استفسار عن سييرا 2012

سييرا 2012

سلام عليكم

وعليكم السلام
شريت سياره سييرا 2012 اماراتي مستعمل ونظيفه ماشاء الله
الف الف مبروك
بس يوم اخذتها لاضربت مطب فيها مطناج وهواء للكفر 40
السيرا نوع z71 هذا مخصص للطرق الوعره لهذا يجيك قاسي شوي
لكن انت نقص هواء الكفرات الى 30 وراح تعود عليه
واستفسار اخر حسب راعي يقول ثلاث دبلات وواحد منهم اتوماتيك ماحنا عارفيه كيف ويعشق في حاله ايش ! هل هذا صحيح

وطبعا نوعها زد 71
قصدك الدبل له ثلاث خيرات
اول خيار الى هو اوتو هذا تشغله اذا كنت تمشي على ازفلت ناعم وتخاف تزلق السياره او تنحرف عن مساره او اي طريق زلق مثل عندك شوارع الرياض اذا جاء مطر اصبحت خطره مره وكثرت حوادث السيارات بسبب الانزلاق
الخيار الثاني هو مايسمى الدبل الخفيف وهذا يستعمل لتمشي بالبر وصعود بعض المرتفعات الصغيره لكن لاشغلت الدبل الخفيف لاتنسى تطفي نظام الانحراف وهذا زر مرسوم عليه سياره منزلقه او كأنها تفحط على شان تستفيد من اقصى عزم للسياره وهذا الخيار يمكن تشغله والسياره تمشي يعني مو لازم توقف مجرد اترك دعسه البنزين وشغله على ان لاتعدى سرعك 100 كيلو بساعه وانا افضل انك تشغله على سرعه 20 او 30 كيلو بساعه
الخيار الثالث الى هو الدبل الثقيل وهذا لابد عند تشغيله اول شي توقف السياره والكفرات عدال وتحط القير على الفاضي N وتضغط على الفرامل وبعدين تشغله وهو يستخدم لطلوع المرتفاعات العاليه او سحب السيارات العالقه ويفضل عند تشغيله تحويل القير الى عادي
ووين احصل غطاء الصندوق في المدينه المنوره وعلى كم اسعارهم
اذا عندكم فرع للسليماني راح بأذن الله تحصل عنده واذكر سعره 1700 ريال
رأيكم عموما في السياره وموديلها ونوعها لاني والله م اعرفلها زين

السيرا من اروع السيارات الي جربتها لانها جمعت بين الشكل والاداء والاقتصاد ورخص قطع الغيار والفخامه والسعر المناسب وايضا توفر الاكسسوارات وايضا قطع التعديل لهوات الدرفت والسباقات لكن انت انتبه للتالي
اول شي زيت المكينه لاتحط الا زيت خفيف والزوجه الموصى بها هي 30/5 ان حصلته زين وان ماحصلته استخدم الى بعده 30/10 ويفضل نوع كاسترول
الثاني عندك الدبل لاتنساه مشغل لان ماله لمبه في الطبلون تذكرك انه شغال احرص كل ماتطلع من البر تشيك على الدبل وايضا لاغسلت السياره عند مغسله تاكد ان العامل ماشغل الدبل عن طريق الخطاء اثناء التمسيح
ايضا عندك زيت القير كل ستين الف شيك عليه اذا تعبان مباشره غيره
هذا مايحضرني وان شاء الله يفيدونك الاخوان