اللكزس والباترول والبديل الافضل ان وجد ؟

لكزس وبس يا خوي

جلست بالنيسان باترول صرت اشوف اللكزس والاندكروزر سياره صغيره بالحجم

كلامي مهب تقليل والله من اللكزس ولاندكروزر بس هذه الواقع

النيسان افظل مع اني امتلك لاندكروزر

بنسة لقير الباترول 400 انا معاي واحد الموتر ما شاءالله بطل ولا فيه اي مشكلة ماشي فوق 80 الف بشوي و الحمدلله و إذا تبيه يشملة ضمان العيسى شف خلف الموتر إذا فيه ستكر العيسى يشمله الضمان ،، وبتوفق

في الحقيقه اعجز ان اجاري الردود في كرمها وانا مثلك لم اجرب اي السيارتين
واعتقد اللي بالمعرض وارد خليجي
والعيسى ان لم اكن واهم اغلى من المعارض لكن يوفر الضمان
لم اذهب للعيسى حتى الان لانشغالي وفعلا المستعمل اي كان يخوف الا ان كان اخذته من واحد تعرفه زين

بيض الله وجهك

الباترول شيخ وسلامتك

حياكم يالربع ..نصيحة لوجه الله ابتعد عن المستعمل ..وخذ لك وكالة واشتري راحة البال .. انت سالت عن البديل .. والله يخوي ما ادري يخوي لو شوري بيناسبك والا بيشتت افكارك ..انا يخوي انصحك بالامريكي خذ لك تاهو ال تي زد وكالة ..وضمان خمس سنوات ..والله معك

بيض الله وجهك

مثل ماتفضل اخونا ابو اسد الباترول ماهو من فئة الليكزس
لكن رغم ذلك الباترول الجديد بقوة مواصفاته اصبح يقارن بالليكزس
مع تفوقه في جانب الاداء والسعر.

لذلك المنطق يقول ان باترول خيار مميز للغاية لمن يملكون سعره

ا

التميمي12

السلام عليكم

اليوم في هذا الصباح الممطر الجميل بالرياض الساحره قمت بجوله بمعارض النسيم كنت ابحث عن جيب لكزس 2012 للاسف لقيت اللي ماشي 47 الف كم بسعر بين 290 الى 300 الف
وكلها داخليها تعبان الجلد مستهلك حرام تحط هالمبلغ بمستعمل

لقيت البديل باترول 14 ورغم ندرته بالمعارض لقيت واحد فل تيتنايوم لكن 320 حصان تقريبا سالت راعي المعرض ابغى 400 حصان [COLOR="Red"]نصحني بالابتعاد عن هذه الفئه 400 لان القير لا يتناسب مع قوه المكينه يقول عيب في 2014 خلك على 320
وسعرها بحدود 265 الف
وبالنسبه لضمان العيسى لو شرينا من المعارض يشمل؟؟
وش رايكم ماخاب من استشار ماهو البديل برأيك بهذا السعر ؟؟
ووش رايك بكلام مدير المعرض قحطاني وونعم شرواء من يفيدنا برد ومن يقراء ؟؟

[/COLOR]

وعليكم السلام

أخوي حبيت أقولك أني أدير قروب لملاك بطل الدروب في الوتساب

وفيه من الي عنده LE وSE

ولا شفت أحد من الي معه LE الي هو ابو400 يشتكي من قيره
وهو قيره أقوى وأكثر سرعات من SE بعدد سرعات خمس بينما LE بعدد 7 سرعات

فلا تصدق كلام الي يشتغلون بالمعارض خير شر
ياكثر من يقولون حقين الشريطية أن الباترول يتفكك وخرابيط والباترول الجديد (الفتك مدري عنه) ماشفت أحد عندي بالقروب أو شخصيا يشتكي من تفكك بالموتر عدا واحد وجزء بسيط بالديكور مو الموتر بالكامل كما يتهمون الشريطية وبعض من الي معهم لاند أنه بحكم تشويه سمعته وكرهه للماركة

وبخصوص الضمان
ما أخفيك أن العيسى من بعض الشباب الي عندي بالقروب يقولون أنه صاير ساعات أخس من الحمراني؟! بحيث اي مشكلة مايشمله الضمان ويتصلون على وزارة التجارة شوي ويبوس يدينك الي يشتغلون يقول نصحله على الضمان ماله داعي تشتكي؟! سلامات اجل يسكت عن حقه

عموما غصب عنه يضمنها أذا هي تبعة
أذا اماراتي أو خارج السعودية
بشكل عام حسب خطاب وزارة التجارة للحمراني أنه غصب يدخل الضمان لكن ما اخفيك يمكن تتمشكل مع الوكالة لكن الافضل تمر العيسى نفسه وتساله وبشكل عام أعتقد غصب عنه لازم يدخل الضمان بس لازم تسجله عندهم بالعيسى بالضمان حسب ما سعمت

وما أشوف بديل أفضل من اللكزس إلا الباترول رغم أنه مو بنفس فئته الفارهة يعني حتى ما اشوف أنفنتي الي يشبه الباترول بديل له لأنه أول شيء مايمتلك نفس مواصفات اللكزس LX بتحكم الهيدروليك وقساوة المساعدات وأيضا أقل مواصفات للطرق الوعرة من الباترول نفسه!
ثم الـ VXR يتعبر بديل ممتاز بعد اللكزس LX والباترول
غيره ما اشوف بديل يوصل لمستواهم

السلام عليكم

اخوي انا اشتركت في المنتدى مخصوص عشان ارد عليك.
اذا كان المعرض الي انت سالت فيه عن الباترول هو معرض سلطان بالنسيم تراه السياره 320 الي لونها بني كانت محكوكه من الجهه اليسار في الصدام الخلفي انا شايفها يوم الاحد .
انتبه لا يكون رشها و يبغى يمشيها عليك والله يوفقك لما فيه الخير لك.

قد يكون يبي يمشي ابو 320 حصان لانه مو ماشي مثل ابو 400 حصان
المكينة لها فترة ولو فيها مشاكل كان ظهرت وانتشرت بين الناس

اولا لا يوجد اي مشاكل بالباترول ٤٠٠ او ٣٢٠ من الناحية الميكانيكية بتااااااتاً والقير والمكينة خاصة
غالبية سكان المعارض نصابين درجة اولى
يعني عنده استعداد يروج اشاعة مالها اساس ليكسب الف ريال زيادة!! الا من رحم ربك
الى اليوم يقولون الشريطية ان الهايلكس السعودية افضل من الخليجية والى اليوم مافيه واحد منهم قدر يثبت اي اختلام ميكانيكي ولو مسمار !!
اذا اعجبك الباترول وناسبك سعره فلا تسمع كلامهم الموتر شييييييييييخ

تحياتي لك

عنده الفئتين ويفترض انه يمشي الاغلى وليس الاقل سعرا

وعليكم السلام

كلام شريطية المعارض بشكل عام كثيرا ما يفتقد للأساس العلمي ويكفيك أنهم يفرقون بين جم إم سي سييرا وشيفرولية سيلفرادو مع انها تخرج من مصنع واحد ويصرون على أن هناك فروقات في الاستخدام والتحمل وغيره !

حقيقة أنصحك بالابتعاد عن السيارتين

اما اللكزس فهي غالية ولا تستحق سعرها وسجلت ملاحظات عليها خاصة في الكهرباء

واما الباترول فوضع نيسان مريب وسألت موظف في العيسى وقال لا نضمن كل سيارات المعارض .

البدائل :

كاديلاك سكاليد
لنكون نافيجيتور
يوكون دينالي
تاهو LTZ

أسماء فخمة بأسعار جيدة مقارنة باللكزس والباترول

بالنسبة لي

أفضل شراء الجديد على المستعمل لأنك راح ترتاح من مشكلة وجود عيوب مصنعية أو من سوء الاستخدام و في حال وجود عيب مصنعي في السيارة الجديدة راح يغطيها الضمان

كل السيارتين كفو سواء باترول أو اللكزس بس بالنسبة لي أفضل الباترول

بالنسبة للضمان تأكد وارد من و يفضل تأخذ رقم الهيكل و تمر العيسى و تشوف يدخل في الضمان أو لا لأن وارد العراق و أفريقيا ما يدخل بالضمان فأضل طريقه تضمن دخولها في الضمان إنك ترجع للوكيل

بالنسبة لي ما أقتنع أبدا بكلام أصحاب المبيعات و لا قد سمعت عن مشاكل في قير أو مكينة الباترول بالعكس أبو 400 حصان أفضل من 320 لأنها أقوى و أحدث و موفر للوقود و قيره سبع نمر يعني بكل المقاييس أفضل من مكينة 320
أفضل تأخذ رأي من له خبرة جيدة في النيسان
وكنت اتمنى اشتري باترول 400 حصان بس للأسف طلع غالي و تركته

و أولا و اخيرا ما سبق امتلكت أي من السيارتين لكن كنت أريد شراء نيسان باترول و وقف المبلغ عائق أمامي بس حبيت أشاركك بما أعرفه عن السيارة

و لا تنسى الاستخارة و بالتوفيق

اللهم امين

بالنسبه للضمان بعد بحث وسؤال اعتقد بعض جيوب الباترول بالمعارض لا يشملها ضمان العيسى بل يفرض الشراء منه ليتم الضمان

اخواني ارجو التعليق على سالفه 400 حصان والقير
وللعلم المعرض عنده 400 وعنده 320 حصان
وال 400 اغلى بالطبع فالمفروض ان كان بيمشي بضاعته العكس يمدح ال 400

لي عوده