شورو علي يا اخوان VXR 2008 أو Prado 2013

رايي .. باترول 2013 أصفار ستاندر قيمته 170 ألف ...

ومواصفات رهيبة: حساسات اصلية امامية وخلفية، كاميرا خلفية، أنظمة الدفع الرباعي كاملة (مثل الفل كامل) [نزول المنحدرات-دفلك-تراكشن-اوضاع القيادة]، مكينة قوية، عزل رائع [زجاج السائق والراكب مدبل] ....


خل الموتر ضمن خياراتك ..

والله الفي اكس ار بأذن الله مامنه خوف

واحد من الشباب يملك موديل 99 وممشاه 300 الف ودايما يسرع فيه و سوا كل شي مرعب بالسيارة :tongue:

ولله الحمد للحين ماشية ولا فيها ولا عيب ومسيوم قبل سنه ب 80 الف

شوف ونا اخوك المستعمل بالنسبه لي ماراح ادفع به اكثر من 80 الف خاصه إذا له ثلاث سنوات او اكثر بالخدمه مار لو هو ذهب اما 160 الف بكذا عندي خيارات كثيره جداً اخذ سياره جديده على الزيرو ايٍ تكون هويتها والسيارات الأن اصبحت تتشابه طالما ان الكوري وصل لــ250 الف وش بقي ,بعدين السياره لو هي مخزّنه ترا كثير من القطع بها تكون اهلكتها السنين مثل الصوف واكيد ان السياره تعرّضت لترميل لأن اجوائنا صيفيه واحده تضع لها اثر كبير على لمعة السياره .

بالتوفيق..

الجديد جديد

برادو أو سيكويا

عندك خيار ثاني :

أنك تأخذ باترول 2012 مستخدم استخدام نظيف

بكذا تأخذ موتر جديد و سعه وفخامه وعزم قوي

او تأخذ باترول ربع 2013 وكاله فل كامل (سفاري) اوتوماتيك و تخشيب و دف لوك و ثلاجه و مكينه vtc 4800 سعره 160 الف

صحيح انه ماهو وسيع لاكن يقدر يشيل 5 ركاب بدون تحاشر

مالك لوى أولًا ماذا تقصد بالبر يعني التمشي بالنفود أو المراقى اللي يسويه أصحاب الربع والهايلوكسات ؟

جربت مواتر كثيرة في النفود ومنها الـ VXR , GX 460 لم أجد مثل السيكويا
ادخل على حسابي بالانستقرام وشف بعض الصور http://instagram.com/a_almoneef

^^

طيب يفحصها اذا فيها خربات مايشتريها

يا غالي حرام عليك ميزانيتك مره حلوه ليش تقطها في سياره قديمه ومستعمله ؟؟

يعني ما تدري اللي قبلك كيف سواقته واكيد مطعس فيها وكارفها كرف .. وغير ان الشوارع عندنا كلها حفر ومطبات والشباب سواقتهم الله بالخير مافي غير تدعس وقومات .. يعني اكيد عضلات الموتر مهتريه ومستهلكه

فنصيحه لك خليك على البرادو ... موتر تفكه وكاااااله على يدك يعني انت اول واحد يدق السلف والله شعور حلو .. وتكفيك ريحة الوكاله

انت مو كل يوم راح تشتري موووتر ... بس لما تشتري خليك حكيم وانا اخوووك

شطحة (الله يشتري سياره مستعمله كأنه يتزوج وحده مطلقة) مع احترامي

والله يوفقك يالغالي

عليكم السلام

والله أشوف افضل تأخذ VX.R خاصه اذا كان نظيف

البرادو صحيح انه جديد لاكن بتضحي بعوامل كثير منها الفخامة و الشكل و الاسم

ويمديك تحوله من 2008 إلى 2013 اصبغه ابيض لؤلؤي وخلاص يصير كأنه جديد وكاله

اهم شئ يكون نظيف وخالي من الرش والصدمات

وتوكل على الله ... وأستخر

اشكرك على الرد اخوي كومبو
والله انا اخوك السكويا حلوه لاكن ما ينفع تعتمد عليها كـ سيارة رئيسية، خاصة و انك عزوبي و ما تنفع للبر مثل البرادو و الاندكروزر لانهم مخصصين OFF ROAD


ان شاءالله بستخير و كلامك على متمه
فعلاً إذا السيارة على يدك ترتاح كثير من تجربه ولاكن برضة الجديد اذا غيرت رايك و بتبيع يطيح كثير بعكس المستعمل

الله يكتب الي فيه خير لي و لك و لكل من يقراء


فعلاً يا MAK MAK شي يحير
بس ما اعتقد وانا اخوك بتحصل 2009/2010 بالقيمة هذي يمكن بعض القطريات لاكن الاخوة القطرية ما شاءالله عليهم يحللون السيارة للاخير :bigggrin:
اما النظيف غالي وانا اخوك, لي شهر انزل السوق و كلهن من الـ 70 و فوق



كلامك صحيح يا مشعل مع قريب لي vxr 2009 ماشي 300 الف ولا يشتكي من شيء ما شاءالله لاكن ترى حتى البرادو مثله و يمكن احسن في التحمل بس مثل ما قلت شكل الاندكروزر افضل بكثير و افخم



والله الموتر ماشيء شوي لاكن الرجال يقول على الفحص

الله يكتب الي فيه خير



كلامك على متمه .. الجديد ما مثلة و تمشي فيه و قبلك قوي لانه مضمون 3 سنين لاكن بالنسبة للبرادو لازم تتنازل عن بعض المساحة + الشكل و المواصفات و الامان مقابل الاندكروزر :c0038:

و السكويا شايلها من بالي من زمان ولا فكرت فيها مرتين وانا اخوك مع انها حلوه لاكن البر ما ينفع له غير كروزر سواء برادو او لاند او اف جي للعزوبي
اما السكويا و الارمادا اعتبرها حقت سفر فقط او سيارة عائلات كبيرة


اشكر كل من شار علي و نصحني والله يجزاكم خير ولا عدمناكم

والله ياطويل العمر

اذا سألتني عن رأيي فـ انا افضل اني اخذ KIA جديده ومقرطسه افكها بديني ولا اخذ مارسيدس مستعمل وحتى لو كانت نظيفة

يعني برادو جديد ولا VXR مستعمل وقديم

واذا تبي الوسع زي ماقال اخونا كومبو11 خذ سكويا

وموفق ياغالي

إذا كان اللاند نظيف توكيل علئ الله .. لا يعلئ عليه شيئ

في مجموعة تويوتا .. أما غير كذا اشوف البرادو زين وعملي .

ممكن جي اكس ار اما في اكس ار لا

وبالنسبة لي انصحك باللاند ماشاء الله موب راعي خرابات وشكله رزة وفخم واعتمادي اكثر من البرادو والقيادة تختلف 360 درجه

والبرادو الي انت عربنته موب فل اوبشنز ف انصحك باللاند والله يوفقك

والله شئ محير بصراحه اذا جيت للكشخه والرزه والراحه فالفكس ار لايعلى عليه
واذا جيت للاستخدام وتريح راسك وسيارة ان شاء الله تخدمك ولافيه قصور فالبرادو ممتاز

لكن اخوي ابي اقولك شئ 160 تجيب لك في اكس ار 2009 او 2010 نظيف وموديل حديث
وبالعكس الايام هذي بعد الاسعار نازله

استخير وخذلك فره ثانيه وماعليك من اسعار المعارض انزل السوق

احسن حل انك تستخير
لاكن طبعا الفي اكس ار ماراح يكون زي اي سياره ثانيه وكاله
تكون مطلعها على يدك ومرتاح