باجيرو أو فورتشنر ؟

لا يغرونك الفورتشنر فازت بجائزة الافضل في فئتها
والباجيرو من فئتها
انصحك بلفورتنشر وانا مجرب الباجيرو 2009 وفورتشنر 2009
عندك الجيب رانجلر 2012 سياحي سعره 75 الف جديد ضمان و ريح بالك مكينة الجديد3.8 290 حصان الفورتنشر 220 حصان

افضلك الجيب جديد

أنا مسنتر هناك
عمومًا وجود مشاكل أمر طبيعي فهذا عمل إنساني
أما مكتم عليه إعلاميًا الأنترنت ما خلى شيء مكتوم
أما التطبيل شيء عادي لكثرة المبيعات

ما يبيلها حيادية
كل واحد يحدد نقاط القوة والضعف حسب اهتماماته
بعض الناس عنده قوة المكينة أهم من مسكة السعر
والبعض يفضل الشكل على القوة
والبعض يهمه بلد الصناعة أكثر من توفر وسعر قطع الغيار

والله يابعدي احيانا ادخل قسم الفورتشنر ب منتدى سيارات اخر

شوف البلاوي .. لكن هالشي مكتم اعلاميا والسبب تطبيل لتويوتا :smile:

معليش ي اخي تقارن الباجيرو بالفورتشنر ؟
الراحه الباجيرو اريح
القوه الباجيرو اقوى
الامان الباجيرو افضل
المواصفات الباجيرو افضل
بالاوف رود كلهم تقريبا نفس الشيء
سعر البيع الفورتشنر افضل بشي بسيط
قطع الغيار الفورتشنر افضل
الاهم مكان الصنع الباجيرو ياباني ام الفورتشنر تايلندي واندنيسي
احسب كم نقطه للباجيرو وكم نقطه لفورتشنر
انا مجرب الفورتشنر سياره للاسف ميته من الداخل والفرامل تعبان مره

ارجو الحياديه ب الموضوع :smile:

اخوي ...
لا مقارنة بين الباجيرو و البرادو..
مو الفشفش
الفشفش خارج اللعبه من زمان..
موتر عز وفخامة و رساوة الباجيرو
اما اخويsr20de يقول انك لازم تركب مروحه تبريد عشان المكيف و انها تكلفك 800 ريال..، انا اللي كاتب الموضوع و التكلفه تقريباً بالكثير200 ريال..
حبيبي لا مقارنه بتاتاً للباجيرو مع الفشفش..
مع كامل احترامي للي معهم فشفش.
لو تجرب الباجيرو و تجرب البرادو ان كان عرفت وش تاخذ.
حبيبي مواصفات في الباجيرو غير موجودة ف الشروكي الجديد..
مو في الفشفش..
خذ الباجيرو و انت مغمض

الباجيرو احسن بمراحل لا يوجد وجه مقارنه شكل احلي بكثير واداء جبار وقوه تحمل وصيانه قليلة جدا وقطع الغيار غالية فعلا بس سعرها فيها يعني ركب القطعه وانساها 5او 6 سنين غير كدا تعليقة مستقل يعني مرونه اكثر واعتمادية غير التعليق الثابت ال شركة تيوتا مصصمة علية وانا راعي باجيرو والكلام دة من واقع تجربة
لك تحياتي

شوف الباجيرو من فئة البرادو والباث ... صعبه مقارنته مع الفشفش (بالنسبه لي الباجيرو افضل)

بس إذا انت بالسعوديه فأقولها لك الباجيرو مايصلح لانه في السعوديه وكيل المتسوبيشي محشش ما احد يمدح فيه وقطع غياره مو متوفره ... إلا إذا انت تعرف ورشه متخصصه للمتسوبيشي وفاهمه عدل

قصدك تايلندي الأندونيسي جاء موديل واحد 2007 أو 2008 وبعده رجع تايلندي
وبعدين وراكم على الأندونيسي
العبرة بالإعتمادية قلة طلب الصيانة والدليل كثرة مبيعاته إلا إن كان راعي الموتر بيمشي وفي يده الاستكراللي عند الباب يعلم العالم تراه ياباني

باجيرو = ياباني
فورتشنر = اندوسي

لك الحكم .. الفرق واضح ..

باجيرو واترك البقره الانديسيه هذي

الباجيرو بالامان افضل من الفورتشر ب مليون مره

باجيرو وانت مغمض

أنصحك بفورتشنر 2009 وفوق لأن 2008 تانكييه أصغر ومكيفه الخلفي مكانه غريب
الفورتشنر تعليقه دفرنس بينما الباجيرو عكوس
الفورتشنر به دفلك والباجيرو فيه تراكشن
قطع غيار الفشفش أكثر توفر بحكم الهايوكس والأنوفا والميكانيكية والكهربائية الشاص والربع والبرادو والاف جي واللاند 6 سلندر

المتسوبيشي فخر اليابان و مكاينها مثل المارسيدس تكرف معك للأبد اذا حافظت عليها ولكن حبيت احذرك ترى قطع الغيار غالية جدا جدا جدا

الباجيرو جوده افضل بكثير من الفورتشنر
اقوى كمحرك
افضل دبل و قير
افضل في صرفيه البنزين
اوسع من الداخل

عيوب الباجيرو

تحتاج تركب مروحه خارج الرديتر لتبريد مكيف الرديتر لان بالصيف بعز الحر ممكن يحتر المكيف شوي اذا وقفت عشر دقايق
طبعا التكلفه بحدود 500 - 700 ريال اذا بتركب مروحه محترمه

سير التايمنق او صدر المكينه لازم يتغير كل 60 او 100 الف كيلو ماني ذاكر بصراحه و يكلف حدود 800 ريال تزيد او تنقص

كفرات الوكاله حقت الباجيرو تجي يوكوهاما قاااسيه جدا خصوصا لما تدوس على عيون القطط تحس الكفر راح يطير من مكانه بالمقابل الكفرات هذي راسيه بالخط بشكل عجيب الرساوه على حساب الراحه.