كيا كورس ام بي ام دبليو الفه الخامسه

والله عن نفسي لن أغلق عقلي وأدفع 200 مقابل اسم وماركة !!

المواصفات والجودة فقط هي من يحدد وجهتي ..

يا رآآآآآآآآآآآآآآآقل

أكيد البي أم أحلى وأجمل

يعني لما تقول سيارتي بي أم مثل لما تقول كيا

فرق

حتى لو تفوقت الكيا بالمواصفات

الفئتين مختلفه وماتقدر تقارن السياراتين فيها

بمعنى الكوريس ( كلاسيكيه )

وال BM رياضية 80%

ولو عملت مقارنه بين الاسمين

وانت مغمض :c0038:

ال BM

الف مبروك حبيبي الله يعطيك خيرها و يكفيك شرها

بانتظار تقريرك عنها و الفرق بينها وبين التورس :bigggrin:

على البركة ويعطيك خيرها ويكفيك شرها

وبانتضار تجربتك وافادتك لبقية الأعضاء

تحياتي لك ,,,

اخوان كما قلت لكم سابقا ان اسم الماركة ماتهمني بقدر ماتهمني راحتي ....
صراحة بعد مابحت من مواضيع عن الكورس وقمت بتجربتها صراحة كانت قمة في الروعة .. هدو عزل نعومة مريحة جدا وقمة في المواصفات ... عن قريب انشا الله سوف يتم بيع سيارتي ويتم شراه الكورس وسوف اكتب لكم تجربتي عنها بالتفصيل .

فولفو S80 منافسة للفئة الخامسة و E كلاس و A6

اذا فعلا يهمك الراحة والنعومة ولا يعني لك الاسم كثير
فهي خيار ممتاز جدا خصوصا اذا اخذت السعر بعين الاعتبار

سيارة مريحة وناعمة جدا ومشاكلها قليلة وصيانتها غير مكلفة
وتقدر تاخذها بمواصفات عالية بسعر معقول يبدأ من 136 ألف

عيبين فقط في السيارة سعرها عند البيع يطيح كثير
وكونها تعيش اخر ايامها لانه متوقعين جيل جديد عام 2015


وعندك خيار ثاني اللي هو فولكس فاجن CC
أيضا خيار ممتاز وسعره مناسب لميزانيتك

وسع خياراتك وخذ وقتك في التفكير هالمبلغ اللي بتدفعه مو سهل
بالتوفيق

رايي من راي الاخوان الي فوق

الكوريس من تجربه حسن كتبي ذكر ان عزلها رائع جدا جدا و اصوات الهوا ماتصدر الا بعد 200 كيلو ! ماشاء الله

كرساوه فيه كم عضو جربها عندنا " تقدر تشرفنا
بقسم السيارات الفاخره في المنتدى الكوري " كيا "

عضو كويتي نزل موضوع عنها و هو مجرب البي ام دبليو
سوا تست درايف للكوريس و انصدم من روعه السياره و ذكر انها قريبه جدا في نعومه و متعه قياده البي ام دبليو

و للمعلوميه الكوريس و البي ام 5 نفس الفئه
مع اودي a6 مرسيدس E class
فيها مواصفات كثيره لو انها تحمل ماركه المانيه راح تكون سعرها فوق
400 الف ريال سعودي ياعزيزي

من ناحيتي ارى الكوريس و البي ام فئه 5 فئع اعلى من الكرايسلر ياليت تشيلها تماما من خيارك بما انك وصلت فوق 200

شوف سيارات فاخره افضل لك

بخصوص انها كوريه .. ياعزيزي شوف السوق حاليا كل شي يصنع في كوريا

هذي الدوله اثبتت نفسها في السنوات الاخيره في كل المجالات

و طموحهم كبير جدا للوصول لاعلى النجاحات :xyxthumbs:

الشي الاخر ضمان الكوريس مميز جدا 5 سنوا مفتوح الكيلومتر
مع صيانات مجانيه حتى 100.000 كيلو متر :xyxthumbs:

تفضل هذي مواضيع عملتها لشرح مواصفات الكوريس بالتفصيل الممل

http://www.assayyarat.com/forums/thread264248.html
http://www.assayyarat.com/forums/thread262713.html

نصيحة اخوي جرب الكوريس و البي ام صدقني بتاخذ الكوريس ما بتندم
سيارة جبارة بمعنى الكلمة
جرتها لمدة يومين خيال ابداع سوافتها مختلفة 180 درجة عن الجينيسيس وعن سيارتي ازيرا
الكوريس قيادتها نفس الالماني !
عموما بيتر شراير قالها صممنا سيارة بحجم الفئة السابعة بجودة الفئة الخامسة بسعر الفئة الثالثة
و بكلامه هنا يوضح انه السيارة صممت خصيصا لمنافسة بي ام دبليو !
بي ام شركة عريقة و فخمة ولها اسم لكن ما ادري اذا الفئة الخامسة افضل من الكوريس
اعطيتك تجربتي عن الكوريس , تبقى عليك اخوي انك تجربهم ثنينهم , تستخير , والله يوفقك و يعطيك خيرها مقدما :)
الكوريس نفس السنتنيال وخذ ببالك انه خالي عنده سنتنيال 6 فل 2013 و ماشية 56 الف وزي العسسل
اخر شيء الكوري ما بيكلفك كثير بالصيانة بعكس الالماني !

والله الموفق

نادرة المواضيــع او المقــاطع اللي تتكلم عن تجربة الكوريس الجديدة وهنـاك مقطـع نزلتـه سابقــاً لخبير السيــارات السعودي حسن كتبي وابدأ رأية فيهـا وفضلهـا على اللكزس GS

تقــدر تجــرب السيــارة في الوكــالة واللي اعرفــة وسمعتهـا عنهـا وعن اللي جربوهـا انهـا ناعمـة ومريحـة وعزلهـا جبـار + مواصفــاتها عــالية !

لاكـن الســؤال المهــم هل يهمك أن تكون "الماركه" ؟
إذا لا اشــوفهـا خيــار ممتاز جــداً والشركـات الفارهه تأخذ ضريبة ماركة عـالية تزيد من قيمة السيـارات بشكل كبير

أستفسر واستشر ولاتستعجــل في الاختيـار حتى لاتندم لاحقــاً

الله يوفقك أخوي ويكتب لك كل خييير

الغالي ميزانيتك تجيب بي ام أصغر نوع ومافيها راحه ولا سعة ولا خيارات كثيرة يعني انت خسراااااان

لكن الكوريس تناسب ميزانيتك بالضبط إن شاء الله

استخير وربك يكتب لك الخير

تبي موتر هيبه ورزه وناعم ولا تدري عن المطبات والحفر

خذ سوبربان ltz لؤلؤي

مواصفات وراحه ويمسك سعره عند البيع

انتظر الشكل الجديد بعد رمضان بإذن الله

اذا وصلت الـ 200 الف خذ لك موتر رفيع ومواصفات ورزه

هل gs مريحة وناعمة في المطبات ؟؟

طيب شوف الكاديلاك XTS


http://www.youtube.com/watch?v=RW4XNXXzJdM

:smile:

صراحة انا مايهمني اسم الشركة او الماركة بقدر ما يهمني راحتي في السيارة ...

انتظر من احد مالكي السيارة الكيا التجربة بعدها سوف يتم الشراه

ركز بشعار كيا وشعار بي ام دبيلو وبتعرف مين تختار

صراحه حرام احط 200الف على كوري مهمى كان

كوريس جديده على السوق موب معروفه عيوبها حتى الان

بعكس البي ام
لاكن اذا تبي سياره بالممواصفات اللي ذكرتها عندك خيارين لكزس es لكزس gs

شكرا عل المعلومة ...

ويا تري هذة المواصفات توجد في اي سيارة ؟؟

للأسف، أعتقد ما عاد يوجد الآن سيارة مريحة جداً جداً كالسيارات القديمة التي أظنك تبحث عن راحتها.
إن كنت تريد الراحة، فاجعل هذه الشروط هي أهم ما في السيارة:
1- وزن ثقيل للمركبة.
2- زنبركات (يايات) لينة ورقيقة تهتز السيارة ببساطة عند هزك لها.
3- ممتصات صدمات (مساعدات) من نوعية معروفة براحتها.
4- إطارات ذات جانب كبير ومن نوعية مريحة مركبة على جنوط صغيرة.

بإذن الله لو لاقيت سيارة كذا راح تكون مريحة جداً جداً.