رايك يهمني فلا تبخل به ( في التاهو والاكسبديشن )

انا من الناس الي معاهم تاهو 2007
من ناحية القوه انا مقاوم مع الاكشبديش صارحه شخمط عليه
من ناحية التحمل وين تابي يوديك ويتحمل سفر متواصل لاكثر من 18 ساعة دون توقف
من ناحية الاسعار طبعاً افضل وذلك بسبب عدد الوكلاء بيتنافسو على الاسعار
من ناحية الاكسسورات متوفره في كل مكان وبسعار جداً معقوله يعني إن كان معاك LS من السهل جداً انك تخليه LTZ او حتى Z71
من ناحية الاصوات الدخليه ممكن تخفيف هواء الكفرات الى 28 وهذا استخدام داخل المدينه اما على السفر فأقل شي 32
وهذا من واقع تجربه مو احد قالي

الله يحفظك ويسلمك , انا عن نفسي ماجربت الاكسبيدشين عشان اقدر افيدك فيه , انا جربت السوبربان ومشاكله جننتنا بشكل ماتتوقعها .

بخصوص مشاكل اليوكن والتاهو , ربي يسلمك ياليت لو نترك التطبيل عليها

صحيح هي سيارات فخمة ورايقة وتصاميمها جميلة ورائعة ومغرية , لكن للاسف جودتها متدنية بشكل لا يمكن القبول به , والناس اللي قاعده تشتري هاليوكن والتاهو كلهم اغرموا بتصاميمه الرائعة والاكثرية منهم والغالبية منهم اول مرة يشتروا هالنوعية من السيارات .

فللاسف الكثير منهم صدموا في مشاكل السيارة التي لم يكونوا يتوقعونها

بالمناسبة

كم سيارة كورولا انباعت في العالم ؟ وخاصة لو نتكلم عن سوقنا السعودي؟ وكم عدد الشكاوي منها ؟؟؟ , ليش مانجد مشاكل كثيرة منها مثلها مثل التاهو واليوكن ؟؟؟
لاتقولي عشان هذي فيها تقنية كثيرة , اذا انت مو قد هالتقنية , لا تستخدمها يا جنرال موتورز

واذا تبغى سيارة الكترونياتها كثيرة عشان ماتزعل
كم سيارة لكزس تباع في العالم وفي سوقنا؟؟؟ كم عدد الشكاوي منها ؟؟

ادخل على ورشة المنتدى وجب لي مواضيع يشتكي فيها اصحابها من معاناتهم ومشاكلهم مع سيارات لكزس....

بالله ياعالم , سيارة جديدة وهذي مشاكلها ؟

تقطيع في الكهربة - تقطيع في ضغط المحرك - مكيف عطلان والسيارة توها جديدة - الدبل عطلان ويشتغل لوحده- العدادات عطلانة - ارتفاع ضغط زيت القيربوكس - ارتفاع حرارة القيربوكس - انخفاض وارتفاع ضغط المحرك بصورة متكررة - عدم استجابة القيربوكس بطريقة طبيعية - عداد البطارية غير موزون - مثبت السرعة يفصل بعد خمس دقايق - عطل نظام التراكشين كنترول - اصوات قرابيع اسفل السيارة - طقطقة في المحرك - طرمبة البنزين - رجة في السياراة وهي تمشي - لازم تطفي المكيف وانت طالع لطلعات قوية مثل الهدا والعقاب -

هذا صاحب الموضوع يريد حلا , وانت تقول استفسار؟؟؟
http://www.assayyarat.com/forums/thread248786.html

وهذا يقول عنده مشكلة , وانت تقول استفسار
http://www.assayyarat.com/forums/thread248818.html

وهذا عنده رعشة في السيارة وموديلها 2011 , والزميل قاله تحتاح تصفسية مكينة , اي مكينة تحتاج تصفية وهي توها جديدة , اجل بعد شهرين وش بيصير؟؟؟
http://www.assayyarat.com/forums/thread238923.html


وهذا يقول عداد البنزين عطلان , والاخ الفني رد عليه بانه ممكن يكون العطل من الحساس , وانت تقول استفسار عادي ؟؟
http://www.assayyarat.com/forums/thread248488.html

وهذا ايضاً عنده صوت طقطقة داخل المحرك , وان كنت اضن انا انها من التكايات او حسب ماافادوه الاعضاء , وانت تقول انها استفسار عادي ؟؟؟
http://www.assayyarat.com/forums/thread247853.html

وهذا ايضا يقول انه وضب الدبل وبعدين طلعت له رسالة انه يجب اصلاحه وانت تقول استفسار عادي ؟؟؟
http://www.assayyarat.com/forums/thread248151.html

هذا موديل 2008 ويحتاج وجه كارتير الزيت , اجل بعد خمس سنوات وش بيصير؟؟
http://www.assayyarat.com/forums/thread247719.html

وهذا موديل 2007 وعنده مشكلة , اعتقد انها من السلف , لكن سبحان الله , استفسار عادي
http://www.assayyarat.com/forums/thread247944.html

وهذا سيارته جديدة وعنده تهريب زيت , سبحان الله استفسار برئ
http://www.assayyarat.com/forums/thread247854.html

وهذا سيارته موديلها 2011 ويقول ان فيها تفتفة , والنظام يعطيه رسالة بان نظام التماسك عطلان , واسم الموضوع ((تاهووووووو يهبل بك)) وتقوا انه استفسار عادي؟؟؟
http://www.assayyarat.com/forums/thread247119.html

واتفضل كمان هذا الموضوع
السيارة ماشية خمسه الاف كيلو فقط

http://www.assayyarat.com/forums/thread249529.html

وباقي تقول دفتر عايلة .؟؟؟ ربي يحفظك ويوفقك بلاشي تطبيل على السيارة

اي دفتر عايلة الله يوفقك , اذا كان صاحب هالموضوع التالي يشتكي من السيارة وهي ماشية ألف كيلو بسسس؟؟؟

http://www.assayyarat.com/forums/thread248707.html

الصراحه الفورد افضل من الشفر بس الكلام هذا قبل 10سنوات
من واقع تجربه كان معي كابرس سعودي موديل 93 مابقى شيء في السياره الا خرب وأكثرالأعطال متكرره والله مابقى ألا الشاص أغيره .
تجربتي مع الفورد لمدة 10سنوات ماركيز موديل 97 الصراحه مافكيته غلير بموتر جديد تعطل مره وحده فقط طرمبة البنزين . ولا كن كانت الشركه تعتمد على القطع الاصليه الين بدأت في 3سنوات الاخيره الاعتماد على القطع المجدده من موتوكرافت إلى موديلات 2009 وطبعا نفس ألي سوته جي أم قبل 8سنوات .

الفورد الاكسبدشن كان خياري الأول ولاكن سبب عدم شرائي له هو الصيانه لا أقصد الوكاله عند أي مكنيكي أساله يقولك خذ الجمس ولا تاخذ أكسبديشن وهو لسهولة صيانته خصوصا بعد ما ينتهي ضمان المصنع 100ألف كيلو أكيد حصلحه في ورشه عند أطرف واحد .
الجوده الفورد أفضل بس قطع الغيار أغلى .
وغير كذا واحد من الزملاء أخذ أكسبديشن لسبب واحد أن الموظف قاله صيانة التاهو ل40ألف كيلو ب5000ريال وطبعا أنا دخلت تاهو واحد من الأقارب صيانة الجميح ب5ملاحظات كلف 3250ريال . طبعا الملاحظات كالتالي :
1- مقعدة السائق أحد الأوضاع لاتعمل .
2- دخول الغبار داخل الدرج من هواية المكيف
3- صوت طقه في بودي السياره من الأسفل ( تم تغير 4جلد بودي)
4- فراغ في قفل الكبوت .
5- تقطيع بسيط والRPM ماهو ثابت .
تم تصليح جميع هذه الأعطال البسيطه مع صيانة 40ألف وهي تشمل الفرامل خلفي وأمامي .

العيوب في التاهو في نظري .
طبعا الكل يقول يتفكك وجودة البلاستيك الداخلي طبعا حتى الفورد جودة البلاستيك سيء
طبعا في سيارة أخوي شفتها 2008ماركيز
العيب هو جودة الطلاء لازم تلقى عيوب بين الأبواب وفي الأطراف خصوصا الكبوت . وسماكت الطلاء أتوقع ممكن يتلمع 5مرات وتنتهي بويته
إذا تبي تحط الموتر في دفتر العائله أنصحك باليوكن أوالشفر

طبعا قبل لا آخذ سيارتي جربت سيارة قريبي وهوماشي 20ألف كيلو 2010 أقتنعت فيه.
هذا رأي شخصي وأتمنى لك التوفيق

ماشاء الله عليك يا عزيزي كل هالروابط لتاهو اليوكن
والمشكلة انها اكثرها استفسار فقط وليست مشاكل بمعنى مشاكل هذا اولا
ثانيا التاهو واليوكن عددها في المملكه يفوق عدد الاكسبديشن 6 او 7 اضعاف فطبيعي يصير عدد اللي يشتكون في المنتدى كثير

واعطيك مثال بسيط
يعني اذا كان عدد اليوكن والتاهو في المملكه 70,000سياره و 2% عندهم مشكلة بيصير عددهم = 1400 سيارة
واذا كان عدد الاكسبديشن في المملكه 10,000 سيارة و2% عندهم مشكلة بيصير عددهم = 200 سيارة
يعني بيصير عدد المواضيع بالمنتدى اللي يشتكون من خربات باليوكن او التاهو 7 اضعاف اللي يشتكون من خربات بالاكسبدشن

والله يعطيك العافية على اجتهادك ولكن انت ما اضفت ولا موضوع عن اي شكوى بالاكسبديشن حتى يكون كلامك فيه شوي عدل

صوتي يروح حق الاكسبدشن بحكم اني جربة السيارتين والفورد افضل بي مراااااحل

تعرف الفرق ، بين الكراون فيكتوريا و القراند ماركيز ؟
اذا عرفت الفرق اللي بينهم . بتعرف الفرق اللي بين اليوكن و التاهو .
و انصحك تجرب عشان تعرف الفرق

كلام :xyxthumbs:

عيب الاكسبدشين الوحيد شكله مو شباب

طيب الحين اليوكن والتاهة نفس كل شي ومع ذلك التاهو الاول ليه فيه فرق وانا مدري

يعطيكم الله الف عافية
ولا زلت انتظر المزيد من الاراء والتجارب حتى تتضح الصورة بشكل افضل لي ولغيري من من عندة نية الشراء وشكرا لكم 0

بالنسبة لأبو 1000 كيلو ، فيه شي اسمه ضمان الوكيل .
و اي مشكلة تقنية تتصلح من ورى خشومهم ، او يشتكيهم على ادارتهم بدبي [ عن طريق الايميل و ياخذ حقه كامل و يتحاسب الشخص المسئول ] الوكلاء حق جنرال موترز مهم ماخذين صلاحيات كامله فـ التصرف بالسيارات و التلاعب بعقود الضمان .
فتحت معضم المواضيع [ ما عندي وقت امر عليها كلها ] و ماحب اكل فصفص :(
أغلبها [ وسسسوسه ] .
جربت شفرولية سوبربان 98 [ استخدام امريكي ] ، و جربت جمس سوبر بان 2006 وكاله . و جربت يوكن 2009 وكالة .
الـ 98 ماقد غيرت فيه غير مساعدات مرهـ وحدهـ و فحمات مرتين و قعد معي 4 سنوات [ و وقتها كنت مراهق ] يعني سواقتي لك عليها .
الـ 2006 بعته بـ 2009 غيرت فحماته مرهـ وحدهـ ، و صار عطل فـ حساس [ سوء استخدام المشكله ] . و شمله الضمان و صلحوهـ على حسابهم .
الـ 2009 باقي موجود لحد الان ، غيرت فحمات [ بسسسسس ] بعد سنه و نص استخدام .
[ لا تفتش فـ المواضيع و تدور العيوب ] و تنسى الحسنات .

تدري لو طلع اي خطأ مصنعي او عيب و اكتشف بعد البيع . ان الشركة ملزمة تتصل بكل عميل ، و تبلغه يراجعهم لتصحيح الخطأ . و من 2003 لحد الان . العيوب اللي باليوكن و التاهو . كلها برمجيه . تقنيه لحد الان لم تسجل اي خطأ يـُذكر .

عطني اسم شركة يابانيه ، او كوريه ، تتصل بعملائها ، اذا حصل اي خطأ [ ما نقول برمجي لأن اخطآئهم البرمجيه لا تعد و لا تـُحصى ] نقول تقنيه . < و لا سيارة موديل 2010 [ بدون ذكر ماركات ] تصدم فيها و انت تمشي فوق الـ 160 و السيارة تروح تشليح [ الايرباق ما ينفتح ؟ ] ؟ تدري مشكلة زي هذي اقدر اغرم الشركه عليها بالملايين .
لكن وين و وين عشان تقدر تتصل بالشركة الام . لآزم تسافر لليابان او كوريا ، و توكل محامي ، و ترفع قضيه ، و خذلك .!؟؟؟؟

اذا تبي استفسارات اكثر ، فيه حاجتين عن الضمان لازم تسأل عنها .
1- عقد الصيانه : و هذا يشمل صيانة السيارة [ و ضمان العمل ] و اي خطأ يحصل من موضف الصيانه يترتب عليه ، تصليح الخطأ الحاصل ، و تحسب قيمة الصيانه بالمجان [ قطع الغيار + شغل اليد ] .
2- عقد الضمان : و هذا يشمل [ جميع القطع الغير الاستهلاكية ] بإستثناء الاكسسوارات و الاعطال الناجمه عن سوء الاستخدام . [ يعني مو تروح تبرمج على كيفك ] و ترجع للوكاله تقول السيارة فيها و فيها .
طبعاً عقد الضمان يمتد الى فترات طويلة [ تختلف من شركة الى اخرى ] و على حسب المتفق عليه مع الزبون .

نجي الحين للتاهو ، [ انا مابي اكثر روابط و اقولك كل فصفص و لا كل فشار ] انا بعطيك رابط واحد . و اللي هو تقييم لسيارات عام 2011 . و اخذ فيه التاهو المركز الاول على جميع سيارات Affordable Large SUVs اللي هي سيارات الدفع الرباعي الكبيرة [ معقولة السعر ] .
و هذا الرابط : http://usnews.rankingsandreviews.com/cars-trucks/rankings/Affordable-Large-SUVs/

بالنسبة للإكسبديشن :
بشطح بكم شوي [ معليش ]
الرنج روفر من 2009 تقريباً . وش مكينته ؟
اقولكم ، مكينة + قير < نفسها حق الفورد الاكسبديشن .
ما اقولكم ، انه يشبه مكينة الاكسبديشن . لا لا . شركة فورد هي اللي مصنعتها .

بالنسبة لتقييم السيارة :
هي السيارة الاولى لعام 2011 على سيارات Off-Road SUVs اللي هي بإختصار [ سيارات البررررر بجميع انواعه ] سواءً جبال . سواءً وديان . سواءً نفود . فـ هي الاولى بلا مـُنازع .
و هذا هو الرابط : http://usnews.rankingsandreviews.com/cars-trucks/rankings/Off-Road-SUVs/

ولو تبغى مواضيع اكثر واكثر عن مشاكل هالخرد

خذ هالروابط واستمتع فيها , طبعا لا تنسى تجيب معاك فصفص وشاي

هالروابط من قسم ورشة المنتدى , فيها فضائح عجيبة عن هالسكراب

وابشر كل واحد يبغى ( يستهبل - يتطنز ) تراني ما تكلفت في نسخها هنا






















[/CENTER]
وابشرك ترى هالمواضيع حقت كم اسبوع فقط , يعني لو تسوي بحث حق 6 اشهر او سنة بتلاقي بلاوي زرقااااااااااااااا...

نصيحة مني ابعد عن هالخرد وخاصة التاهو ...

شوف هالموضوع موجود في القسم هاليومين , صاحبه عنده تاهو 2011 توه جديد ماشي الف كيلو بس ويشتكي منه .

http://www.assayyarat.com/forums/thread248707.html


وش رايك؟

تاهو طبعا و يحبذ لو يكون LTZ

التاهو

انشط من الا كسبدشن بحكم الوزن , وكلائه الاربعه كل واحد يقول الشين عندي عن تجربه شخصيه

السياحي من التاهو يجي مقابض الباب سوداء بدون لمبات ضباب بدون حساسات

مميزات الاكسبدشن اوسع من الداخل خصوصا المسافه بين الاقدام والمراتب الاماميه

ارسى وافضل عزل الصوت على الخطوط الطويله وكيل فورد افضل و بمراحل من وكلاء جي ام الاربعه

اهم ميزه افتقدها في سيارتي الجمس والتي احسد اصحاب الفوردات عليها

هي ان بامكانهم ان يقوموا بسفط جميع المراتب كهربائيا للتمكن من تحميل امتعه كبيره

جوده الديكور للفورد افضل , الجمس دخلته الرمل تفكك , صارت المراتب والديكور يهز مع المطبات

سعر البيع نفسه للسيارتين

خياري لك الاكسبدشن وتوكل على ربك

كفى ووفى ابو ديالا ,, التاهو اعتماديته عاليه
ولكن يعيبه اصوات الديكور المزعجه

الاكسبديشن مالي علم فيه ,, تاكد من سلبياته
بس من ناحية التصميم داخلي وخارجي اشوف ان التاهو احلى بكثييير ومناسب لكل الاعمار عكس الاكسبديشن