اول شي جزاكم الله كل خير على الردود وعسى ربي يرزقكم الجنه اجمعين
من خلال نصايحكم ومعلوماتكم راح يكون اختياري من احد االسيارات التاليه
لكن اذا فيه امكانية وعدم ازعاج تذكرون لي جودة كل وحدة واسعارها وتوفر القطع واسعارها وصرفية البنزين تكون اقل
مع الأخذ بعين الاعتبار بأن ظروفي الحياتية ماتسمح لي بتحمل مشاكل السيارات او اعطالها + السيارة راح تكون بيد سائق وعسى ربي يوفقنا
Santa fe
مازدا cx9
chevrolet traverse
Prado
kia sorento
rav4
وسيارة راف فور قريت عنها كثير وقريت انها صبورة وقليلة اعطال واتوقع فيه نوع منها فيه صف ثالث او انا غلطانه؟واللي جعلني ادرجها انها من شركة تويوتا
هل فيه معلومات تقدرون تفيدوني عنها من حيث الجودة والخرابات
والسموحة منكم اني ازعجتكم ومالكم الا الاجر من الله
حياك الله
بقول لك رايي من تجربة :
كل السيارات اللي ذكرتيها حلوة وتقوم بالواجب
بس
وضعك مثل وضعي
بحكم اني مدير ببنك ومن بعد الفجر الى بعد المغرب وانا بالدوام ،، وبمقدوري شراء أي سيارة ولله الحمد..وأكرمني الله بشراء سيارتين وكالة لأبوي هايلكس + جيب فورد اكسبدشن ..
لكن كنت ابغي سيارة لنفسي أنا فأحتاج اشتري سيارة صيانتها سهلة وسريعة + جديدة +قليلة الاعطال عشان ما افرفر بالورش+ تصلح للمدينة والسفر + السعر المناسب + خلوها من العيوب المصنعية + الثقة فيها لان كل هذه الشروط عشان أوفر وقت وأجلس مع عائلتي ...
- الراف فور سيارة يابانية ورائعة لكن بدون صف ثالث فحذفت هالخيار .
- البرادو 4 سلندر ياباني ومناسب مع السواق لكن سعره مبالغ فيه بقوة وبسعره فيه بدائل افضل بينما المستعمل غالي او ملعوب ومغشوش فيه.
- السنتافي +كيا سورينتو وهي الجيوب الكورية لا أثق فيها ككرف لمدة 5 سنوات + زحمة الصيانة عند الوكيل + كثرة تغيير الموديل من الشركة لكن احترم فيها سيارات السيدان لاني اشوف منافستهم فيها .
- الترافرس + التريل بليزر أسميها أنا سيارات الفقاعة .. تطرحها الشركة عشان الربح ،، واذا ما صارت مرغوبة يقطعونها ..!! وش ذنبي أنا اشتري سيارة وبعد كم سنة تنقطع ...!!!!
- الاكاديا معشوقتي لكن خربتها الشركة بالعيوب المصنعية وخصوصا عمود الكرونة
- الدودج دورانجو .. (أروع سيارة بلا منازع) لكن الوكيل قتلها .. وبتعض اصابع الندم بسبب الوكيل .
- فورد فليكس انتي ذكرتي ان فيها مشاكل .
- مازدا CX9 تستحق الاقتناء لكن لا اثق بالوكيل .
فاشتريت فورتشنر فل كامل 6 سلندر شبه جديدة من قسم المستعمل وبسعر صيدة ،،، سافرت عليها الى الخفجي والشرقية وسافرت من الرياض الى دبي 8 ساعات انا وزوجتي وتمشينا بدبي لأيام ثم رجعت الى حفر الباطن 12 ساعة متواصلة وكانت مريحة وحلوة وسيارة أشكر الله على اقتنائها .. سيارة اعتمادية وراحة وعزل أراه مناسب وجيدجداً أقبل بها مقابل الاعتمادية والكرف والثقة فيها.
ولكي لا يتهمني أحد بالانحياز لها ،، اقول له ترى سيارتي أول لكزس وعندنا فورد اكسبدشن ولومينا ،، وعيني الحين على الباترول البطل ... لكن يهمني سيارة تخدمني وتريحني مو أنا اللي أخدمها.
البعض قد يقول انها غير مريحة لأنه ياكل مطب على سرعة فأكيد بيضرب راسه بالسقف ،، والبعض يراها هايلكس مصندق فالمطلوب سيارة ما تخرب علي بالشارع قدام الناس او تتعطل على خط سفر .
وبالتوفيق في شراء السيارة وان شاء الله تشتري اللي احسن منها .
والسلام مسك الختام.
