اذا تبي سياره وسيعه ومحرك قوي وعزل خرافي خذلك الإمبالا الجديده .. هي أوسع سياره سيدان ممكن تحصلها بالسعر هذا ، مساحتها الداخليه جدا ممتازه لكن بسعرك قرّبت من الستاندرد بـ108 ألف ومواصفات الرفاهيه لك عليها .. لكن صدقني محرك 6 سلندر 305 حصان والمساحه الداخليه والعزل الخرافي تنسيك سيارات الحجم المتوسط 4 سلندر
وفيه خيار اخر وهو الفورد تورس ستاندرد عليها عرض بـ95 الف اعتقد .. قوة مكينه وعزل خرافي وراحه لكن مساحتها الداخليه لك عليها مقارنه بحجمها ... لكن صدقني بالعزل والراحه والمكينه ممتازه جدا والأفضل بسعرها ( جربتها الاسبوع الماضيي وانصدمت من العزل والراحه )
اما اذا ما تحرص مره على المساحه الداخليه والعزل والمكينه وتبي مواصفات رفاهيه من كاميرا وحساسات ونافيجيشن ونظام صوتي ..الخ عندك المازدا 6 الجديده لكن حط فبالك ان العزل لك عليه ولا يقارن بالامبالا والتورس
إضافه تذكرتها : التورس نص فل بدون فتحه ولا جلد بـ108 الف على ما اعتقد .. فيها شاشه 8 انش وحساسات خلفيه وجميله من الداخل .. خيار ممتاز من وجهة نظري
ايضا توجد الفورد فليكس شكلها حلو ، ووكالات شيفروليه فيها سيارات حلوة مثل الترافيرس .
انا انصحك تروح الوكالات وتشوف كل السيارات الي قيمتها مناسبة وايش مواصفاتها ، لان مو كل سيارة تجي ستاندرد مثل الثانية ، وايضا مو كل سيارة راح تعجبك . ابدأ بالفورد والشيفروليه وبعدها الهونداي والكيا .
الله يحفظلك اولادك ، على حسب عددكم لازم سيارة 3 صفوف من المقاعد لكذا يبغالك ترفع الميزانية حبتين ( 25 الف ) , بكذا تقدر تشتري مازدا cx9 (جلد وشاشة و كاميرا للرجوع للخلف وملاحة وثلااثة صفوف ) فل او هونداي سانتافي فل ( ايضا شاشة وملاحة وبنوراما وجلد وكاميرا للرجوع للخلف ) بس مشكلتهم اخر صف ضيق واعتقد المازدا والهونداي تقدر تشتريهم ستاندر بقيمة قريبة للمئة بس راح تتخلى عن فكرة رفاهية . و اعطيك خيار اخر حلو ومريح ( اشتري اكسبيديشن ب 109 الف ريال وحط تقريبا 5 الاف اشتري فيها شاشات وكاميرا ) الاكسبيديشن واسع ومريح مرة يعني اولادك راح يرتاحوا في الجلوس في المقاعد الخلفية ... وترى قيادته حلوة لسيارة بهذا الحجم صحيح تحس انه كبير بس قيادته حلوة.
