ماليبو 2013 LT

السيارة حلوة .. لكن من عيوبها مافيها مكيف خلفي + فيها ضيق نوعا ما

ماليبو لؤلؤي فل كامل LTZ 6V ب 100 الف في التوكيلات واخذتها في شهر اكتوبر لايلعبو عليكم بس اول سعر كان 106 ويوم قلت للموظف اباخذها كاش تغير كلامه لين اصريت عليه ب100 والا بخليها لهم ووافق لايغشوكم نصيحه اما بخصوص السياره الحمدالله ممتازه جدا ماشاء الله من كل النواحي حتى في وقت المطر نظام التراكشن ممتاز

هلا اخوي ابو تركي سعدت بمشاركتك
انا الان لم استلم السياره وكلام الموظف انه استلام السياره بعد خمسة ايام
وقال اما الاحد الذي هو غداً او الاثنين مابعد غداً
طبعاً انطباعي عن السياره لحد الان لم اجربها ولكن ان شاء الله اوافيكم بالرابطه اول بأول
انا اخترت السياره لتأييدي بأخذها من قبل الاخوه الذين اثق بهم هذا اولاً
ثانياً حبي لسيارات الامريكية وفيما سبق قد تعرضت لمشاكل الخربات لكابريس موديل قديم
لكن يعجبني جداً بالامريكي الراحه والرساوه الذي يتفوق على السيارات الكوريه واليابانيه
ولذا رغبت ان اقتني موديل جديد اعجبني جداً مواصفات الماليبو وايضاً ثناء ملاكها
وان شاء الله سا اقوم بتجربتها خصوصاً بالخطوط الطويله

حياك الله ،
انا معي malibu 2013 LT
صارلها عندي ٣ اشهر وشوي .. ماشي فيها ٥٥٠٠ كيلو ..
مواصفاتها :
- مثبت سرعة
- اضاءة داخلية زرقاء
- كشافات
- يو اس بي + اي يو اكس
- التحكم بالدركسون
- السيت نص جلد ونص قماش
- التحكم بالسيت نص كهرب ونص يدوي
هذا اللي اذكره حالياً
بخصوص السلبيات :
من وقت اللي شريتها لي قبل ساعة ما واجهتني اي سلبية تذكر ابد ..
بس توه قبل ساعة .. انا من الكويت ، من شوي كان مطر عندنا ..
وانا على الدوار قلت بجرب الثبات درت السكان ودست
السيارة راحت فيني عروض وزلقت .. ولو كان فيه احد بالدوار كان صدمته وكنت شوي وادخل بالشبه ..
الحمدالله عدت على خير .. فـ ممكن هل موقف يصير وانت تمشي .. فالحذر ..
فـ جيك على مواصفات الأمان قبل ان تأخذ السيارة .. اهم شي الأمان ،،
الـ LTZ فيها مواصفات امان اكثر .. وفيها حساسات .. الـ LT لا يوجد فيها حساسات تقدر اتركبهم بالوكالة سعرهم عندنا بالوكالة بـ ٧٠ دينار كويتي ( يعني بحدود ١٠٠٠ ريال سعودي ) .
وبخصوص الأسعار والوكالات اللي عندكم ما اعرف والله انا من الكويت .. يفيدونك الشباب ..
اي استفسار تحت امرك ..

انا شريتها ب106 من الجميح
وكان ذلك يوم الاحد الماضي

من بعد اذنك يا صاحب الموضوع
طيب وش الفروقات بين الجميح والتوكيلات من ناحية المواصفات؟

أخي الكريم السياره تجميع كوري والقطع أمريكيه في مضنع جنرال يكوريا والسياره حلوه وفيها مواصفات وأنظمة أمان توب وحتى السعر هي الأفضل بالنسبه للمنافسين سواء في 4-6 سليندر .
من ناحية الوكيل أشوف التوكيلات العالميه أفضل في السعر والصيانه . مريت الجميح قالي المندوب الفل 6 بـ 107 !!!!!
ومريت التوكيلات حصلتها بـ 101 ألف وأنا حاليا حاجز مبدأيا على الفل 6 سليندر :smile:
من ناحية الفروقات شوف الرابط هذا وأن شاء الله يفيدك http://sa-ar.chevroletarabia.com/vehicles/view_all_vehicles/cars/malibu/options_specs/trims.html

للرفع ....!!

يعطيك العافيـة على المرور