رينو فلوانس وشرايكم؟

ماعندي معلومات الاسعار بس اللي اقدر اقولوا انها سيارره جدا رائعه وفيها رحابه ماتتقارن مع مثيلاتها والحلو فيها قيرها السي في تي لتوفير استهلاك الوقود والسياره جدا رائع وسعرها مغري جدا 45 الف استاندر مره سعر مغرررررري ويمكن عليها عروض اللحين

شكرا لكم

’’’’’’’’’’’’’’’’’’’

الله يعطيك العافية اخوي وان شاء الله خير يا رب

اخوي انا بمر ان شاء الله اطلع سيارة على شركة اليسر اقساط راح امر الوكاله بكره واردلك عن السعر الستاندر لاني بشتريها

المعذرة من صاحب الموضوع
أنا هم فكرت بسيارة واشوف ان سعرها رخيص (ستاندر )
بس ابقى انطباعاتكم عن السيارة وكيفها معكم
ياريت الانطباعات كاملة
وياريت مواصفات الفئه الاستاندر شنو
والفئه الاستاندر إلي بـ (45500) ابغى مواصفاتها
وشنو الفرق بينها وبين الفئه الاعلى على الاقل قولوا لي السعر للفئه الاعلى من الاستاندر
شكرا مقدما
وياريت يسمحلي صاحب الموضوع

معلومه حببت اضيفها
اسعار السيارة يوم اشتريها كانت
اقل فئه 4800 دينار بحريني (قير عادي)
اقل فئه 5000 دينار بحريني (قير اوتماتيك)

فئه الوسط 5500 دينار بحريني (فقط اوتماتيك)

اعلى فئه 6000 دينار بحريني (فقط اوتماتيك)

انا سيارتي من فئه الوسط و طلعتها بـ 5300 دينار بعد ما كاسرت معاهم في السعر


** الاسعار صار ليهم اكثر من سنه .... يمكن تغيرو الحين
فممكن تروح الوكاله وتشوف الاسعار .... او يفيدك احد الاخوان هنا

اخي انا امتلك السيارة
و السيارة ممتازه الى الان و لا يوجد فيها اي مشكله على الاطلاق
بس انا راح انصحك فيها اذا كنت تحب السياقه الهادئه "يعني ما يهمك التسارع" على اساس انك ما راح تدخل فيها سباق:tongue:
السيارة بطبيعه الحال فيها شيئ عجيب و هي اريح سيارة في فئتها "حسب تجربتي للمنافسين" و تمتلك افضل عزل وثباتها رائع ايضاً
المكيف بارد جداً وممتاز للحراره في بلدان مثل الخليج
و يجي فيها اوبشن نطام صوتي BOSE ممتاز و السيارة عموماً فيها اوبشن كثيره
السيارة ميكانيكياً لم اشكو منها وانا مشيت بها اكثر من 60 الف كيلو متر في 8 اشهر فقط
بس مو معناها انك ما تهتم في السيارة .... لا الصيانه مهمه جداً "حالها حال اي سياره ثانيه"

بختصار السيارة ممتازه .....
وبلتوفيق

بالعكس انا اشوفها منتشره بكثيره ,

انا مشكلتي ميزانيتي ماتنفع الا اشتري هيونداي او رينو
صح ان هيونداي متطوره واشكال سياراتهم جميله لكن
جربتها فتره ما احس عندهم الرساوه والعزل العالي
وسمعت ان رينو رساوته وعزلها كويس

فلونس
السيارة من ناحية السعر مقبول

من ناحية القوة المحرك وناقل الحركة مثلها مثل الصني

بنسبة لقطع الغيار و الصيانة ف القطع متوفر في اكثر من مكان في المملكة

الهونداي و الكيا كان فكرنا فيهم مثل الرينو

Khairy Salah Moussa
Sales Executive
Gulf Advantage Automobiles LLC
P.O. Box 154571, Riyadh 112, KSA
GSM: +966 0544299422
E-mail: [email][email protected][/email]

هذه تفاصيل الاستاذ خيري صالح ارسل استفساراتك عالايميل او كلمه هاتفيا وبيعطيك التفاصيل

***

رينو مثلها مثل سوبارو وبيجو سيارات غير منتشرة وبالتالي بعد الشراء انت مرتهن عند الوكالة في الصيانة وقطع الغيار والوكالة فقط موجودة بالمدن الكبرى ...

انا كنت عندهم قبل اسبوع واعجبت بالكروس اوفر الصغير كليوس , مواصفاته قوية مقارنة بسعره وقلت امرهم بعد الحج اشوف كيف الاوضاع

لكن بالنهاية السيارات الغير منتشرة تظل مغامرة

وبالتوفيق