و عليكم السلام و رحمة الله و بركاته
توضب مكينة على إيش يا خوي؟! توك موضبها. و التشليح حتى لا تفكر فيه , و أساسًا التوضيب أضمن لك. و إن شاء لا تحتاج هذي و لا هذي.
نقص الزيت حالتين/
1- حرق زيت يظهر على شكل دخان أبيض مزرق من الشكمان.. و هذا إما من الشنابر (و هذا مُستبعد لأن الشنابر جديدة عندك) و إما جلد البلوف.
2- تهريب زيت. و هذا أمره هين بحول الله.
لا يصير ميكانيكي شافك طيب و واثق فيه و قام يلعب براسك! تهريب زيت ياخوي شغلتها بسيطة.
مصادر التهريب معروفة و تتعالج. أكثر ما يتهرب الزيت من الآتي:
* وجه الكارتير
* صرة الزيت
* صوفة الكرنك الأمامية و الخلفية
* صوف التيمن
* قاعدة السيفون (و هذه كثيرًا لا يُتنبه لها)
* ربما يكون السيفون غير راكب بشكل جيد , و صارت مع قريب لي.
و حياك الله
و لا تصير مثل أغلب الناس الي يتحطمون و نفسهم تعاف السيارة من أهون مشكلة. ما خاب من استشار
