مازيراتي كواتربورت .. على وشك شراء السياره بس ممكن احد يفيدني بصيانة السياره؟

يا حبيبي انت و الله ..

أجل جاي هنا تسأل عن صيانة السيارة !!!

شايف أغلب الأعضاء معهم فيراري و بوغاتي او لامبورغيني؟؟؟!!!!!

تذكرني باللي فاتح موضوع و يسأل :
شباب انا عندي 200 مليون كيف استثمرها ..؟؟؟
تكفون انصحوني لأني جداً متحير و خايف ... و ما أدري وش باقي الهرجه.

اشكركم جميعا وجزاكم الله خير , صراحه كثير مانصحوني والحمد لله اشتريت بورش كاريرا .. مشكورين

طيب خذلك بورش بانيميرا احلى و اكشخ و بورش افضل شركة المانيه !!

و يكفيك انها مميزه انت بس روح وكالة ساماكو حقت بورش و اركب السياره و شوفها من قدام .. و صدقني بتاخذها .. و افضل فئة فخمه هي 4S دفع رباعي و كل شئ .. و سعر موديل 2011 هو 492 الف ريال .. و تقدر تاخذها تفصيل و اضافات و تطلع معاك بالكثير 570 الف ريال و سيارة زي العسل و كل شئ فيها .. و بووووورش و اترك عنك الايطالي و خراباته و الالماني افضل من جميع النواحي .. و هذي بعض الممميزات اللي فيها :

الرؤية الليليه
النقطه العمياء
الرادار الامامي + المسافة الآمنه
كاميرا خلفيه
حساسات اماميه
حساسات خلفيه
كمبيوتر كااااامل في الطبلون
رادار لاقط لسرعة الطريق و يعرضها لك على الطبلون
بي زينون ( زينون مشع غير مؤذي للجهه المقابله من السيارات او المشاه ) << هذا رؤؤعه
اقزوز سستم ( التحكم بصوت القزوز من داخل السياره )
نظام بوز سستم العالمي ( من اشهر الانظمة الصوتيه ان لم يكن اشهرها )
تسارع خرافي لسياره سيدان ثقيله و فخمه ( من 0 - 100 في 5 ثواني فقط ) !!
رساوة غير متناهيه
انوار LED اماميه و خلفيه
شاشه
نظام الملاحه ( الخرائط )
بريك سستم ويل ( هذي مثل بريكات بريمبو و مثل بريكات AMG حقت مرسيدس بس حقت بورش قوية جدا ً و تمسك السياره مسك و سعرها مرتفع ( 26 الف ريال ) طبعا هذي البريكات هي اختياريه يعني لو تبي تضيفها او بكيفك بس الافضل اضافتها لانك راح تحس انك ماسك بورش و طبعا سعرها لا يغرك مع المجموع بيطلع سعرها معقول


او خذلك فة الدفع الخلفي 8 سلندر .. سعرها اقل و حلوووووه .. ما فيه فرق بين ال4S و الS الا الدفع الرباعي فقط .. حتى تقدر تاخذ اقل نوع من الباناميرا سعرها 390 الف و تضيف عليها اللي تبي و تقدر تخليها مثل مواصفات التيربو S ..

يعني نصيحتي لك اذا انت تحب الفخامه و تبي تسارع محترم و يعجبك خذلك S و اذا تبي دفع رباعي خذلك 4S و ترا الS سعرها بدون شئ 456 الف يعني مع التفصيل و الاضافات الكثيره تطلع معك بالكثير 540 الف ريال
و فيه اشياء كثيره بس ما تستحضرني

سيارات مازيراتي حالياً عليها خصومات تصل لأكثر من 100 ألف ريال .
الكواتروبورتي gt s اللي هي الفل أوبشن سعرها وصل لـ 590 ألف ريال ( كان سعرها أول فوق الـ 700 ألف ريال ) مع العلم تأخذ عليها عقد صيانة مجاني إلى مسافة معينة .
حبذا تتأكد هل لا زال العرض قائم أو أنتهى !

===========

أما إذا كنت بتأخذ مستعمل فـ أسعار الصيانات سبق وأن ذكرتها بأحد الردود بهذا الموضوع :

http://www.assayyarat.com/forums/thread239155-3.html

وبالتوفيق لك ...

انصحك بانوراما s350 amg
فضي والداخل اسود

مع كل الاحترام لملاكها وعشاقها..لاانصحك فيها ؟لانها ببساطه هدر للمال! صيانه وقطع غيار غاليه جدا؟نفس السياره موديل2008 (اسعار بعض القطع): بعد الخصم
فحمات اماميه ب 4.900 ريال :confused1:
هوبات امامي عدد (2)9.000 ريال :smilie16:
رمانات خلفي عدد (2) 8.000 ريال:c0214:
دبات الرصاص 16.900 ريال للواحده :a1120(121):+ اجور الصيانه العاليه طبعا,,
والعجيب الغريب انها لاتوصل لتقنيات وتكنلوجيا المرسيدس والبي ام..ياحبيبي .. الماني وغيره لاتدور.....

كفيت ووفيت

والله يالغالي كون الشخص عنده فلوس مايعني انه يبذر فيها او بمعنى اخر ( يكون ضحيه استغلال من الاخرين )

واتمنى وصلتك المعلومه وجزاك الله خير ..

^
^
لا يعني تكون بحدود المعقول

يعني مب يجي يقول تشييك وتغيير زيت بـ12 الف ريال !!

تشييك يرفعون السسياره وتناظرون ويغيرون زيتها فقط ويقول جب 12 الف !!

واذا رفضت التشييك وكذا يلغون ضمانك !

مع العلم تقدر تسوي هالاشياء بورشه متخصصه بالسيارات الاوربيه تشييك وتغيير زيت وفلتر قرابت 500 ريال فقط !!

المازيراتي من اجود السيارات الرياضية وهي الواجهة الفاخرة لفيراري

وانا ارى ان الوكيل في حالة تحسن
اما عن الصيانة فاستغرب من سؤالك تستفسر عن سيارة فاخرة وغالية الثمن وتريد صيانة رخيصة ---- ؟؟

الله يجزاكم الف خير ..

كلام سليم 100 بالمئه واحب اقول ان الالمانيات من وجهة نظري اجمل كذالك كاتصميم للمقصوره الداخليه

لكن الانتشار مشكله

اذا تبي موتر مميز جدا وله حظور طاغي ونادره بالشارع وصيانتها اقل من المرسيدس والبي ام دبليو بشيء قليل

عندك الجاكوار السوبرسبورت قويه جدا وصوت وجميله اطلع عليها وبتقتنع فيها

و الله يا اخوان المرسيدس و البي ام و الاودي سيارات محترمة و انا من وجهة نظري انها متفوقة تقنيا على المازيراتي
لكن المازيراتي مميزة جدا و صاحبة حضور طاغي جدا على الطريق و حتى اثناء وقوف السيارة تحس انها جبارة و كشخة
البانوراما منتشرة كثير في الشوارع

يا رجال والله ما فيها ما يفتح النفس خلك على البي ام والمرسيدس اجمل والله مواتر افضل والا لكزس 460 أما ميزراتي نملة بصراحة ...

^^^^^^
اخوي Audi A8 W12 نازله في سماكو باللون ذهبي موجوده وماسالت عن اسعارها ودخلت موقعهم تو عشان اتاكد شفت اسعار تجي من 540000الف ريال وعدلت بافضل المعدات وطلعت 635000 تقبلو مروري

^^فيه خطأ واحد :a1120(86):

الاودي اللي ب 500 الف الثمانية سلندر

ال12 مااظن انه نزلت الحين ولا كان العالم شروها

أنا أنصحك بــ البنوراما S350 AMG كاملة المواصفات بـــ 480 ألف ريال
أو BMW 740 كاملة المواصفات بـــ 460 ألف ريال أو أقل
وعندك بعد AUDI A8 W12 بــ 500 ألف ريال <<<يكفيك انها تغيرت في 2011
بورش بانميرا أسعارها تتراوح من 380 ألف ريال إلى 750 ألف ريال << أنصحك فيها
جاكوار XJ كاملة المواصفات ما تتعدى 500 ألف ريال
بنتلي كونتيننتال 2008 ما تعدت الــ 50 ألف كيلو بــ 500 ألف ريال ويمكن تزود شيء بسيط

المازيراتي سيارة ايطالية جبارة وبطلة ولكن
شكلها مثل ما قال اخوي S 80 من 2004 ما تغيرت وفوق كل هذا بتتغير بعد فترة
وصيانة الــ 40 ألف كيلو حول 12 ألف ريال أما الصيانات العادية تتراوح من 2000 إلى 3000 ريال

ما عندي فكرة عن الصيانة

لكن اتوقع ان السيارة تعيش اخر ايامها
لانها من 2004 واحتمال تتغير الفترة الجاية