مازدا6 ولا اكورد يا إخوان تكفون

انا من رأيي المازدا افضل

مكره أخوك لا بطل

ودي يراجع المنتدى بعض السياسات لكون بعض الردود تحسهم شغالين لحساب وكالات السيارات


وشكرا لكل من ساهم بدون غش

انا نظامي اذا شريت سياره اجي الوكاله عند اول 5000 الاف كيلو وبعدها اسحححببب عليهم الين مايمشي موتري تقريبا 60 الف ثمن اجيهم علشان يغيرون فلتر الزيت وزيت القير والاشيا هذي

اكثر الوكالات يقولون اذا سحبت علينا سيارتك تطلع برا الظمان وهذا الكلام من عندهم غير صحيح

الي تواجه مع مشكله زي كذا على طول يروح يشتكي عليهم وياخذ حقه غصب عن خشمهم

صار مع ولد عمي زي كذا شرى هوندا اكورد 2008 وكاله على عزها وسحب على الصيانه وبعد 40 كيلو تقريبا السياره هربدت مكينتها ومعد تمشي راح للوكاله ورفضت السياره بسبب انه يسحب على الصيانه

راح اشتكى عليهم في وزارة التجار ه وتقريبا بعد اسبوعين الوكاله اتصلت عليه وخيرته بأمرين تبديل سياره او مبلغ السياره وهو اختار مبلغ السياره وبعد 3 ايام صرفوله المبلغ

#

على فكرة بالنسبة للاخوان الي يشتكون من تعامل الحاج بعد الشراء وانه مافيه مراكز صيانة كثيرة لمازدا, ترى نفس الشيء بالنسبة لهوندا مع هاشم , مراكز صياناتهم قليلة وخبرة العاملين ضعيفة جداً , والاخوان في منتدى هوندا تكلموا عن هالشيء

والله مااحط 88 الف على هوندا لا وبعد سياحي

انا ماارحم الا الي شاري فل كامل سبورت 6 سلندر قيمتها حوالي 135

اقدر اشتري بقيمتها تشارجر نص فل وكاله كرايزلر استاندر وكاله يوكن وكاله تاهو ر وكاله

المازدا سعرها ستاندر ب 67الف اما اكورد اليوم رحت الوكالة تخيل رفعوها من 86الف الى 88الف و400ريال وين جالسين

غالية جدا وانا اخوك مرة ماتستاهل سعرها مبالغ فيه بقوة انصحك تشتري مازدا وتوفر 22الف في جيبك

والله صدقت ياخوي المازدا وعن تجربه سابقه لها ميزتها الخدمه مابعد البيع

الحمد لله جربت الهوندا 3 سنوات
وجربت المازدا 4 سنوات

السيارتين ممتازة والعزل في الهوندا يتفوق لكن المازدا كانت الأفضل بشكل عام
لأن سعرها أفضل وفرت 20 ألف، رساوتها أفضل بكثير، مواصفاتها ومزاياها أعلى
يعني تحس ما شاء الله إنك راكب سيارة أوروبية وليس يابانية
بالإضافة إلى الأهم من ذلك كله وهو خدمة ما بعد البيع افضل بكثير حسب تجربتي.

والله ياخوي انا معك الاكورد غالية بصراحة والمازدا سعرها اقل واكثر مواصفات والشباب يمدحونها لكن الكلام مو الحين الكلام بعد 4 سنوات وانا ماثق فيها تصير قوية مثل الاكورد

بنصحك نصيحة وهي ان شاء الله راح تكون الفاصل لك بعد الاستخارة . جرب استأجر السيارتين انا جربت الاكورد يوم كامل وارتحت لها انت جرب السيارتين كلهم خذ المازدا 6 يوم وخذ الاكورد يوم كامل وشف وش يجوز لك :)

لا بالعكس السياراه عندي والمكيف من احسن ما يكون

والله السوبارو هالايام منتشره واشوفها بكثره ماادري وش السبب

اختيار جميل ،، :xyxthumbs:

يا أخي الكريم استخر .. وانا اشوف انك تبتعد عن الاكورد لأنها غاليه بالنسبة لمواصفاتها

وخذلك واحدة من السيارات هذي اتوقع انها مناسبة لميزانيتك:

١- مازدا.

٢- سوبارو مثل ما اقترح عليك الأخ.

٣- ماليبو ٤ سلندر فل كامل.

ممكن تعطينا كيف رساوتها على سرعه 180 مثلاً
وممكن تقارنها بسيارات معروفه برساوتها مثل الكابرس او الاكورد

قبل شويه صاحبي يحاكيني يقول بانو مشكلة المازدا6 مكيفها ضعيف


وش رأيكم يا أصحاب التحارب

يااخي اكيد المازدا 6بدون تفكير فيها مواصفات موب موجودة في ستاندر اكورد ومع انا الاكورد اغلى بكثير تخيل ستاندر ب86الف

والمازدا ستاندر ب66الف تخيل فرق 20الف تقدر تحطها بجيبك وانت مرتاح وتوفر 20الف ياشيخ والله مافي احلى من كذا

مواصفات المازدا روعة وبسعر 66الف بس ومعروف المازدا قوية من الي يقول حق خرابات عمره ماجرب المازدا

المازدا فخر اليابان قوة وتحمل زي الاكورد بالقوة تحملهم جبار انصحك تشتري مازدا

اذا فيك ترسلي رقمك ع الخاص حاب أتواصل معاك اذا ما عندك مشكله دامك مقتني للسياره:ch19:

انا حاليا معي مازدا 6 2014 في حياتي ماشفت ارسى منها راسيه جدا جدا جدا

اما من نحاية عزل الهواء اعطيه 7/10 العزل الارضي اعطيه 8/10

اسمحلي اخي الكريم .. المازدا افضل سيارة بفئتها من ناحية رساوة السيارة عن تجربة من موديل 2003 الى يومك هذا .. ارسى من الألتيما والأكورد