سيارات نيسان 2004 في السعوديه ( ارجو التثبيت )

أول شي أشكرك على الترحيب

وثاني شي على التثبيت

وانا ماكتبت بالمنتدى هذا الا لاني اعرف انه الافضل

وبلاقي ناس فاهمه وش المهم


وعن سؤالك :


الحمد لله الشركه ناجحه والناس تعرف وش معنى نيسان

ولكن كلامك صح 100% واعترف بالغلطه الكبيره هذي

شركتنا اضعف شركه في التسويق والدعايه

ومالنا اي تواجد يذكر في الاعلان

ولو زودنا الدعايه اكيد بتزود المبيعات

لكن فيه ظروف تمنع هالشي حاليا

وان شاء الله قريب بيتغير الحال

واشكر لك مداخلتك يا الغالي

كل اللي قلته موجود وزياده

فيه مكه والمدينه ودول الخليج

وفيه مناطق صحراويه بعد

ولاتنسى ان النظام ناطق بالعربيه

وهذا الشي كلف كثير

ودامه كلف اكيد بيكون بفايده وبيكون الافضل

بفيدك اكثر ان شاء الله

فيه موضوع بينزل عن نظام الملاحه مفصل وبتعرف كل شي


اشكرك على المرور

صحيح شركة نيسان قطع غيارها غاليه نوعا ما

ولكن ماهو الغلا اللي يمنع الزباين تشري سياراتها

وفيه شركات يابانيه اغلى منها بكثير

مابذكر اسامي لان المعنى مفهوم ..

والشي اللي اغلبكم ماتعرفونه

قطع غيار نيسان ارخص قطع تنصنع باليابان

واللي قطع غياره ارخص من نيسان تنصنع ببلدان ثانيه ( استراليا مثلا )

والا الباقي اغلى طبعا على المستوى الياباني فقط

وللاسف فيه وكالات يابانيه تروح لها ويقول لك الموظف انها ماهي اصليه

ويلعبون على العالم .. الحمد لله ان شاء الله مانخدع احد

واللي يثبت لك كلامي ان قطع غيار النيسان لما تبدلها

تخدمك اكثر من اي سياره تبدل فيها قطع

ونيسان لها زباينها اللي يعرفون هالكلام ومايفرطون بنيسان

مقابل اي سياره ثانيه

اعتقد اسباب الغلا انعرفت

بس برضه ان شاء الله قريبا تصير اقل .

واخوي خالد وهل هناك اي تغير على المكسيما 2004

ارجو الافاده بسرعه

اخوي خالد

يا ليتك تحط اسعار المكسيما من اقل نوع إلى افخم نوع

أول شي اشكر لك مرورك بالموضوع


اما عن سؤالك :

عند الناس كلها طلب واحد (عملاء نيسان)

اذا كنت واحد من اقارب منسوبي الشركة

يجب ان تحلو مشكلة الصرفية للباترول والماكسيما

حيث انهما أكثر السيارات شعبية عند الناس.

شوف يالغالي

صحيح ان المكسيما اكثر سيارات 6 سلندر صرفيه للبنزين

لكن تراه مو الفرق الكبير

بالارقام انا اعبي مكسيما فل بحوالي 55 ريال من تشتغل لمبة البنزين

وخويي معاه كامري قراندي ( معروف التويوتا هو الافضل بالاستهلاك )

معبيه تقريبا بنفس السعر لحد الفل

ومشينا للشرقيه بسرعة 160 كم / س تقريبا

وصلنا وانا في التانكي عندي الربع وهو فوق الربع شوي

يعني الفرق في التانكي مايتجاوز 5 ريال لو مشينا للنهايه

برايك هل هو فرق كبير بالنسبه لمكينه هي الاقوى في فئتها ؟


وانت انسان فاهم واعتقد عرفت قصدي


======================================


نجي عند الباترول :

أول شي من الاعجاز انك تحط مكينه 6 سلندر بقوة 280 حصان

شوف اللاندكروزر توه 240 والرانج روفو 280 بس مكينته 8 سلندر

واتحدى اي شركه تصنع نفس المكينه .

ما انكر كان فيه صرفيه بالاول بس الحين مع نظام VTC تغير الوضع

وتقدر تجرب بنفسك وتشوف صار استهلاكه في حجم المعقول

بالنسبه للقوه الهائله اللي يولدها وانا قريت موضوع يقول ان الباترول

يصرف 31 لتر لكل 100 كلم ؟


( المشكله اللي قاله ماجرب الباترول ولايمتلكه )

بينما الصحيح انه يصرف حوالي 18 لتر لكل 100 كلم

ولك الشرط تعبي التانكيين فل وتمشيك 700 كلم اذا انك داعس

واذا مهدي اكيد اكثر من كذه .

صحيح انه اكثر مقابل 16.2 للاندكروزر و 18 بالنسبه للرانج

بس قوته فيه وسياره معروفه ويكفي انه من افضل 10 مكاين بالعالم


ارجو اني جاوبتك على اللي تبيه

الف شكر اخوي خالد على الموضوع الرائع ويامرحبا فيك بين اخوانك في المنتدى

بحفظ الله :)

مشكووووور اخوي ماقصرت وفيت وكفيت

يعطيك الف عافية على الاخبار المفصلة

مشكور

مشكور على المعلومات .....

بالنسبة للزد الجديدة ....
ما دام بتنزل عندنا ..يعني الجي تي عندنا ... طب الـ34 ار .. وينها ؟؟؟؟
وايظا هل في الأمكان طلب الزد بتعديلات خاصة لرفع قوة المحرك من اليابان ؟؟؟

وسلامي ......

السلام عليكم

الحقيقة الأخ/ خالد الحمراني ما قصر وأفاد الجميع وزاد ثقتي في النيسان...

لكن عندي ملاحظة يعقبها استفسار...

الملاحظ إن سيارة المكسيما غير متماسكة بدرجة كبيرة على الطريق، وقد يفقد السائق السيطرة ويتسبب في حادث مفجع كما هو حال التقنية اليابانية بشكل عام في مجال الثبات
أما استفساري فهو هل من الصحيح أن المكسيما السياحي فقط غير متماسكة بالدرجة الكبيرة على الطريق، وأن المكسيما GV1/GV2/GV3 متماسكة جدا على الطريق ولا تفقد السيطرة بسهولة كما وصلني من البعض؟

سبب هذا التساؤل هو أني كنت أقود مكسيما سياحية موديل 99 في شوارع الرياض الزلقة بشكل رياضي نوعا ما كما تعودت القيادة في شوارع جدة، وما حصل هو أن السيارة عند أحد المنعطفات التفت حول نفسها دورة كاملة دون حتى صدور أي صوت من الكفرات (صوت التفحيط)... علما بأن نفس المنعطف يمكن أخذه بسرعة أكبر بسيارة الغولف دون أي فقدان للسيطرة وبتحكم كامل...

وهل ستزود المكسيما القادمة سنة 2005 بأنظمة الثبات المتعارف عليها أوروبيا بحيث تكون أكثر ثباتا وتماسكا مما هي عليه الآن؟؟؟

مشكوووووووووووووور على الموضوووووووع الحلو
وشكرا

مشكور اخوي الحمراني على التعب

الله يعطيك العافيه

الأخ خالد الحمراني

يبدو من موضوعك بأنك أحد منسوبي شركة الحمراني للسيارات ... إذا ما خاب ضني ...

ومهما تكون فأرحب بك أجمل ترحيب بيننا ... وشكراً على مشاركتك وننتظر المزيد .

تقبل تحياتي ...

والله موضوع رائع منك اخوي خالد الحمراني

هل نظام الملاحه هو الي نسميه (((( الماجلان))))؟؟؟؟؟

وليش مايركب على الصني والددسن ؟؟؟؟ هل هذا استحقار للسيارتين ؟؟؟
على العلم ان شركه نيسان كان اسمها ددسن
مفروض يقدرون قيمتها شوي
ارجو الافاده
اخوك
الهــــاجري
عــــاشق الــــصحراء

باااااااااااي

مشكور اخوي خالد ..

تحياتي لك

كفيت ووفيت
ويعطيك العافيه

يعطيك العافيه على هالموضوع الرائع




تحياتي