السلام عليكم
بحمد الله وفضله ( طقّيت ) لي يوكن جديد من الجميح واللون > ذهبي < ... أدري بعضهم يقول منتشر ومن سنة جدّي وهو موجود بس معليش .. اجواءنا مايبيلها الا هاللون ..
وماشالله الموتر ماعليه كلام .. هي اول تجربه لي مع GMC .. اخذته بدون دبل .. (ماني مستعد ادفع 10 الاف في شي ماني في حاجته)
بخصوص اللون لاحظت شغله : انا عندي كابرس اسود .. احياناً بعد الغبار اشوفه واشوف اليوكن واقول في خاطري .. ( يالذهبي .. وينك من زمان ؟؟؟ ) صرت احس ان اللون الاسود يدوّر الغبار دواره
ماشاء الله تبارك الله .. الله يعطيك خيره ويكفيك شره
الف مبروك .. واحسنت في اختيار اللون
بعد الاتسخدام البسيط ودي اسأل :
- الكاميرا الخلفيه احياناً لما اشوفها وانا راجع احس ان المسافه بعيده بيني وبين السيارة اللي وراي لكن لما اطل بنفسي واطالع ورى احس اني قريّب مره .. يعني هل اقدر اعتمد على الكاميرا ميه بالميه والا هي تخلي الأجسام القريبه ابعد مما هي عليه فالحقيقه ( مثل ماهو مكتوب فالمرايه اللي عاليمين ) ؟؟
بالنسبه لي ما اعتمد عليها ميه بالميه خصوصا في الزوايا اليمين واليسار
- بخصوص زر صفط المرايات هذا وين القاه ؟؟ عجزت احصله
علي يسارك فوق زر اغلاق وفتح النوافذ
- فيما يتعلق بالاضاءات الداخليه - انوار السقف - كيف اقدر اشغلها ؟؟ لازم اوصلها واضغط الزر بيدّي والا تشتغل عن طريق زر اتحكم فيه وانا جالس مكاني ؟؟
فيه زر على يسار الدركسون .. يمين مفتاح تشغيل انوار السياره الدائري
اعتذر ع الاطاله .. وبانتظار ردودكم
تحياتي
-
-
ياهلابك وحياك بأي وقت
