السلام عليكم ورحمة الله
كيف الحال يا جماعه وش اخباركم
الحمدلله امس حجزت فورد اكسبلورر وبصراحه في شي مستغرب منه
انا طبعا كوني من سكان الاحساء رحت توكيلات الجزيره اللي في الاحساء اللي اصلا تفاجأت يوم عرفت مكانها مع انها فاتحه من ست شهور لكن لا اعلانات ولا شي
المهم رحت لهم لكن مافادوني بشي يقولون ان السياره مو موجوده ولا حتى اقدر احجزها ونصحني اني اروح للخبر يعني بصراحه فاتحين لهم وجاله في الاحساء مدري على ايش
المهم رحت الوكاله اللي في طريق الدمام الخبر الهاي وي
دخلت عند موظف المبيعات سالته عن الموتر قالي ان الموجود عندهم الستاندرد فقط وان الاكس ال تي والليمتد هذا يجي بالحجز وياخذ من شهر ونص الى شهرين على بال ما توصل الباخره
طبعا انا كنت حاط في بالي اكس ال تي النوعيه النص طبعا قيمتها 149000 واستغرب من اخوي اللي حاط موضوع اللي اسمه سالميات يقول انه شاريها 142000 واللون لؤؤي
قلت له اوكي ابي الاكس ال تي قالي خلاص تجزها ب 3000 ريال كعربون قلت له ما عندي مشكله
قالي وش اللون اللي تبي قلت له ابي ابيض لؤؤي قالي زياده الفين قلت له اوكي وابي جلد قالي زياده قلت له اوكي وابي انوار زينون وديفي دي قالي زياده توصل الى 160000
قالي وبنعطيك عرض ترميل وماده مانع للصدأ وتجليد ب5000 ريال قلت له سلامات لا يا حبيبي مابيه انا اسويه بنفسي في حمايه وعنايه افضل
لكن اللي استغربت ان احد الاخوان في المنتدى سالميات شاري له اكس ال تي ولؤؤي وبسعر 142000
وبصراحه الجلد انا ضروري عندي لانه يعطي الموتر فخامه وحرام تقط فوق 15000 على سياره ماهيب جلد غير كذا الدي في دي مهم للبزارين اللي وري عشان يسكتون والزنون عندي بعد مهم
وش رايكم ؟؟؟
