السلام عليكم
اخواني الكرام : انا عندي كابريس صابونه LTZ موديل 96 نظيف وكتب الوكاله فيه موجوده العيوب اللي فيه :
تحتاج الى 2 كراسي مكينة , طقة بسيطة من جهة الرفرف الايمن من الخلف ( يعني يبي لها شفط وتتعدل بالراحه ) قشرة في شنطة الموتر بحجم كف اليد ( تحتاج الى رش ) الموتر لاياخلوا من الخدوش البسيطة ( بكل اختصار البدي يحتاج الى معجون وتلميع فقط ) تحتاج السيارة الى بعض الازياك , تحتاج الى وزن أذرعه , تحتاج الى مرايه جانبيه على اليمين , طبلون الديكور متشعر شوي بسبب الشمس ,تحتاج الى اصلاح للقزازة الاماميه الجانبيه لانها ماتنفتح , تحتاج الى إصلاح المسجل لان فيه شريط داخل غلط , واما الموتر بشكل عام ولله الحمد نظيف جدا والمكيف ثلج والحرارة ماترتفع ( تحت النص ولله الحمد ) , الكفرات راح اغيرها هالايام جديده ,
ــــــــــــــ
الاستمارة جديده مالها 3 شهور والتأمين كذلك , اللون زيتي والداخلي مخمل رصاصي ,والممشى 430,000 الف تقريباً .
حاب استفسر كم يكلف اصلاح كل هذا ؟؟ لاني ناوي اصلحه وأبيعه او اني ابيعه على حالته واشتري كاديلاك كونكورد قير ارضي موديل من 98 او 99 بفتحه سقف ونظيف اللون اسود والداخلي بيج .
كم يسوى اللي مثل موتري ؟ وكم يسوى كاديلاك الكونكورد موديل 98 او 99 .وهل الكاديلاك لهذا النوع والموديل له خرابات وصيانته معقده ؟ وكيف الحرارة معه والكهرباء ؟ وهل قطع غيارة غالي ولا رخيص
والله اني مستعجل ياجماعه الخير وعندي جامعه الترم هذا اللي بيجي 45 كيلوا رايح و45 كيلوا جاي والله يعين
