مشورتكم التيما 2013 أو ماكسيما 2012أو أوريون 2013

ابوسعود. @user_285928 · 01-12-2012

السلام عليكم
يالغاليين محتار بين
1-التيما 6سلندر فل 2013 بــ120000
2- ماكسيما 2012(موديل 2013 لايتوفر لديهم وسيأتخر) نيسان ماكسيما نصف فل موديل 2012 وسعرها بـ120000 أوستاندر بــ 109000 وأنا ميال للستاندر لأن لاتوجد فوارق مهمه بين النصف فل والستاندر سوى الزينون للنصف فل وتغييرات القير العادي إضافية خلف الدركيسون للنصف فل وهذا لايهمني.
3-تويوتا اوريون جراندي فل بـ 121000 .

معلومات عني متزوج ولدي ولد هل هذه السيارات تناسبني؟

ملاحظة : انا معجب في الماكسيما جداً هل تناسبني؟

هل هذه السيارات تناسبني؟

صليت وسأصلي الاستخارة مرات متعددة

ذيب المكس @user_263147 · 02-12-2012

ابو سعود
حيـآك الله يالغالي
أول شي , خذ استخر
ثـآني شي نصيـحه , خذ السياره اللي انت مرتاحلها اكثر شي
خويي اشترا لكزس اي اس والحين متحسف لأنه حب الكرايسلر الجديد ويبي يبيعها
ثـآني شي بالنسبة لقسـآوة المكس مو الدرجه الي انت متصورها العالم ذي تهـآويل تكبر كل شي اذا انت بالرياض وودك تجرب قل لي
انا معي مكسيما 11 لاغيرت كفرات ولاغيرت شي ومرتاح جدا معها الحمدلله عدت سنة الى الان بحـآلة الوكاله
الالتيما الجديده مواصفاتها اكثر واتوقع فيها جيل جديد من قير السي في تي
والسته مره مناسب وممتاز لأستعمالك والسعر اللي انت حاطه

R O Y A L E @user_288623 · 02-12-2012

طيب رايك في الافالون 2012 فل بدون شاشه
وصل سعرها في المعارض لـ 125

واذا تبي من خياراتك انا ارشح لك الماكسيما لانها فئة ارفع من الالتيما والاوريون
ولانك ترغب بها شخصيا وهذا اهم شي

وعلى فكره ترا فيه كثير من الفروق بين ماكسيما نص فل وستاندر
الشاشة والنفقيشن والكاميرا والحساسات الامامية وفتحة سقف ... الخ

وبالتوفيق لك

ابوسعود. @user_285928 صاحب الموضوع · 02-12-2012

^
^
^
فعلا من ناحية نفسية هذا والله أعلم أقرب حل ، لكن ساعات افكر واقول الاتيما 2013 شكلها من ورى نسخه من المكسيما ومن الامام فيه اختلاف بنسبة 70% عن المكسيما مع تحسين في شكل المبات الأمامية، فساعات اقول الاتيما اجدد شكلاً من المكسيما الي من 2010 نفس الشكل، وفيها شبه واظح من المكسيما والمكسيما عاجبتني، بس ساعات اقول الاتيما اصغر واظيق، خذ ماكسيما وريح راسك.

أكورد. @user_232169 · 02-12-2012

انا اشوفك معجب بالماكسيما
ولما تشتريها ماراح تندم لانها خيارك وعن رغبه
الخوف تشتري التيما او اوريون وتتحسف لذلك توكل على الله وطق لك الماكس

ومبروك مقدما

turkiq @user_18442 · 01-12-2012

الخيار في النهاية لك .. لكن بكل امانة لو كنت مكانك بيكون خياري الالتيما الجديدة
كل المواقع الامريكية اللي جربتها تثني على السيارة في كل شي ..
يمكن الاهم بالنسبة لي مستوى الراحة والهدوء اللي لفت انظار من جربها
السيارة ايضا شكلها في رأيي الشخصي رائع واكثر ابهارا من الماكسيما والاوريون
الاوبشنز ايضا تلعب دور ... الاوبشنز في الطراز الاعلى فيه الكثير والكثير
وانتهي بداخلية الالتيما الجديدة واللي بكل امانة أعتبرها جذااااااابة جدا

والف بركة مقدما

عبد الرحمن77 @user_114362 · 01-12-2012

:c0214: وماذا عن الهوندا أكورد 2013 قريباً تنزل الخليج!!!!!.

بلحروووز @user_278899 · 01-12-2012

صحيح اللي هي دعسة الكفر

بس التغير لمقاس دعسته اكبر حل ماهو جذري لأنك محدود في حجم الزيادة عشان ما تضر السيارة و تحك الكفرات

و ضيف عليها انك لو تتخذ هالحل راح تضيف حول 4- 5 الاف ريال زيادة على قيمة السيارة في تغير الكفرات :)

عاد دامك مقتنع بالمكس و امورك سهالات معها .. توكل على الله

ابوسعود. @user_285928 صاحب الموضوع · 01-12-2012

اخوي بلحوز أولاً انا منب راعي سفريات بالسيارة بفضل الله ، ثانياً يالغالي مشكلة الجنط سبق وقرأت عن الحل وهو أن سبب قساوة الماكسيما هو ضيق المسافة مابين الجنط والكفر للسيارة شد بلد، والحل هو تغيير الكفرات لمقاس أبعد مابين الجنط والكفر بكذا نكون حلينا مشكلة القساوة والله اعلم، بالنسبة لجنط 19 انا من رأيي انه يفخم السيارة اكثر، ويخليها مرتفعه اكثر عن الأرض والله اعلم.

بلحروووز @user_278899 · 01-12-2012

^^^

المكس ممتازة بس ياخي بتكون اقل راحة مع الاهل خصوصا في السفريات

يعني راح تعاني بسبب كبر الجنط 19 و راح تحس بكل حجار تمشي فوقه ض1

ابوسعود. @user_285928 صاحب الموضوع · 01-12-2012

الأخ بلحوز الافالون فيها عدة نقاط سلبية وهي، أن 2013 مابعد نزلت والمتوفر2012 ، واكيد 2013 بتنزل بسعر جنوني، اكيد الستاندر بيكون بـ140000 وهالقيمة ما اقدر عليها، انا بطقاق اوصل لـ120000
والمبلغ الي يريحني 109000

ابوسعود. @user_285928 صاحب الموضوع · 01-12-2012

بإذن الله اذا بشتري التيما فبشتري 6سلندر فل، لكني معجب في الماكسيما جداً وهي شبابية اخاف الناس تنقد علي مع اني شاب عمري 30.

بلحروووز @user_278899 · 01-12-2012

^^^

ابو تركي هل هذه المواصفات خليجية سعودية ؟؟ خصوصا الرادار و النقطة العمياء

الا لو تم اضافتها للمكس 13 بيكون فيها عدل :)

ابو تركي الحربي @user_271385 · 01-12-2012

[COLOR="red"][COLOR="Red"]- مواصفات الفل الكامل :
- محرك 6 سلندر 3.5 لتر بقوة 270 حصان (دفع امامي)
- القير الاساسي لجميع الفئات CVT
- التحكم بنمر القير من خلف المقود
- نظام AUC نظام للمقود يسهل عملية الانعطاف والدوران
- جنوط مقاس 18 “235/45 R18″
- فتحة سقف
- انوار امامية زينون تفريغ عالي الكثافة ” HID ”
- أنوار خلفية LED
- إشارات الانعطاف على المرايات
- مقاعد جلد بلونين ” بيج , أسود ”
- نظام صوتي BOSE بتسع سماعات
- مقاعد أمامية بتحكم بثمان جهات
- تدفئة المراتب الامامية والمقود
- نظام Nissan connect
- شاشة LCD مقاس 4 انش في طبلون السيارة
- شاشة نافيقيشن
- مكيف الكتروني منفصل للراكب والسائق
- ريموت نيسان الذكي مع خاصيه تشغيل السياره عن بعد ..
- نظامين VDC و TCS للتحكم بثبات السيارة

[COLOR="Blue"]وفيها نظام الرادار والنقطه العمياء والقير 7 نمر الجيل الثالث من cvt ...

بإختصار سياره دلع وفخمه ورياضيه في نفس الوقت بس نصيحه مني ي تأخذها فل 6 سلندر وألا لا تأخذها لأن الفيئات الثانيه نااقصه مواصفاتها بشكل كبير ..
[/COLOR][/COLOR][/COLOR]

ابو تركي الحربي @user_271385 · 01-12-2012

لو اني مكانك راح أخذ االالتيما لأن الشكل جديد وخصوصا الفل 6 ممتاااازه بمعنى الكلمه وموااصفاات اللي فيها جباره جدا ما تحصلها لافي المكس ولا الاووريون بعد ...

تحصلها فقط في اللكزس والانفينيتي ..

لو اني مكاانك ما اراح اتردد والله يكتب لك الخير وموفق ان شاء الله

بلحروووز @user_278899 · 01-12-2012

وعليكم السلام و الرحمه

الله يحفظ لك ولدك و عائلتك

عاد دام المسألة فيها عائلة فإنت يبيلك سيارة رايقة و مريحة و هنا استبعد المكس

الالتيما و الاوريون ممتازين صراحه بس لو تبي رأي زدها شووي و خذ افالون لمتيد بدون شاشة

و كذا تكون جبت سيارة مريحة و ممتازة و واسعة

اما لو انت مقتنع بالخيارات المطروحه لك فأنا استبعد المكس :)