جيب رانجلر أنليميتيد 2014

اها شككرا

طيب بالله نزلو موضوع يتكلم عن الدفلوك وكيف اعرف ان هسياره فيها دفلوك ولا لا ومتى يشتغل

رحت اليوم للوكاله وشفتها والله موتر فخم

ياحبذا أن لا نتشعب وأن تكون الردود عن الرانلجر انليميتيد الموديل الجديد 2014 وإذا أي جديد عنه أو معلومات أكثر عن أداء المحرك والجير وآداء السيارة بشكل عام على الطرق السريعة والوعرة لكي نستفيد ونفيد غيرنا لأن سيارة الجيب بحد ذاتها تختلف عن بقية سيارات الدفع الرباعي من حيث التصميم والمميزات وعليها جدل كبير ولأنها جيب فلا جيب إلا جيب ،،، تحياتي لكم .

في عندك خلط في بعض المعلومات

لي رجعه للموضوع و راح افصل اكثر في موضوع الدفلوك الالكتروني و الميكانيكي.

الاخ الى يسئل عن التاهو ليتك فتحت موضوع مستقل من اجل تعم الفايده ولا نخرب موضوع الرجال

بخصوص الدف لوك في اليوكن والتاهو مالها علاقه بالتراكشن
هذا دوف لوك ميكانيكي متى مااستشعر ان احد الكفرات الخلفيه انزلق مباشره يقوم بقفل الدفرنس وبتالي يكون دوران الكفرات الخلفيه متساوي

وهذا فيديو يوضح كلامي

يوكن

http://www.youtube.com/watch?v=27mwmqwbPcM

جمس سيرا

http://www.youtube.com/watch?v=SlzFs1QnyZg

فكيت الدرج الي على اليمين ولا شفته

بالله يمديك تدق مكانه بصوره ؟

طيب لو اركب دفلوك هل له ضرر على السياره خاصه ن يركبونه على الدفرنشش و يضطرون يفكون الكارونه ومدري ايش

السعر ما يختلف عليه اثنين انه غالي,,
أعتقد الباجيرو يؤدي الغرض وسعر ممتاز.

أخ
هل يختلف السبورت عن الصحارى بالهفي دويتي؟
في هذا المقطع يذكر ميزة الهفي ديوتي في الصحارى ولم يذكره في السبورت فهل توضح لنا المقطع ؟
https://www.youtube.com/watch?v=_SwKHL7523g&feature=youtube_gdata_player

أخوي التاهو واليوكون اللي بدبل وبدون دبل وحتى الدينالي ذو الدفع الرباعي المستمر أغلبها يجي فيها دف لوك

وماله علاقة بالتراكشن كنترول أو نظام الثبات الأالكتروني

وهذا نوعه Eaton g80 locking rear differential

ويمكن معرفة وجود الدف لوك من عدمه بالبحث عن الرمز (G80) في الاستكر الموجود في درج الراكب الأمامي

------------------------------------------------

بالنسبة لشركة جيب أنا لي خبره معهم من سنة 2000 عندي شروكي باب واحد قير عادي جديد على وقته ب 57 الف الله يسقي أيام الرخص :blue:

السيارة قوية جدا لكن الجودة ماش مهي ذيك الزود وتعامل الوكالة زفت والقطع غالية

الشروكي اللي عندي فيه دفرنس محدود الإنزلاق وفيه كلتشات ويحتاج حسب توصيه الوكالة (لأني شريت السيارة بدون كالتلوج) يتغير كل 20 ألف كم سلامات :c0038: سحبت عليه وضرب الدفرنس عند 32 الف كم

حرارة --- الكلتش يحترق بسرعة-- غيرته حوالي 6 مرات والسيارة مأتوقع عدت 320 الف كم في خلال 13 سنة وهي مسافة بسيطة مقارنة بعدد السنوات -- مشاكل كهرباء ماتنتهي مع نظام الكويلات الخايس ---- أذكر مرة كنت أطعس على بعد 100 كم ممن الرياض وحساس الكرنك ذاب من حرارة القير وتعطلت 12 ساعة داخل الطعوس بس ربك ستر وطلعت

السيارة قوية في بداية التطعيس لكن بسبب تصميم الثلاجة فوق المخرج الشكمان سرعان ماتقفد قوتها بسبب الحرارة اللي تأثر على الهواء اللي داخل للمكينه

سيارة خلتني أعرف جميع تفاصيل السيارة وتركيبها بالطريقة الصعبة اللي هي الورش والأعطال


في المقابل عندي أف جي 2012 فرق شاسع في الجودة والعملية مع أني مازلت أقول مايستاهل سعره حده بالكثير 125 الف

المشكله الوحيده اللي ظهرت هي تنسيم من الزجاج الأمامي وتحتاج تغيير على الضمان أو غراء للتثبيت وتتنتهي المشكله


عيبه الوحيد >>> موقع فلتر الزيت تحت لازم تفك 3 صاجات الحماية وهذا ياخذ وقت وفلوس زيادة عند التغيير

اذا سواقتك 80 بالميه بالمدينه التاهو اكيد افضل.

الدفلوك يجي بالتاهو الكتروني يسخدم التراكشن كنترول عشان يقوف اي كفر يدور على نفسه بسرعه اسرع من باقي الكفرات.
ما تقدر تحولة مانوال الا اذا ركبت دفلوك من شركات اخرى مثل detroit locker او شركات ثانيه

طيب وش اكثر عمليه هو ولا الاف جي ؟


بكل صررآحه مع العلم السواقه 80% مدن 20% بر

وتخبر سواقت البر كيف تهربد بالموتر =(

وصدق فيه دفلوك اتماتيكي اعني التاهو وهل يمديني اخليه منول ؟

الافجي المكينه القديمه كانت بدون vvti و الجديده جاء فيها نظام تغيير توقيت الصمامات و صارت قوتها اعلى بالاضافه الى نسبه انضعاط البستم اعلى.

التاكوما و باقي السيارات اللي فيها توقيت الصمامات تختلف فيها انضغاط البساتم او يختلف فيها سماكه قازقيت راس المكينه شي بسيط.

بالنسبه للمواصفات الامريكيه فيه نوعين مواصفات الاولى المواصفات الفيدراليه و الثانيه مواصفات كالفورنيا و مواصفات كالفورنيا دايما تجي قوتها اقل بسبب انظمه التلوث و يكون قوه المكينه اقل من مواصفات النظام الفيدرالي.

اما موضوع القير و الدفرنش ما يختلف عن الباقين.

انت ليش تلف و تدور بالغصب قير الافجي ارخص؟؟
الاسعار كلها من امريكا للسيارتين و كلها للقير لوحده فقط بدون الكلتش و بدون عصى التعشيق.
و قلت لك السعر اللي انت حطيته حق قير الافجي قير موظف معاد تصنيعه بالعريي بالمختصر قير خرب في سياره و بدلوه على الضمان و تم توضيبه بالمصنع و تم اعاده بيعه عشان كذا سعره نازل.

النتيجه قير الرانجلر ارخص و انا اثبت كلامي قدام الكل و انت جالس تتكلم من واقع نفسك فقط و بدون ما تتاكد او تثبت شي.

طيب ليش بعضها 235 حصان والأخرى 271؟

انا حطيت لك اسعار الوكيل واصل البلد مشحون ومجمرك وخالص !
تحط لي اسعار انترنت وفي امريكا تراني ساكن في الكويت مو في نيوجرسي يالحبيب! بتقولي اطلبه من بره تراه جير ووزنه ما هو كيلوين علشان اقدر اطلبه من ebay و شحنه راح يكلف اكثر من سعره وعلى كل هالاسعار اللي عرضتها حضرتك يضل قير الاف جي كامل من الوكالة ارخص من قيرك ابو طلب نت.
واذا هذي اسعار قيرك من النت توقع انه اسعار قير الافجي ارخص منه بثلاث مرات بالنت

ماشفت الديكورات تتفكك لاكن الديكورات مصنوعه من بلاستيك رخيص فيها اصوات لاكن مو الى الدرجه اللي تخليك تنزعج من السياره او تكرهها.

انا اشوفها سياره عمليه جدا و مشاكلها قليله و تخدم اهم شي احرص على تغيير زيت القير و المكينه في الوقت المحدد و ان شاء الله ماراح تواجهك مشكله مع السياره.

سعر القير اللي تتكلم عنه remanufacturer يعني موظب من المصنع و سعره في امريكا 2858 دولار تطلع تقريبا 10774 ريال طبعا بدون الكلتش و بدون الدبل فقط قير لوحده بدون عصى التعشيق السعر هذا للقير العادي

33030 TRANSMISSION UNIT ASSY, MANUAL
33030-35A70 2009.08-2010.11 GSJ15.. MTM 1
$3314.98
$2858.95
قبل الخصم 3314 دولار مايعادل 12493 ريال
بعد الخصم 2858 دولار

سعر قير الرانجلر القير العادي 2014 2075 دولار مايعادل 7822 ريال بدون الكلتش بدون الدبل بدون عصى التعشيق
Part # 52104742AD
Number on Image: 1
Categories: NSG370; 6-Speed; Manual Transmission
MSRP $2075.00