل تلقائي عشان تسمع صوت المحرك ويعطيك احساس رياضي اكثر ... تكلمت عن هالنقطة بأحد التعليقات ..

لكن ترى لما تستلم السيارة جديدة وفيها الاكياس على السماعات بيطلع الصوت مزعج شوي على الاكياس لانها تهز .. كثيرين بيحسبون انه عيب في السيارة لكن اطمنكم شيل الاكياس عن السماعات وبيروح الصوت لان الموجات تهز الاكياس ..

الله يبارك في عمرك حبيبي ...

بصراحة الشعور خطير .. تحس بالتميز ..

لا الاختلاف جذري .. أقل فئة في الM تصير أكثر مواصفات من الفل اوبشين الG ..

الM أوسع من الداخل و أفخم بكثير , وطبعاً أريح في المراتب من الجي ... ومميزات كثيرة غير متوفرة في الجي مثل تبديل وضعية القيادة من سبورت إلى عادي إلى اقتصادي إلى قيادة ثلج وامطار ..



السيارة طبعاً رياضية فمع المطبات تحس فيها أكيد لكن بشكل رائع ماهي مزعجة ولا تتضايق من الحفر لان السيارة مريحة ... لكن لابد من تغيير الكفرات لانها تجي بكفرات دنلوب والكفر قاسي شوي بعد التغيير الى كفرات ميشلان MXM4 وهي الكفرات الاساسية لها في امريكا واوروبا بتحس بفرق كبير جداً جداً واداء يفوق الخيال ..

اتوقع تتكلم عن الموديل القديم ... البلوتوث رهيب جداً لا مشاكل ولا اي شي .. ذكي لدرجة انه يتعرف على الجوال تلقائياً حتى لو غيرت اسمك و رقم السري للبلوتوث راح يشبك تلقائي مع الجوال ... ايضاً يتعرف على اكثر من جوال بنفس الوقت فانا كل مااركب يتعرف على جوالي البلاك بيري للمكالمات والجالاكسي تاب انا استخدمه للنت فايضاً يتعرف عليه وبامكانك مشاهدة الصور الموجودة بالجوال او سماع الصوتيات عن طريق البلوتوث ..

الملاحظه ايضاً ممتازة جداً وفيها مميزات حلوة ورهيبه لأول مرة اشوفها في أي نظام ملاحة من السيارات اللي جربتها قبل مثل ( البي ام 5 ) أو ( اللكزس جي اس ) .. الشاشة تعمل باللمس لكن الازرار الامامية القريبه منك تغنيك عن لمس الشاشة وتقدر تتحكم بكل شي بدون لمس الشاشة اثناء القيادة .. حركة ذكية من انفنتي ..

السيارة الفل اوبشين تقارن بسيارتين حتى الان :
بي ام دبليو 535i
مرسيدس E550

مااتكلم عن القوة او المحرك اتكلم عن المواصفات .. رادار , نظام نقطة عمياء , مراقبة خط السير , منع الانحراف عن خط السير , نظام تثبيت السرعة التفاعلي حسب الطريق والسيارات امامك , نظام الفرملة الآلي لمنع الاصدام , تبريد وتسخين المراتب ..

الميزة الغير متوفرة في السيارات المنافسة هو نظام التهوية الفورست اير .. هذا النظام لما تفعله يقوم بتصفية الهواء داخل السيارة ويعطيك رائحة غابات وسنوبر .. حركة خطيرة جداً ومن اكثر المميزات اللي عاجبتني ..

ايضاً نظام التحكم في الخلف بالتكييف والصوت مع امكانية اغلاقه من الامام عند السائق وحركة التخشيبة الموجودة على التكايه الخلفية جمب الازرار تذكرني بالبنتلي ..

تحياتي

السلام عليكم ,,
مبروك عليك السيارة يا خوي .. الله يعطيك من خيرها و يكفيك شرها و يبارك لك فيها ..

اشلون السيارة مع المطبات .. هل هي مريحة ؟! تمتص حفر الشارع الصغيره ؟؟
المراتب مريحة ؟

السيارة قرأت من مستخدمينها انا البلوتوث و الملاحة فيه مشاكل و خرابات ,, اشرايك فيه ؟

و السيارة باي سيارة تقارنه ؟

و شكرااا على التقرير :)

ماشاء الله مواصفات توب الله يهنيك فيها... بس حبيت اسالك عن فئة g37 الفل فيها تجي زي m37 والا تختلف اذا لك خلفيه عنها..

الصرفية ممتازة بالنسبة لي خصوصاً في وضعية ECO ..

اللون الاجمل على السيارة باعتقادي السلفر إذا بتاخذ السبورت او الاسود ..

الفئة اللكجري الابيض جميل عليها ومعطيها اسلوب الفخامة اكثر من السلفر والاسود .. فحسب اختيارك للفئة شوف الالوان ..

اما بالنسبة اني ندمت فطبعاً لا الحمد لله ... صحيح ان تعامل الوكيل سيء لكن السيارة تستاهل ..

امين يارب وتسلم يالغالي

بالنسبة للتسارع رائع جداً وسلس ... بالتغيير الى وضعية ( سبورت ) التعشيق مختلف تماماً صوت المحرك خطير جداً .. بالتغيير الى وضعية ( snow ) التعشيق ناعم جداً والتبديل سريع ...

لما استلمت السيارة جديدة كانت على الوضع ( snow ) وخليتها لفترة اعتقد عشان التمرين ..

الوضعية ( eco ) ممتازة جداً التعشيق مناسب للافضل صرفية للبانزين وايضاً دواسة البانزين توقف في مرحلة معينة حتى تضمن عدم صرفية عالية ..

اقصى سرعة وصلت لها 170 تقريباً .. الثبات ممتاز صوت الهواء ضعيف لاحظت ان السماعات تصدر صوت مع الاكياس اللي على الابواب ( اكياس الوكالة ) عشان تعزل الصوت الخارجي وهي حركة ذكية جداً وخصوصا صوت المحرك ..

اخوي هل ندمت و لو بالشي البسيط انك خذتها

و كيف صرفيه البترول لها


و بالنسبه للون

هل الابيض افضل ام في لون ثاني ؟؟؟؟؟؟

.
.
.
الله يعطيك من خيرها ويكفيك شرها

ومركوب الهناء والعافية

هل جربت تسارعها بشكل فعلي وما هو اقصى سرعة وصلت لها؟

ما هو انطباعك عن فخامتها وخامات موادها ، وصوت الهواء في السرعات العالية وطريقة تبديلات القير مع السرعات المنخفضة وايضا العالية << اذا كنت تحب السرعة؟؟

للمعلومية :
اللكزس جي اس 300 لاتقارن معها وبما انه لايوجد 350 فانه من االافضل ان تاخذ 460؟

تحياتي