TAHOE / SUBURBAN / YUKON / SIERRA + الجزء الثاني +

للرفع يا شباب

السلام عليكم

ومبارك عليكم الشهر جميعا ..

عندي استفسار للي عنده معلومه

بودي اركب مرايات جانبيه LTZ ع LT لكن سألت في الوكاله وقالوا انها ما تركب !
اذا احد ركبها من اول او يعرف انها تركب يعلمني وش القطع اللي احتاجها و وين احصلها حتى لو مش اصليه ..

شي ثاني ودي اركب مكيف لمس بدل الفرار اللي في التاهو بس مدري يركب او لا وبالنسبه للتحكم الخلفي لو اركب مكيف لمس ينلغي او وجوده ضروري ..

هلا اخوي

انزل تحت الصدام بتشوف في اطراف اللحيه من الجهتين 6 مسامير فككها
ثم حاول تفكه

مساكم الله بالخير
الرابطة راكدة جداً

معي تاهو 2012
و أبي أفك الوصله السودا اللي تحت وجه السيارة
السيارة لها معي شهر و حكت مرتين
و أبي أفكها أحسن من إنها تنكسر
وش الطريقة و هل فيه أحد فكها نشوف شكل السيارة بدونها ؟؟

يا شباب مسامير حقت الشبك اللي بالتندة مصدية وعجزت افك بعضها
وش الحل !! :c0214:

السلام عليكم ورحمة الله وبركاته

السيارة تاهو Z71 موديل 2010م
كنت ماشي على الدفع الخلفي ومن ثم وقفت وفكيت القير وخليت السيارة على الدفع الرباعي وبعدها رجعت على الدفع الخلفي
ومن وقتها صار عندي صوت دقة عند الغيار من الريوس إلي الأول .. وأوقات إذا هديت ودوست على دعسة البنزين مرة أخرى أسمع نفس الدقة (أوقات تكون خفيفة وأوقات تكون قوية)
وين المشكلة أم هادا الصوت طبيعي

وصار معي أمس كنت بالسيارة والطريقة شبه واقف حسيت المكيف صارت برودته ضعيفة وثم رجع طبيعي مرة أخرى
أيش ممكن تكون المشكلة

والله يجزاكم خير

السلام عليكم و رحمة الله و بركاته

انا أملك يوكن 2007 ممشى السيارة تقريبا 52 ألف
اخر صيانة لها في الوكالة كانت على ما اعتقد في 17 ألف
علما ان بقية الصيانات كلها تغير زيت فقط ما غيرت اي شيء

طلعت عندي مشكلة اثناء التشغيل إذا كانت السيارة ساخنة يعني بعد مشوار اجي اشغالها زي الي ما تشتغل عدل :confused1: هذا فيديو للمشكلة :

http://www.youtube.com/watch?v=iW-G95rr5yI&feature=youtu.be

طبعا لما تكون السيارة باردة او في الصبح تشغل السيارة زي العسل بدون مشكلة :wink:

ارائكم يا شباب حول المشكلة ؟

وعندي استفسار ثاني

ابغى طريقة اعادة برمجة السيارة ؟

السلام عليكم
شفيكم نايمين خخخ

شباب شفت تاهو ومركب فيه زوائد وبحثت الين طفشت ومالقيتها
ممكن اذا احد شافها يقولي وين الاقيها

+
سيارتي من التوكيلات
ماشيه الحين ٧ الاف
مريت عليهم يوم مشت ٥ الاف وقالو الصيانة اول ١٠ الاف

هل هذا صحيح؟
الزيت عندي متى اغيرها كل ١٠ الاف؟

﷽


مساكم الله بالخير جميعاً


يالغالين عندي استفسار بسيط
السيارة يوكون دينالي ٢٠١٠

صارت لي مشكلة مع الشاشة اللي هي إنها ما تشتغل معي أبد
طبعا تجلس فترة سوداء وبعدين يصير كنها بتشتغل ويظهر لي شعار جي ام سي وترجع سوداء


أفيدونا فالكم كل بالحل


تحياتي للجميع

افحص اصابع البطاريه + قوه البطاريه





ركب صدام تجاري وقصقص فيه على راحتك :smile:





غريبه !!

جرب شغل المكيف على اقوى شي .. عشان يطلع الغبار اللي فيه

وخله شوي ..

القير 6 نمر طبيعي بس يعشق :smilie16:

لاهنتوا بغيت فزعتكم معاي في مشكله ما عرفت لها حل




عندي تاهو 2007 اذا رحت مسافات طويله تولع لمبه المكينه
وصارت المكينه ماهي صافيه و في اول تبديله للسيارهـ
تدق بقوهـ
لي ثلاث سنوات وانا ادور الحل ولم اجده ومع العلم اني غيرت بواجي واسلاك البواجي
ونظفت بوابه الدعسه وتنظيف بخاخات ولا فيه فايده وبدلت الكويل رقم 3 بكويل رقم 5
ولم تنجح و هذي نتيجه الفحص
p0300 engine misfire detected
cylineder number 3 -misfive deteefed


ويا جماعة الخير تكفون كان تعرفون شي ولا طريقة ولا احد واجه نفس هالمشكله يعلمني ويش اسوي
مع العلم
اني رحت لشركه بالبيد وجلست السياره عندهم اسبوع
وفي الاخير لم يجدو اي حل للمشكله
ماخلو اي شي وفحصوه
وفي الاخير قالو لازم نفك الراس احتمال في البلف رقم 3
او في عمود الترانك
وطلعت السياره من عندهم لاني متاكد انهم مايعرفون المشكله

ماهو حل مشكلة رائحة الغبار التي تظهر عند تشغيل المكيف؟
لاحظت كثرة التعشيق وحساسية القير في التعشيق ؟ هل هو عادي؟

مشكلة ازلية سلك الضباب الخلفي دائم ينفصل من القزاز الخلفي؟ الحل

سيارتي تاهو 2011 دبل lt

الله يسعد أوقاتكم يا شباب

عندي تاهو 2008 الحاصل سوا فيني حركة بايخة بغيت اروح فيها لكن ربك سلم ( الحاصل كنت ماشي بالموتر على طريق سريع ومادريت الا ويطفا علي الموتر ويطفى كل كهربت السيارة معه !!!! المهم وقفت السيارة وضربت ضربه على الاصابع واشتغلت !!! السؤال يا اخوان المشكله هذي هل هي مشكلة بطارية أو دينمو فيه مشكله مع العلم احيانا كنت اشغل التشغيل عن بعد وهي واقفه ويشتغل وثانيتين ويطفى لكن مهو دايم وبرضو نفس الحركة اضرب على اصابع البطاريه ويشتغل الموتر ...... ابغا احد يفيدني من ذوي الخبرة بالكهرباء قبل اروح لاي ورشه لاني محتار مابين بطاريه او دينمو
اتمنى يفيدوني اهل الخبره مشكورين

السلام عليكم

منذو مبطين عن هالقروب ..

فيه احد :)

عموما انا جيت .. ناخذ اخباركم .. ومنها نفيدكم .. كان تحتاجون اغراض من الخارج للجموس بشكل عام

انا موجود .. والاسعار بأذن الله مرضيه :)

أسعدك ربي أخوي الثقفي ..
هل يوجد خدمة البلوتوث على التاهو lt 2013
شفت مقطع اجنبي باليوتيوب وهم يسوون اقتران ما بين السيارة والجوال وتتصل وتستقبل اتصالات بدون حمل الجوال .. هل الخدمة متوفره مع العلم ان ازرار الاتصال موجودة على طارة التاهو ٢٠١٣ كما رأيتها ف الوكاله

راي تعمل طبقة حمايه على البودى و على الواجه والمرايا والانوار تلبسه حماية واجه مثل التظليل ولكن شفافه تمام بس روح لشركات تعطيك ضمان انه مايصفر العزل الى على الواجه والانوار ولا تغسلها وهى واقفه بالشمس ابد ابد ولا واذا كان عليها غبار بس امسحها بمويه افضل وهاذي بتجربه من معرض لقيت عنده تاهو واقف له خمس شهور والله الشمس عليه من يوم تشرق لين تغرب ولمعته زي ماهي

السلام عليكم ورحمة الله وبركاتة
الحمدلله تم شراء تاهو LT موديل 2013

ويسعدني كثيراً الإنضمام إلى هذا التجمع المبارك ..
موعد إستلام السيارة نهاية الأسبوع القادم بمشيئة الله

تم إختيار اللون الأسود الحقيقة لا أخفيكم حبي لهذا اللون بالذات
ولكن بعد ما تم الشراء وجدت الكثيرين من الشباب يعيبون علي إختياري لهذا اللون
بحكم أنه بحاجة لنظافة مستمرة وأهتمام اكثر والخدوش تظهر به سريعاً

ارائكم ونصائحكم بشكل عام

السلام عليكم

شباب حبيت استفسر املك جنوط التاهو الاصلية 20 انش مركبة على الموتر من سنة وشهرين مشتراة مع الموتر

لو ابيعهم كم تتوقعون يوصل سعره ؟ علما بأنها مطفية وليست كروم ..