سوناتا ام الكامري

اخوي افضل لك السوناتا
الكامري تجميع ياخوي ماتصلح
والخيار الاول والاخير لك

الكامري اعتماديتها افضل .. واسال اهل الليموزين يعلمونك اصحاب السوناتا كيف القطع ومين اللي تكد معهم ليل نهار هي او الكامري ,,

عن نفسي اذا انت حاصر نفسك بين السيارتين فقط
فارشح لك السوناتا بسبب تعطيك مواصفات مقابل الي تدفعه و سياره تعتمد عليها الصراحه و صبوره

عندي 2 عندهم سوناتا الاول 2010 الشكل القديم و كرف فيها كل اسبوع 170 كيلو رايح و 170 جاي غير مشاوير العمل و التنقلات

و الثاني 2011 كرفها على خط الرياض كل اسبوع رايح جاي غير التحركات و اوقات يروح و يرجع في نفس اليوم
و ماشاء الله تبارك الله عليها

و اعرف كم واحد عنده كامري الصراحه مايمدحونه ميزته يمسك سعره فقط
الي اعرفه عنده 2010 اعتقد اخر دفعه من الشكل القديم لما استشرته قالي ابعد عنه احسن لك

غير المشكله الي كثير يشتكي منها ولا احد يقدر ينكرها (طبعا في بعض اذا مو اغلب الكوامري )
وهي نقص زيت المكينه ؟ يعني تمشي 3000 تنقص علبه و من هنا الى الرياض يعبيها ربع او نص علبه
الي اعرفهم شيكو في الوكاله و مشاكل معهم و في الاخير الرد طبيعي !؟

و اعرف واحد ماشاء الله على كلامه مالاحظ هذي المشكله في سيارته لكنه يغير الزين كل 2500 اللى 3000

طولت عليكم وهذا مو تحايد او كره لسياره معينه لكن هذا الواقع الي انا ملاحظه الكامري يشفع له اسم الشركه و اسمها من قبل
و ان شاء الله اذا وقع اختيارك عليها ما تكون فيها هذي المشكله

اخوي انت ما حددت مزانيتك كم لان في هذي الفئه بالذات منافسين كثار و الواحد يحتار كثير في اختيار السياره المناسبه

بالنسبه الي يقول المازدا للخكاريه اقوله لو سمحت ارتقي باختيار الافاظ في هذا المنتدى الراقي
احنى هنا نفيد و نستفيد ولا في افاده في الي ذكرتها

و شكرا

لاهذي ولا ذيك خذ مازدا 6 اللي حطمت الكوري والياباني والامريكي مع بعض في فئتها

انحش عن السيارتين وانا اخوك نصيحه
في نفس فئتها فيه سيارات افضل بكثيررر
عندك مازدا 6 الجديده + ماليبو + كورد فل مخمل
اتمنى تعيد النظر في خيارات ولو تركز على المازدا افضل لك

لا كامري ولا سوناتا

مازدا 6 الجديدة لا تفوتك اذا كنت ذكي

السلام عليكم

سوناتا افضل والاسباب ( مواصفات اكثر + ثلاث وكالات + توفر قطع الغيار الاصلية بشكل كبير وبسعر ممتاز + عملية ويعتمد عليها ) وافضل شكل من الكامري من وجهة نظري

والله يوفقك ويسهل امرك

كامري

السوناتا السنة الجاية نازل شكلها الجديد الكامري باقيلها 3 سنوات حتى تتغير

ناهيك عن خدمات البيع و الكرف و المكدة

خذ سوناتا فل كامل
يكفي فيها تبريد مقاعد !!

سوناتا او اوبتيما و انحش من الكامري نصيحه اخ لاخوه
واحد اعرفه معه كامري 2013 كمبرسور خرب عليه ! ياهوه موتر وكاله ؟لسى طالع؟
طبعا اذا كنت ناوي تستخدم ولا همك تبيع .. مع ان السوناتا ماعليها
صارت تمسك سعرها مو زي اول يادوب تطيح 8 10 الف استخدام سنتين او 3 اشوفه شي جميل

كامري وانحش عن الهونداي + كيا