المكينة خبطت للمرة الثانية - كامري 2003

^^^^^^
كلام عين العقل

خذها قاعده لازم تأخذ رأي 3 ورش على الاقل ولا تقول لأي للورشة عن كلام الورشه الثانيه
وكذلك مر برأس المكينه على مخرطه ثانيه لا تثق بأحد في هالزمان
دليل كذب الورشه يوم قال لك غير البساتم ولا وكلها بعد
بالتوفيق

كيف حكم على الرأس؟ الرأس خرابه لما ينشعر بالحرارة أو يصير يخلط ماء بالزيت. أما توقف عمل المحرك ليس من الرأس! الأسباب وضحتها لك و بعضها وضحها الأخ عبد العزيز في رده.
الشيء الثاني: قيمة الرأس جديد قريب من 3000 ريال , كيف بالله المستعمل بـ 2500 ؟!!! سعر الرأس المستعمل و الي ما انخرط و لا مرة (يعني ستاندرد) لا يزيد عن 800 ريال هذا و هو نظيف مرة.

و بعدين أجرة التوضيب 1500 ريال ليش؟! أولاً إذا ثبت أن المكينة تحتاج توضيب (و هذا عند ميكانيكي عنده أمانة و صدق) ما تكلف هالتكلفة. أنا موضب مكينة من قريب بـ 600 و لأني أعرفه و إلا السعر العادي بـ 800 ريال للسيارات الصغيرة 4 سلندر. و بعدين المخرطة تأخذ 100 ريال على الخرط و 100 ريال على مسح الرأس و 50 كبس بساتن. يعني كلها 250 و البعض يحسب ككل بـ 200 ريال إذا كنت فعلاً محتاج مسح الرأس.

إذًا شغل التوضيب يكلف خلنا نقول تجاوزًا 1000 ريال + قيمة القطع
و القطع بعضها لا بأس بأخذها تجاري و البعض لازم أصلي.. نتكلم فيها لاحقًا , بس لما تكون المكينة محتاجة توضيب بالفعل.



أخوي.. المستعمل ما فيه شيء اسمه مضمون سواءً ياباني أو خليجي أو غيره , و هذا أنت جربت. لهذا أنا دائمًا أنصح بالتوضيب و أحذر من التشليح , حنا وضبنا مكينة لانسر و الحمد لله ما فيه أي مشاكل , علمًا أن التكلفة الإجمالية للتوضيب طلعت أقل بشوي من الميكنة المستعملة!! يعني مو أكثر إلا أقل بعد بخلاف ما يتوقع الناس!
يعني ما فيه شيء اسمه واحد أمين و يخاف الله يبيع مكائن مستعملة , على الحظ.. يا حمرا يا بيضا.

ما عندي علم عن سؤالك

لكن ماحبيت ادخل الموضوع و اطلع بدون رد
و مالقيت رد احسن من الدعاء لك
الله يعينك و يسهل امرك

حتى وارد بهوان معنا نفس الموديل كامري 2003 وضربت ماكينتها مع ان السيارة محافظ عليها بشكل ممتاز .. اضن ان ها الموديل فيه خلل مصنعي ..ولا تستبعد .. الله ييسر عليك وتتخلص منها بجديدة

اول خطوة تشيك على زيت المكينه للتأكد من عدم خلط الزيت بالماء
اما كان الزيت تمام
فعليك بالتشييك على الدينمو الشاحن وعلى سيور المكينه وشدادها والبكرات
اذا تمام
فيجب ان تعرف مصدر الصوت قبل فك المكينه وتوضيبها
فأذا كان الصوت داخل المكينه فعليك اولاً فك صدر المكينه والتشييك على سير التايمن وشداده وحساس الكرنك وطرمبة الزيت.

موفق اخوي
دعواتي معك بالتوفيق
والله يفرج همك

إذا المشكلة أنها طفت فجأة و ما زال هناك كهرباء في السيارة , فالمشكلة المتوقعة من جهتي و الله أعلم إما حساس التيمن أو حساس الكرنك. و ليست مشكلة ميكانيكية. أنصحك أن تشكف في ورشة على سير التيمن إذا هو راكب و معاير بشكل صحيح أم لا. الظن فيه أو بالحساسات الي قلتها لك.
غير ذلك: إذا صوت دقة السلف طبيعي و المكينة تدور مع السلف بس ما تشتغل , فتأكد من طرمبة البنزين. لا نستطيع الجزم بأن الخلل في المكينة دائمًا. الاحتمالات كثيرة و الكشف هو الحكم , و لكن عند أهل خبرة و أمانة فقط.

الاعراض يااخوي الله يوفقك
والله ما سمعت شيء فجأة طفت فوق كبري لما شغلتها طلع صوت عند التشغيل اللعلعه كن فيه صوت في المكينه خفيف
هي تنقص زيت وانا احيانا ازيده وكل شهرين اغيره كامل

الله يوفقك دنيا واخره بشوف كم يكلف

ما ذكرت أعراض المشكلة , هل يوجد تهريب زيت؟ هل تسمع طقطقة قوية داخل المكينة؟ شفت خلط زيت بالماء؟ إلخ
حدد المشكلة أخوي.
بعيدن التوضيب بـ 15 ألف!! كلام مين هذا بالله؟! الفياقرا ما توصل كذا. و كونها ألمنيوم ما يمنع التوضيب.. بس البعض يتحاشى ذلك خوفًا من تغيير تشكل معدن المكينة مع الحرارة الزائدة لأن الألمنيوم يتغير شكله بالحرارة , علشان كذا صار الناس يحفظوا هالعبارة حتى بدون معرفة الكلام الي قلته هذا! لكن معدن الألمنيوم ليس دائمًا مانع للتضويب.