والصلاة والسلام على اشرف الانبياء المرسلين سيدنا ونبنيا محمد وعلى آله وصحبه وسلم اجمعين اما بعد .
استكمالا لموضوع بخصوص كمبروسور الكادينزا وفتحات التكييف بالرابط ادناه :
http://www.assayyarat.com/forums/thread272134.html
وعلى الرغم اننا حالياً على ابواب البرد والشتا بئى أد
لا يمنع اني اذكر لكم تجربتي في تغيير كمبروسر سيارتي الكادينزا موديل 2012 وبحثي في هذا الموضوع لمدة شهرين متواصلين الى ان خذت خبره وعلى بركة الله نبدأ بمقدمه عن الموضوع
كما تعلمون الكمبروسوات نوعين
النوع الأول يعمل بنظام (الكلتش) وهو موجود في كمبروسورات السيارات القديمة .
النوع الثاني (كهربائي) يعمل في السيارات الحديثة .
من مزايا الكمبروسر الكهربائي انك ماتحس فيه لما يشتغل وياخذ كهرباء 6 watt ومريح للسياره ولا يؤثر على عزم السياره ولكن من عيوبه انه سريع التعطل ويعتبر عيب مصنعي فادح في السيارات الكورية ناهيك عن تبريده ليس بذلك الجوده .
من مزايا الكمبروسر (الكلتش) انه نادر التعطل وقوي جدا في التبريد تقول ماشاء الله كأنك في ثلاجه وياخذك كهرباء 12WATT دبل الكمبروسر الكهربائي ولكن له بعض العيوب التي ان شاء الله لا تؤثر وسأذكر بعض عيوبه على وجهين
الوجه الاول في سيارات الاربع سرندل تحس برجفه بالدركسون لما يعمل الكمبروسر لمدة ثانيتين وتختفي وكل مااشتغل تكررت الحركة وهي عاديه وغير مؤثره وايضا يضعف نوعا ما من عزم الماكينه .
في سيارات الستة سرندل ومنها الكادينزا لا تتأثر السياره برجفة الدركسون لما يعمل ولكن يلاحض ضعف في عزم الماكينه ولا تلام في ذلك لقوة الكمبورسر (الكلتش) وهو لا يؤثر على الماكينة نهائيا ولا يلاحظ ذلك الفرق الا من كان يقود سيارته قبل تغير الكمبورسر الكهربائي بسيارته لكمبورسر يعمل بنظام الكالتش .
اقولكم انا ايش عملت بعد البحث الطويل في هذا الموضوع
رحت لوكالة الجبر وطلبت نفس كمبورسر سيارتي الكادينزا وهو من شركة (HCC) وقالي بعد الخصم يطلع لك ب مبلغ (2840 ريال) تقريبا او تزيد قليلاً؟!
رحت لوكالة النهدي حيث ان قطع الهوينداي نفس قطع الكيا والمصنع واحد كما افاد اكثر الاعضاء الكرام لقيته نفسه واعتقد انه نفس كمبورسر الازيرا بمبلغ 2200 ريال
الطامة الكبرى لقيته نفسه عند المنصوري موزع معتمد لهيونداي ونفس الاستيكر ونفس الشركة (hcc)بمبلغ 790 ريال ؟؟!!
قلت بتأكد نصحني احد الاشخاص انه في شارع العنوز بالصناعيه القديمة فيه محل مختص بمستلزمات التبريد من كمبورسورات ومواصير والاديرات ومواصير واذا ماخانتني الذاكره لوحته بيضا وفيه اسم آفاق واعذورني الذاكره قامت تنسى ههههههههه
قلت ابي كمبورسر قال موجود عندي كمبورسر كوري وهو افظل نوع من شركة (HCC) وبمبلغ 800 ريال والجبر الله يهديه يبيعه بمبلغ 2840 ريال ؟؟؟!! ونفس الشكل والعلامات وكأنه هو وقد يقول قائل انه يمكن الدرجه الثانيه بعد الوكاله
فأقول له لا يضحك عليك الجبر كلها واحد بس الفرق بين مستودع الوكاله ومستودع المحلات اللي برا الوكاله والوكاله لا زم تاخذ ضريبتها من ضهر المواطن المسكين .
قلت لو بغير كمبورسر الوكاله الكهربائي ماراح يصبر معايه وماراح يتحمل
بحثت عن البديل وطرحت فكرة اني اغيره وارهم لسيارتي كمبروسر كالتش بدل الكهربائي المخيس
ذهبت على بركة الله لورشة تبريد ممتازه ساقني القدر لها وتعاملهم جداً ممتاز ممتاز ويعملون لك اي شي حتى لو بعد انتهاء فترة الضمان لأن سمعتهم تهمهم
اول مادخلت الورشه لقيت عندهم سيارات رسمية للأمن العام وسيارات للاسعاف استغربت ايش السالفه قالوا لي حنا هنا نرهم كمبروسورات كالتش وهذي افظل ورشه مجربه وجدا تعاملهم ممتاز ..
استشرت المهندس في الورشه وقالي خل سيارتك عندي ومالك الا طيبة الخاطر واتصل عليك
بعد اربع ساعات اتصل علي الرجل وقال نستطيع ترهيم كمبروسر كالتش بدل الكمبروسر حق الوكاله الكهربائي من دون مانغير في سياراتك ولا شي السيور نفسها والاديتر حق المكيف نفسه والمواصير نفسها لكن نركب لك قاعده يركب عليها الكمبروسر .
قلت له ايش نوع الكمبروسر الي بتركبه في سيارتي
قال تبي افظل كمبروسر صنعته اليابان ؟؟!!
قلت ايش ؟؟؟!!
قال >>>>> كمبروسر الكامري 2002
قلت خلاص اتكلنا على الله كم السعر وكم الضمان
قال بعد شد وجذب كلفني مبلغ 2300 ريال شامل الفريون والترهيم وتغير الكهرباء من 6watt الى 12wattوتم تركيب كتاوت لهذا الشي
اسم الوشة ورشة فؤاد للتبريد والكهرباء بالصناعية القديمة شارع الجمعية بادارة المهندس وليد العامري واذا سمحت الادارة احط رقمه ماعندي مانع ليستفيد اكثر الاخوه والي بيروح للورشة واتكل على الله يقوله من طرف راعي الكادينزا اللي صلح عندك الكمبروسر ولا زم تعطينا خصم خاص وانتم وشطارتكم .
ملاحظاتي على سيارتي بعد شهر من الاستخدام
ماشاء الله قوة تبريد جباره وكمبروسر قوي ويستاهل كل ريال اندفع فيه حتى وانت واقف لساعات انسى يفصل او يفصل فما بالك وانت تمشي بالسرعات العاليه ثلااااجه ماشاء الله .
من العيوب الي واجهتني ضعف نوعا ما وغير مؤثر في عزم الماكينه عند تشغيل الكمبروسر وهذا الشي لقوة الكمبروسر الكالتش عكس الكهربائي .
خلاصة كلامي انا غير نادم على تغير الكمبروسر ونتائجه ممتازه بالنسبة لي
وعرفت ان كمبروسر وكالة كيا الكهربائي ما يسوى ولا ريال مع كمبورسر الكامري 2002 .
واي استفسارات انا جاهز لكم ياأعزاء .
