إستشارة بخصوص الكفرات

السلام عليكم
اخوي انا عندي فلسفه خاصه في الكفرات

ولك الحق بقبولها او رفضها

بالنسبه لي انا اغير الكفرات كل سنتين تقريباً حسب المشاوير والخطوط

انا عايش بالرياض
يعني حر وغبار وشمس
يعني لو اشتري كفر بقيمة 3000 ريال للكفر راح اغيره بعد سنتين ولو اشتري كفر بقيمة 500 ريال راح اغيره بعد سنتين

لذا انا ما اهتم لنصايح العالم وكل مابغيت اغير كفرات سيارتي او سياره عندنا بالبيت اوجه على جوديير واغير طقم وامشي لاني اشوف هالكفر ممتاز ووكالته جربتها قبل في مشاكل في الكفرات وكان تجاوبهم سريع جداً وحكمهم كان عادل ومرضي عشان كذا اوجه لهم وانا متطمن واغير كفرات وامشي

النقشه الرياضيه وانا اخوك ترا مامنها اي فايده الا بالعكس
سبق وجربتها وبهذلتني بالصوت

عموماً اذا ركبت النقشه الرياضيه تأكد انها مركبه صح حسب الاسهم اللي على الكفر لان بعض البناشر الله يصلحهم يركب وبس مايدري ان النقشه الرياضيه لازم يكون الكفر في مكانه اللي يمين يمين واللي يسار يسار حسب الاسهم اللي عليها
هي في كل الحالات لها صوت لكن لو تركب الكفر مقلوب راح يكون الصوت اعلى

ربي يكتب لك اللي فيه الخير