سيارات نيسان 2004 في السعوديه ( ارجو التثبيت )

يعطيك العافيه اخوي ...

مشكور وماقصرت على جهدك ....

تحياتي لك ...

عندي سئوال : ارجو الاجابة علية

هل من الممكن طلب و تركيب نظام الملاحة منفصل من النيسان و تركيبة على سيارات من شركات اخرى مثل التويتا و الهوندا ؟

السلام عليكم ورحمة الله وبركاته

والله ما لي نيه ابيع السيارة وديتها للمعرض وجابتلي اربعين يعني حرام اشتريها

بثمانين وابيعها بنص القيمة باصبر عليها تكفير للذنوب

وبصلح الرديتر وباتركها في الجراج عندي سياره غيرها

بس ابي ورشه محترمه تصلح الرديتر واللي عنده شور ثاني لا يبخل علينا

ما كتبت الموضوع الا ابي حل لرديتر المكسيما

مشكور اخوي المتخصص على النصيحه واذا بابيع السيارة اكيد نيسان ماراح افكر فيها

باكنسلها من اللست خلاص توبه درس وتعلمته منهم

انتظر رأي الباقين وخصوصا صاحب الموضوع

يا اهل الخبره اغير الرديتر ولا اصلحه ؟؟؟

SNIPER20 نصيحتي لك...

روح للحراج... وصرف السيارة... وطلعلك سيارة جديدة...

بس الحق يقال... زوج أختي عنده مكسيما سياحي موديل 99... ورجله حارة مرة وأنا رجلي حارة مرة والسواق سواقته خشنة (يعني يعشق بالقوة ويفرمل بالقوة ويشغل المكيف ويطفيه على سرعات عالية، تحسه بينتقم...إلخ)... ثلاثتنا نسوقها يوميا... السيارة ماشية للآن أكثر من 250 ألأف كيلو... وما عليها أي ملاحظات...
أظن سيارتك حالة خاصة... إما انها حظ عاثر أو أحد ضاربها عين... أو إنك عامل فيها حادث أو أكثر... والسيارة متى ما صار لها حادث أيا كانت طبيعي انها بتطلب وتطلب وتطلب ولا تتحل المشاكل...

المكسيما من ناحية التحمل حسب تجربتي أعطيها 100%... ومن ناحية المكينة مقارنة بذات الفئة أعطيها كمان 100%... لكن من ناحية الثبات والرساوة أعطيها أقل من المتوسط... ومن ناحية المتانة أو خلينا نقول احساسك بأنك راكب سيارة فأعطيها كمان أقل من المتوسط...

عموما حبيبي... السيارة بيعها وبدل ما تحط فيها كل شهر مبلغ وقدره... حط قيمتها دفعة أولى كبيرة والمبلغ وقدره اللي تدفعه عليها كل شهر خليه أقساط ميسرة لسيارة ثانية جديدة...


بالتوفيق،،،

السلام عليكم ورحمة الله وبركاته

انا ماسجلت في المنتدى الا لهالموضوع ولا يهونون الباقين

حبيت اشارك معكم وانقل معاناتي مع نيسان لكم

والله اني ماقلت هالكلام قصدي اشوه سمعة نيسان لكن علشان تدلوني على حل

وشركة نيسان غنيه عن التعريف لكن ماشوه سمعتها الا وكيلها بالدمام"الجبر"

والحقيقه انه ينظر الى كيف يجذب المستهلك ولا ينظر الى كيفية المحافظه عليه

لان المستهلك سينقل تعامل الوكيل معه الى الوسط المحيط به

من خلال تعامل الوكيل مع المستهلك يقدر يكون للوكاله شعبيه عند الناس

او انه ياثر سلبيا على السمعه والمكانه

كما هو الحال مع تويوتا و فورد وعلى العكس جاكور وساب

فارجو ان يكون رايي محط انتباهك والا يكون ردك بالفرق بين الحمراني والجبر

لانهما وكيلان لشركة واحدة

ندخل في صلب الموضوع بعد المقدمة الطويله

انا شريت مكسيما 2002 الدرجه الثانيه اول مانزل الموديل

وبعد شهر اوا اكثر الموكيف ماعاد يشتغل والابواب يدخل منها صوت على الخط

رحت للوكالة وانا ماشلت همها قلت في نفسي هنا فايدة الضمان

ويم جيت استلم السيارة قالي وين وين

رح ادفع قيمة اجور يد وذاك الوقت دق سلف والله يستر عليك

قلت ليه؟ السيارة على الضمان قال لي القطع بس واللي صار معك سوء استخدام

وسددت لهم 800 ريال مع تغيير زيت و وزن ابواب

مع ان السيارة جديدة وزنوا ابوابها

قلت مومشكلة اهم شي ان المشكلة انحلت

هذا اللي كنت حاطه في بالي لكن بعد شهر رجعت نفس المشكلة ورحت لهم

قال السمكري لازم كل شهر توزن الابواب وتربط السيارة تربيط كامل

قلت ليه تربيط كامل ؟ هي موديلها 2002 قال اذا بغيت السيارة تعيش معك

وصارت لي معهم بعض الاشكاليات اثناء فترة الضمان لا يسعني ذكرها

بعد ما انتهى الضمان بفترة بسيطة طلعت لي مشكلة بالحرارة

وانا امشي داخل المدينه على النص وانا واقف ترتفع الى

الثلاث ارباع وبعض الاحيان H وديها للوكاله لاني حاط في بالي ان مايصلح السيارة

الا الوكالة لو بعد عشر سنوات جيتهم واول مادروا ان السيارة تعدت الضمان

جاني المهندس على طول ولا العاده كني اتشحذهم

قلت للمهندس المشكله قال بنفحصها لك ونرد لك خبر يوم الخميس

الكلام هذا يوم الاحد!!!!!!!!

جيت لهم بنفسي يوم الخميس قال المهندس مشكلتك بسيطة انا استانست مرره

قال غير الرديتر بس !!!!!!!!!!!!

قلت بكم قال 1400 الرديتر و 200 تركيب

قلت الرديتر نسييخه وتنتهي المشكلة قال لا رديتر المكسيما بلاستيك وكبس

اذا فكيته مايركب مرة ثانيه قلت كيف حكمة انه هو المشكلة

قال فيه ماسورتين متسكره رديت عليه كيف عرفت

قال العامل فتح الغطا وشافه بالنور

(شغل العامل كذا يستاهل ميتين ريال ؟؟)

قلت مو مشكلة بغير الرديتر لكن على مسؤليتك اذا المشكلة مو منه

وانت تتحمل قيمة الرديتر (اقصد الوكالة) قال لي لا مالنا دخل ولا من مسؤليتنا

كلامه يدل على انعدام الثقة في عملهم

وخذيت السيارة والى يومك واهي واقفه من شهر تقريبا

وابي شوركم يا اهل الخبرة وش الحل اغير الرديتر

ولا احد منكم يعرف ورشة ثقه بالدمام ولا الخبر تشوف لي المشكلة

ارجو ان لا احد منك يبخل بنصيحة فانا محتاج نصايحكم


وآسف جدا على الاطاله ولاولى محبتي لنيسان ماعاتبتها




( للتواصل عبر المسينجر [email][email protected][/email] )

مشكووووووور على المعلومات القيمه

بس اناشايف صني بالمعارض وجهيتها مثل المكسيما ؟!!

تحيااااااااااااااااااااااتي

مشكوووووووور وماتقصر

وعشاك على القوه

سلام عليكم اخوي خالد الله يعطيك العافيه

قصتي

صراحه انا عندي ماكسيما2002 وانا ساكن في الشرقيه في الصيف الماضي 2002

تعطلت سيارتي على خط ابقيق الظهران بسبب سينسووور البخاخ واللي ادى الى اقفال

كامل للسياره وانا على سرعة 140 تخيل تمشي 140 والسياره تطفي فجأه . طبعا رحت

صلحت السياره وعانيت لمدة اسبوعين حتى وصول القطعه الكريمه للشركه على فكره القطعه لم تكن موجود لا في جده ولا الرياض ولا الشرقيه


المهم صلحت السياره ومشت معاي لمدة سنه بالظبط حصل معي نفس العطل على خط المطار الدمام

ولمما سألت المهندس وقلتله هذي ثاني مرره قال طبعا السبب الغبار والعج

اللي في الشرقيه

مما جعلني اقرر انزال سيارتي جده عند اخي لقلة العج هناك

سؤال بعد الشرح الطويل هذا هو الا يوجد طريقه لتدارك الموضوع مع هذي المشكله

يعني موو معقول الصيف الجاي حتصير نفس المشكله كل سنه على هذا الحال؟


ثانيا: ماهي مشكلة مقصات الماكسيما 2002 وهل هناك بالفعل عيب مصنعي في السياره ؟





بالنسبه لقطع الغيار يعني البوجي الواحد سعره 30 ريال مدري اعتقد شي يعني 180 ريال بواجي ؟؟؟؟؟؟!!!!

يعطيك الف الف الف الف عافيه على هامعلومات

ما شاء الله كفيت ووفيت ننتظر المزيد من المواضيع المميزة

مشكور اخوي علي المعلومات

اخوي خالد ياليت تنزل صورة لددسن2005 وتعطينا مواصفات عنه

اخوي خالد كم بيكون سعر الزد ؟؟

يعني يتراوح من كم لكم ؟؟

اخوي خـالـد الحمراني

صراحه موضوع شامل وكامل

مشكور وما تقصر

كل انواع وفئات النيسان موجوده

الله يعطيك العافية

تحياتي

صدقت خالد

بس في نقطة

أنا البليزر والانفوي ماكينتهم 294 حصان على 6 سلندر
والصرفية مثل صرفية السفاري 2002

تحياتي لك

الأخ خالد الحمراني...

مشكور على الالأجابة والتفصيل الرائع

بس اقصد بالأا 34 ار السيارة ..
SKYLINE GT-R
ما اقصد تبع الفورملا ون .....

وبالنسبة لنا ...ليش احنا البخاخات وبرى تون توربو ؟؟؟؟ سؤال ثالث ((شكلي تعبتك وياي)) .... هل نقدر نشتري التون توربو من عندكم طلبية ؟؟؟؟؟

ومشكور على الأجابة وتحياتي لك....

بالنسبة للزد الجديدة ....
ما دام بتنزل عندنا ..يعني الجي تي عندنا ... طب الـ34 ار .. وينها ؟؟


يمكن قصدك 390 ار ؟؟

اذا هي بقول لك مستحيل تجي بالسعوديه

لانها غاليه وتعتبر من فئة فورمولا 1


=======================================


وسؤالك : وايضا هل في الأمكان طلب الزد بتعديلات خاصة

لرفع قوة المحرك من اليابان ؟؟؟



الزد نوعين : الاول البخاخ العادي ومعروف شكله واعتقد شفت صوره

النوع الثاني التوين تيربو واللي فيه اضافت بالشكل والمحرك

طبعا اللي بيجي السعوديه والخليج بخاخ ومابيجي تيربو

بس بننزل بخاخ بمواصفات التوين تيربو من ناحية الشكل

والفرق هو : 1 - الجناح ( جناح رياضي غايه في القوه والتصميم )

2 - الخطه اللي على السياره بالوان ( اللي شفته للحين لون احمر )

3 - دعاسات للارجل مصنوعه من الالمونيوم ( الله يعزكم )

4 - شبك امامي اسفل الصدام اللي يسمونه دقن بس بشكل مميز

طبعا هالمواصفات تكلم الوكاله وهم يسوون لك طلبيه .

اما انك تطلب رفع قوة المحرك من اليابان نفسها

بقول لك للاسف مانقدر ولا بنطلب عشان مانتحمل النتايج بعدين

والمكينه نوع واحد اللي بيجي 6 سلندر 287 حصان


ارجو اني قدرت اعطيك اللي تبيه

بجاوبك حبه حبه

اول شي بالنسبه للثبات لكل سياره

طبعا GV 30 ارسى واثبت من اقل نوع وبفرق كبير


===================================


اما ان التقنيه اليابانيه غير متماسكه بالخط

بقول لك نظرتك ماهي صحيحه لاتنسى لكزس LS 430

تتفوق في الثبات على سيارات مثل المرسيدس والبي ام

( مابقول انفنتي عشان لاقولو متحيز )

===================================

واما عن المكسيما فلا تاخذ كلام

اول شي انت قلت ان سواقتك كانت رياضيه

وبعدين شوف الفرق بين شوارع الرياض وجده

الرياض كانك معطيها وجه فازلين

وجده لو كفرك منتهي وسيارتك الله بالخير السياره ماتتحرك


واللي يثبت لك ان السبب الشارع مو السياره

انه ماطلع صوت تتوقع سياره تزحف بدون صوت ؟


وشوف بالرياض في الملفات ( غالبا عند الاشارات يمين او يسار او يوتيرن )

اي سياره مهما كانت سبورت تروح معاك باللفه .

واما المكسيما بالنسبه للغولف

اول شي سوق قولف بالرياض وتعرف الفرق

وشوف فرق حجم السياره بالنسبه للتقنيه اللي فيها .


والمكسيما الجديده اوعدك تكون غير في كل شي واولها الرساوه

لانها مابتصير تتبع فئتها ( المتوسطه ) لكن بتدخل عالم الفخامه

وبعينك بتشوف الفرق في كل شي



واشكر لك مرور حبيبي